ନଭେମ୍ବର ୯ରେ ହିମାଚଳ ପ୍ରଦେଶ, ଡିସେମ୍ବର ୧୮ ପୂର୍ବରୁ ଗୁଜରାଟ ବିଧାନସଭା ନିର୍ବାଚନ

ନଭେମ୍ବର ୯ରେ ହିମାଚଳ ପ୍ରଦେଶ, ଡିସେମ୍ବର ୧୮ ପୂର୍ବରୁ ଗୁଜରାଟ ବିଧାନସଭା ନିର୍ବାଚନ

Copy Editor RKD | Published On: Oct 13, 2017 12:02 AM IST |   136

ନୂଆଦିଲ୍ଲୀ : ହିମାଚଳ ପ୍ରଦେଶ ବିଧାନସଭା ନିର୍ବାଚନ ପାଇଁ ନିର୍ବାଚନ ଆୟୋଗ (ଇସି) ଗୁରୁବାର କାର୍ଯ୍ୟସୂଚୀ ଘୋଷଣା କରିଛନ୍ତି । ଘୋଷିତ କାର୍ଯ୍ୟସୂଚୀ ଅନୁଯାୟୀ ନଭେମ୍ବର ୯ତାରିଖରେ ଏହି ବିଧାନସଭା ନିମନ୍ତେ ଭୋଟ ଗ୍ରହଣ ହେବ ଓ ଡିସେମ୍ବର ୧୮ରେ ଭୋଟଗଣତି କରାଯିବ । ବିଧାନସଭା ନିର୍ବାଚନ ପାଇଁ କାର୍ଯ୍ୟସୂଚୀ ଘୋଷଣା ମାତ୍ରେ ଆଦର୍ଶ ନିର୍ବାଚନ ଆଚରଣ ବିଧି କାର୍ଯ୍ୟକାରୀ ହୋଇଛି । ତେବେ ଗୁଜରାଟ ବିଧାନସଭା ନିର୍ବାଚନ ପାଇଁ ବିଧିବଦ୍ଧ ତାରିଖ ଘୋଷଣା କରାଯାଇନାହିଁ । ଗୁଜରାଟ ନିର୍ବାଚନ ସମ୍ପର୍କରେ ଆୟୋଗ କୌଣସି ସ୍ପଷ୍ଟ ସୂଚନା ଦେଇ ନଥିଲେ ମଧ୍ୟ ଡିସେମ୍ବର ୧୮ ପୂର୍ବରୁ ନିର୍ବାଚନ ଅନୁଷ୍ଠିତ ହେବ ବୋଲି ଆୟୋଗ କହିଛନ୍ତି । ଖୁବ୍‌ଶୀଘ୍ର ଏହାର ତାରିଖ ଘୋଷଣା ହେବ ବୋଲି ଜଣାପଡ଼ିଛି । ମୁଖ୍ୟ ନିର୍ବାଚନ ଆୟୋଗ(ସିଇସି) ଏ.କେ ଜୋତି ଅନ୍ୟ ଦୁଇ ସଦସ୍ୟଙ୍କ ସହ ଅପରାହ୍ଣରେ ନିର୍ବାଚନ ସଦନଠାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଏ ସମ୍ପର୍କରେ ବିସ୍ତୃତ ସୂଚନା ଦେଇଛନ୍ତି । ୬୮ ଆସନ ବିଶିଷ୍ଟ ହିମାଚଳ ପ୍ରଦେଶ ବିଧାନସଭାର ଅବଧି ଜାନୁଆରୀ ୭ରେ ଶେଷ ହେଉଛି । ତେଣୁ ଏହାର ଯଥେଷ୍ଟ ପୂର୍ବରୁ ନଭେମ୍ବର ୯ରେ ଭୋଟ ଗ୍ରହଣ କରାଯିବ । ୧୮୨ ଆସନ ବିଶିଷ୍ଟ ଗୁଜରାଟ ବିଧାନସଭାର ଅବଧି ଜାନୁଆରୀ ୨୨ରେ ଶେଷ ହେଉଥିବାରୁ ଡିସେମ୍ବର ୧୮ ପୂର୍ବରୁ ଏହାର ନିର୍ବାଚନ ହେବ । ୨୦୧୯ରେ ସାଧାରଣ ନିର୍ବାଚନ ହେବାକୁ ଥିବାବେଳେ ଏହି ଦୁଇ ରାଜ୍ୟର ବିଧାନସଭା ନିର୍ବାଚନ ରାଜନୈତିକ ଦଳଗୁଡିକ ପାଇଁ ବେଶ ଗୁରୁତ୍ୱ ବହନ କରିଛି । ଆୟୋଗଙ୍କ ଘୋଷଣା ଅନୁଯାୟୀ ହିମାଚଳ ପ୍ରଦେଶ ନିର୍ବାଚନ ସମୟରେ ଇଭିଏମ୍‌ ସହିତ ଭିଭିପିଏଟି ବ୍ୟବହାର କରାଯିବ । ଏହାଦ୍ୱାରା ଭୋଟର ସେମାନଙ୍କ ଭୋଟକୁ ଯାଞ୍ଚ କରିପାରିବେ । ଏହାଦ୍ୱାରା ଇଭିଏମ୍‌ରେ ଜାଲିଆତି ହେଉଥିବା ନେଇ ଅଭିଯୋଗକୁ ଏଡା ଯାଇପାରିବ ।
Tags:

Like Us

Breaking News

ସୁନ୍ଦରଗଡ଼: କୁଆରମୁଣ୍ଡା ଫାଣ୍ଡି ଅନ୍ତର୍ଗତ ପଦ୍ମପୁର ବାଲିଘାଟରେ ଦୁର୍ବୃତ୍ତ ପୋଡ଼ି ଦେଇଛନ୍ତି ପୋକଲିନ୍‌ ମେସିନ ବିଜେପୁର ଉପନିର୍ବାଚନ: ଦିନ ୩ଟା ସୁଦ୍ଧା ୫୫ ପ୍ରତିଶତ ମତଦାନ, ସୂଚନା ଦେଲେ ରିଟର୍ଣ୍ଣିଂ ଅଫିସର ତପିରାମ ମାଝି ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୂଆଦିଲ୍ଲୀ ଗସ୍ତ, ସନ୍ଧ୍ୟାରେ ରାଷ୍ଟ୍ରପତିଙ୍କୁ ଭେଟିବେ ମୁମ୍ବଇରୁ ଭୁବନେଶ୍ୱର ଆସୁଥିବା କୋଣାର୍କ ଏକ୍ସପେସରୁ ମିଳିଲା ୨ଟି ସନ୍ଦିଗ୍ଧ ବାକ୍ସ, ଯାଞ୍ଚ କଲା ବୋମା ନିଷ୍କ୍ରିୟକାରୀ ଟିମ୍‌