ଭାରତୀ-ହର୍ଷଙ୍କ ବିବାହ

.

Published On: Nov 12, 2017 06:00 PM IST |   1988

କମେଡି କ୍ୱିନ୍‌ ଭାବେ ଖ୍ୟାତିଲାଭ କରିଥିବା ଭାରତୀ ସିଂହ ବହୁଦିନର ଚର୍ଚ୍ଚା ପରେ ଶେଷରେ ଶ୍ରୀମତୀ ହେବାର ତାରିଖ ଘୋଷଣା କରିଛନ୍ତି। ଆସନ୍ତା ଡିସେମ୍ବର ୩ତାରିଖରେ ହର୍ଷ ଲିମ୍ବାଚିୟାଙ୍କୁ ବିବାହ କରିବାକୁ ଯାଉଛନ୍ତି ଭାରତୀ। ଏହା ଜଣାଇବା ଲାଗି ବିବାହ ପୂର୍ବ ଫଟୋଶୁଟ୍‌ କରି ଏହାର ଫଟୋ ଇନ୍‌ଷ୍ଟାଗ୍ରାମରେ ଶେୟାର କରିଛନ୍ତି। ଏଥିରେ ସେ ଲେଖିଛନ୍ତି ଯେ ହର୍ଷ ମୋର ମନ ଚୋରି କରିଥିଲେ, ଏବେ ମୁଁ ତାଙ୍କ ସାଙ୍ଗିଆ ଚୋରି କରିବାକୁ ଯାଉଛି। ବାହାଘରରେ ପାଳିତ ହେବାକୁ ଥିବା ସମସ୍ତ ପରମ୍ପରାକୁ ନେଇ ଭାରତୀ ବେଶ୍‌ ଉତ୍ସୁକ। ସେଦିନ ଲାଗି ସେ ଓଜନ ଆଉ ଟିକେ କମ୍‌ କରିବା ପାଇଁ ଡାଏଟିଂ ମଧ୍ୟ ଆରମ୍ଭ କରିଦେଇଛନ୍ତି। ଉଭୟଙ୍କୁ ଲୋକପ୍ରିୟ ଡ୍ୟାନ୍ସ ରିଅଲିଟି ଶୋ’ ‘ନଚ୍‌ବଲିଏ-୮’ରେ ବି ଦେଖିବାକୁ ମିଳିଥିଲା। ଭାରତୀ ‘ଦି କପିଲ ଶର୍ମା ଶୋ’ ଏବଂ ‘କମେଡି ନାଇଟ୍‌ସ’ରେ ଅଭିନୟ କରିସାରିଛନ୍ତି। ଜୁନ୍‌ ମାସରେ ଦୁଇଜଣଙ୍କର ନିର୍ବନ୍ଧ ହୋଇଥିଲା। ଭାରତୀଙ୍କ ଠାରୁ ହର୍ଷ ୭ବର୍ଷ ସାନ। ସେମାନଙ୍କର ମଜାଦାର ବାହାଘର କାର୍ଡଟିକୁ ପୁନିତ ଗୁପ୍ତା ଡିଜାଇନ୍‌ କରିଥିବା ବେଳେ ହନିମୁନ୍‌ ଲାଗି ଭାରତୀ ୟୁରୋପ ଯିବାକୁ ଭାବିଛନ୍ତି। ସେଠାରେ ୨୦-୨୫ ଦିନ ବିଭିନ୍ନ ସହର ବୁଲାବୁଲି କରିବା ଯୋଜନା କରିଛନ୍ତି ସେ।

Tags:

Like Us

Breaking News

ବାଲେଶ୍ବର: ସୋର ସଜନପୁରରେ ଭୟାବହ ଅଗ୍ନିକାଣ୍ଡ, ୨ ଘଣ୍ଟା ବିତିଯାଇଥିଲେ ମଧ୍ୟ ପହଞ୍ଚିଲାନି ଦମକଳ ବାହିନୀ ଆଠଗଡ଼: ଖୁଣ୍ଟୁଣୀ ରେଞ୍ଜ ପାଇକେରାପୁରରେ ହାତୀ ଛୁଆ ମୃତଦେହ ଠାବ ଧର୍ମଗଡ଼: କଳାହାଣ୍ଡି ଜିଲା ଜାତୀୟ ରାଜପଥ ୨୬ କାଲପୋଲା ଛକ ନିକଟରେ ବ୍ୟାଣ୍ଡପାର୍ଟି ପିକଅପ୍‌ ଭ୍ୟାନ ଓ ଟ୍ରକ୍‌ ଧକ୍କାରେ ୨ ମୃତ, ୨୪ ଆହତ ଯାଜପୁର : ଯାଜପୁର ଜିଲ୍ଲା ପଂଚାୟତ କାର୍ଯ୍ୟାଳୟର ପୂର୍ବତନ ବରିଷ୍ଠ କିରାଣୀ ବିଚିତ୍ରାନନ୍ଦ ମହାନ୍ତିକୁ ଜିଲ୍ଲାପାଳ ସରକାରୀ ଚାକିରିରୁ ବହିଷ୍କାର କଲେ। ତାଙ୍କ ବିରୁଦ୍ଧରେ ଏକ କୋଟି ଅଠ।ନବେ ଲକ୍ଷ ଟଂକାର ଅନିୟମିତତା ଅଭିଯୋଗ ନେଇ ମାମଲା ରୁଜୁ ହୋଇଛି।