ପାକ୍‌ ସୈନ୍ୟଙ୍କ ଗୁଳିରେ ଯବାନ ସହିଦ

ପାକ୍‌ ସୈନ୍ୟଙ୍କ ଗୁଳିରେ ଯବାନ ସହିଦ

Copy Editor RKD | Published On: Oct 13, 2017 12:00 AM IST |   278

ଜାମ୍ମୁ : ପାକିସ୍ତାନ ପକ୍ଷରୁ ନିୟନ୍ତ୍ରଣ ରେଖାରେ ପୁଣି ଅସ୍ତ୍ରବିରତି ଉଲ୍ଲଘଂନ କରାଯାଇ ଭାରତୀୟ ଶିବିର ଉପରକୁ ଗୁଳିଚାଳନା କରାଯାଇଥିବାରୁ ଜଣେ ଯବାନ ସହିଦ ହୋଇଛନ୍ତି । ଏହି ଘଟଣାରେ ଅନ୍ୟ ଜଣେ ସାଧାରଣ ନାଗରିକଙ୍କର ମଧ୍ୟ ମୃତୁ୍ୟ ଘଟିଛି । ଜାମ୍ମୁ କାଶ୍ମୀରର ପୁଞ୍ଚ୍‌ ଜିଲା ଅନ୍ତର୍ଗତ କ୍ରିଷ୍ଣାଘାଟି ଓ କାର୍ମାରା ଅଞ୍ଚଳରେ ଥିବା ବିଏସଏଫ ଶିବିର ଉପରକୁ ପାକ୍‌ ସୈନ୍ୟମାନେ ଗୁରୁବାର ପ୍ରବଳ ଗୁଳିବର୍ଷଣ କରିଥିଲେ । ସକାଳ ୧୦.୩୫ରୁ ପାକ୍‌ ସୈନ୍ୟଙ୍କ ଗୁଳିଚାଳନା ଆରମ୍ଭ ହୋଇଥିଲା । ଭାରତୀୟ ଯବାନଙ୍କ ପକ୍ଷରୁ ଏହାର କଡା ଜବାବ ଦିଆଯାଇଥିଲା । କାର୍ମାରା ସେକ୍ଟରରେ ପାକ୍‌ ସୈନ୍ୟ ମୋର୍ଟାର ସାହାଯ୍ୟରେ ଆକ୍ରମଣ ଜାରି ରଖିଥିଲେ । ଚକନ ଦା ବାଗ୍‌ ସୀମାନ୍ତବର୍ତ୍ତୀ ଫାଟକ ନିକଟରେ କାର୍ମାରା ଅବସ୍ଥିତ । ଏହି ଫାଟକ ଦେଇ ଭାରତ ଓ ପାକିସ୍ତାନ ମଧ୍ୟରେ ବ୍ୟାବସାୟିକ କାରବାର ଅନୁଷ୍ଠିତ ହୋଇଥାଏ । ତେବେ ସୀମାନ୍ତରେ ଉତ୍ତେଜନା ଲାଗି ରହୁଥିବାରୁ ବିଗତ କିଛି ମାସ ହେଲା ଏହି ଫାଟକକୁ ବନ୍ଦ ରଖାଯାଇଛି । ଗତ ମଙ୍ଗଳବାର ଚକନ ଦା ବାଗ ଫାଟକରେ ପାକ୍‌ ସୈନ୍ୟମାନେ ଜଣେ ମହିଳାଙ୍କୁ ଭାରତୀୟ ଯବାନଙ୍କୁ ହସ୍ତାନ୍ତର କରିଥିଲେ । ସ୍ୱାମୀଙ୍କ ସହ ଝଗଡା ହେବାପରେ ଦିଗ୍‌ୱାର ବାସିନ୍ଦା ୩୭ ବର୍ଷୀୟା ଏହି ମହିଳାଜଣକ ୨୦୧୩ରେ ନିୟନ୍ତ୍ରଣ ରେଖା ଅତିକ୍ରମ କରି ପାକ୍‌ ଅଧିକୃତ କାଶ୍ମୀରକୁ ପଳାଇଥିଲେ । ଚଳିତବର୍ଷ ସେପ୍ଟେମ୍ବର ୩୦ ସୁଦ୍ଧା ପାକିସ୍ତାନ ପକ୍ଷରୁ ୬୦୦ରୁ ଅଧିକ ଥର ଅସ୍ତ୍ରବିରତି ଉଲ୍ଲଘଂନ କରାଯାଇସାରିଲାଣି । ଏଥିରେ ପ୍ରାୟ ଚାଳିଶ ଜଣ ଭାରତୀୟଙ୍କର ମୃତ୍ୟୁ ଘଟିଥିବାବେଳେ ଶତାଧିକ ଆହତ ହୋଇସାରିଲେଣି ।
Tags:

Like Us

Breaking News

ସୁନ୍ଦରଗଡ଼: କୁଆରମୁଣ୍ଡା ଫାଣ୍ଡି ଅନ୍ତର୍ଗତ ପଦ୍ମପୁର ବାଲିଘାଟରେ ଦୁର୍ବୃତ୍ତ ପୋଡ଼ି ଦେଇଛନ୍ତି ପୋକଲିନ୍‌ ମେସିନ ବିଜେପୁର ଉପନିର୍ବାଚନ: ଦିନ ୩ଟା ସୁଦ୍ଧା ୫୫ ପ୍ରତିଶତ ମତଦାନ, ସୂଚନା ଦେଲେ ରିଟର୍ଣ୍ଣିଂ ଅଫିସର ତପିରାମ ମାଝି ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୂଆଦିଲ୍ଲୀ ଗସ୍ତ, ସନ୍ଧ୍ୟାରେ ରାଷ୍ଟ୍ରପତିଙ୍କୁ ଭେଟିବେ ମୁମ୍ବଇରୁ ଭୁବନେଶ୍ୱର ଆସୁଥିବା କୋଣାର୍କ ଏକ୍ସପେସରୁ ମିଳିଲା ୨ଟି ସନ୍ଦିଗ୍ଧ ବାକ୍ସ, ଯାଞ୍ଚ କଲା ବୋମା ନିଷ୍କ୍ରିୟକାରୀ ଟିମ୍‌