ବଳାତ୍କାର ଭୟରେ ଚଳନ୍ତା ଟ୍ରେନରୁ ଡେଇଁଲେ ମା’, ଝିଅ

ବଳାତ୍କାର ଭୟରେ ଚଳନ୍ତା ଟ୍ରେନରୁ ଡେଇଁଲେ ମା’, ଝିଅ

Copy Editor AH | Published On: Nov 13, 2017 06:20 AM IST |   785

କାନପୁର : ବଳାତ୍କାର ଭୟରେ ଜଣେ ମହିଳା ତାଙ୍କର ନାବାଳିକା ଝିଅକୁ ଧରି ଚଳନ୍ତା ଟ୍ରେନରୁ ଡେଇଁପଡିଛନ୍ତି । ଶନିବାର ଘଟଣାଟି ଘଟିଛି ଉତ୍ତର ପ୍ରଦେଶର କାନପୁର ସହରରେ । ୪୦ ବର୍ଷୀୟା ଏହି ମହିଳା ଓ ତାଙ୍କର ୧୫ ବର୍ଷର ଝିଅ ହାୱଡା-ଯୋଧପୁର ଏକ୍ସପ୍ରେସ ଯୋଗେ କଲକାତାରୁ ଦିଲ୍ଲୀ ଯାତ୍ରା କରୁଥିଲେ । ତେବେ ଟ୍ରେନଟି ଚନ୍ଦାରି ଓ କାନପୁର ଷ୍ଟେସନ ମଝିରେ ଚାଲୁଥିବାବେଳେ ଉକ୍ତ ବଗିରେ ଥିବା କେତେକ ଅସାମାଜିକ ବ୍ୟକ୍ତି ବଳାତ୍କାର ଉଦେଶ୍ୟରେ ଝିଅକୁ ଶୌଚାଳୟକୁ ଟାଣିନେଇଥିଲେ । ସଂଖ୍ୟାଧିକ ଲୋକଙ୍କ ମୁକାବିଲା କରିବାରେ ଅସମର୍ଥ ହେବା ଜାଣି ଉଭୟ ମାଆ ଓ ଝିଅ ଚଳନ୍ତା ଟ୍ରେନରୁ ଡେଇଁପଡିଥିଲେ । ପ୍ରାୟ ଦୁଇ ଘଣ୍ଟା ଚେତାଶୂନ୍ୟଭାବେ ପଡିରହିବାପରେ ସେମାନଙ୍କର ହୋସ୍‌ ଆସିଥିଲା । ଗୁରୁତର ଅବସ୍ଥାରେ ଚାଲି ଚାଲି ଚନ୍ଦାରି ଷ୍ଟେସନରେ ପହଞ୍ଚିବାପରେ ଲୋକେ ସେମାନଙ୍କୁ ଆମ୍ବୁଲାନ୍ସ ଯୋଗେ ହାସପାତାଳକୁ ପଠାଇଥିଲେ । ମହିଳାଙ୍କ ଏତଲାକୁ ଭିତ୍ତିକରି ରେଳବାଇ ପୁଲିସ ଏକ ମାମଲା ରୁଜୁ କରିଛି । ମହିଳାଙ୍କ ବୟାନ ଅନୁଯାୟୀ ଟ୍ରେନଟି ହାୱଡା ଷ୍ଟେସନ ଛାଡିବା ପରଠାରୁ ବଗିରେ ଥିବା ୧୦/୧୫ ଜଣ ବ୍ୟକ୍ତି ତାଙ୍କ ଝିଅକୁ କମେଣ୍ଟ ମାରିବା ଆରମ୍ଭ କରିଥିଲେ । ଏପରିକି ଆହ୍ଲାବାଦ ଷ୍ଟେସନ ପୂର୍ବରୁ ସେମାନେ ନାବାଳିକାକୁ ଟଣାଓଟରା କରିବାକୁ ଉଦ୍ୟମ କରିଥିଲେ । ମହିଳା ଜଣକ ବଗିରେ ମୁତୟନ ରେଳବାଇ ପୁୁଲିସକୁ ଦୁଇ ଦୁଇ ଥର ଅଭିଯୋଗ କରିଥିଲେ ସୁଦ୍ଧା କୌଣସି ସୁଫଳ ମିଳିନଥିଲା । ପୁଲିସ ଜଣକ ପ୍ରଥମେ ବଗିରେ ଥିବା ଅସାମାଜିକ ଗୋଷ୍ଠୀର ତିନିଜଣଙ୍କୁ ଚାପୁଡା ମାରିବା ସହ ଗିରଫ ଧମକ ଦେଇଥିଲେ । ତେବେ ଲାଞ୍ଚ ମିଳିବାପରେ ପୁଲିସ ବାବୁଙ୍କ ଆଉ ଦେଖା ମିଳିନଥିଲା ବୋଲି ମହିଳା ଅଭିଯୋଗ କରିଛନ୍ତି । ମହିଳାଙ୍କ ସ୍ୱାମୀ ଦିଲ୍ଲୀର ଏକ ଘରୋଇ କମ୍ପାନୀରେ ଚାକିରି କରୁଥିବାବେଳେ ନାବାଳିକା ନବମ ଶ୍ରେଣୀରେ ପଢୁଛନ୍ତି ।
Tags:

Like Us

Breaking News

ବାଲେଶ୍ବର: ସୋର ସଜନପୁରରେ ଭୟାବହ ଅଗ୍ନିକାଣ୍ଡ, ୨ ଘଣ୍ଟା ବିତିଯାଇଥିଲେ ମଧ୍ୟ ପହଞ୍ଚିଲାନି ଦମକଳ ବାହିନୀ ଆଠଗଡ଼: ଖୁଣ୍ଟୁଣୀ ରେଞ୍ଜ ପାଇକେରାପୁରରେ ହାତୀ ଛୁଆ ମୃତଦେହ ଠାବ ଧର୍ମଗଡ଼: କଳାହାଣ୍ଡି ଜିଲା ଜାତୀୟ ରାଜପଥ ୨୬ କାଲପୋଲା ଛକ ନିକଟରେ ବ୍ୟାଣ୍ଡପାର୍ଟି ପିକଅପ୍‌ ଭ୍ୟାନ ଓ ଟ୍ରକ୍‌ ଧକ୍କାରେ ୨ ମୃତ, ୨୪ ଆହତ ଯାଜପୁର : ଯାଜପୁର ଜିଲ୍ଲା ପଂଚାୟତ କାର୍ଯ୍ୟାଳୟର ପୂର୍ବତନ ବରିଷ୍ଠ କିରାଣୀ ବିଚିତ୍ରାନନ୍ଦ ମହାନ୍ତିକୁ ଜିଲ୍ଲାପାଳ ସରକାରୀ ଚାକିରିରୁ ବହିଷ୍କାର କଲେ। ତାଙ୍କ ବିରୁଦ୍ଧରେ ଏକ କୋଟି ଅଠ।ନବେ ଲକ୍ଷ ଟଂକାର ଅନିୟମିତତା ଅଭିଯୋଗ ନେଇ ମାମଲା ରୁଜୁ ହୋଇଛି।