ୟୁନେସ୍କୋରୁ ଓହରିଲା ଆମେରିକା

ୟୁନେସ୍କୋରୁ ଓହରିଲା ଆମେରିକା

Copy Editor RKD | Published On: Oct 12, 2017 11:27 PM IST |   689

ପ୍ୟାରିସ : ଜାତିସଂଘ ସଂସ୍ଥା ୟୁନେସ୍କୋରୁ ଓହରିଯିବାକୁ ଆମେରିକା ଘୋଷଣା କରିଛି । ୟୁନେସ୍କୋ କର୍ତ୍ତୃପକ୍ଷ ଇସ୍ରାଏଲ ବିରୋଧୀ ମନୋଭାବ ପୋଷଣ କରୁଛନ୍ତି ବୋଲି ଅଭିଯୋଗ କରି ଆମେରିକା ଏଭଳି ନିଷ୍ପତ୍ତି ନେଇଥିବା ପ୍ରକାଶ । ଫ୍ରାନ୍ସର ରାଜଧାନୀ ପ୍ୟାରିସରେ ଅବସ୍ଥିତ ଏହି ସଂସ୍ଥାର ମୁଖ୍ୟ କାର୍ଯ୍ୟାଳୟରେ ବର୍ତ୍ତମାନ ଆମେରିକା ପର୍ଯ୍ୟବେକ୍ଷକଙ୍କୁ ଅବସ୍ଥାପିତ କରିବ ବୋଲି ଆମେରିକା ବିଦେଶ ବିଭାଗ ମୁଖପାତ୍ର ହିଦର ନୁଏର୍ଟ ସୂଚନା ଦେଇଛନ୍ତି । ଅପରପକ୍ଷରେ ଆମେରିକାର ଏଭଳି ନିଷ୍ପତ୍ତିରେ ୟୁନେସ୍କୋ ନିର୍ଦେଶିକା ଇରିନା ବୋକୋଭା ଦୁଃଖପ୍ରକାଶ କରିଛନ୍ତି । ୨୦୧୧ରେ ପାଲେଷ୍ଟାଇନକୁ ୟୁନେସ୍କୋ ସଦସ୍ୟ ତାଲିକାଭୁକ୍ତ କରାଯିବା ପରଠାରୁ ଆମେରିକା ଏହି ସଂଗଠନକୁ ପାଣ୍ଠି ଯୋଗାଣ ବନ୍ଦ କରିଦେଇଛି । ଆନ୍ତର୍ଜାତିକ ସ୍ତରରେ ଆମେରିକାର ଘନିଷ୍ଠ ସହଯୋଗୀଭାବେ ଇସ୍ରାଏଲ ପରିଚିତ । ତେବେ ୟୁନେସ୍କୋ ପକ୍ଷରୁ ଇସ୍ରାଏଲର ପରମଶତ୍ରୁ ପାଲେଷ୍ଟାଇନକୁ ସଦସ୍ୟ କରାଯାଇଥିବା ଘଟଣାକୁ ଆମେରିକା ସହଜରେ ଗ୍ରହଣ କରିପାରୁନାହିଁ । ସଂଗଠନରୁ ଆମେରିକା ଓହରିଯିବା ଘଟଣା କୂଟନୈତିକ ମହଲରେ ଉଦ୍‌ବେଗଜନକ ସ୍ଥିତି ସୃଷ୍ଟି କରିଛି ।
Tags:

Like Us

Breaking News

ସୁନ୍ଦରଗଡ଼: କୁଆରମୁଣ୍ଡା ଫାଣ୍ଡି ଅନ୍ତର୍ଗତ ପଦ୍ମପୁର ବାଲିଘାଟରେ ଦୁର୍ବୃତ୍ତ ପୋଡ଼ି ଦେଇଛନ୍ତି ପୋକଲିନ୍‌ ମେସିନ ବିଜେପୁର ଉପନିର୍ବାଚନ: ଦିନ ୩ଟା ସୁଦ୍ଧା ୫୫ ପ୍ରତିଶତ ମତଦାନ, ସୂଚନା ଦେଲେ ରିଟର୍ଣ୍ଣିଂ ଅଫିସର ତପିରାମ ମାଝି ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୂଆଦିଲ୍ଲୀ ଗସ୍ତ, ସନ୍ଧ୍ୟାରେ ରାଷ୍ଟ୍ରପତିଙ୍କୁ ଭେଟିବେ ମୁମ୍ବଇରୁ ଭୁବନେଶ୍ୱର ଆସୁଥିବା କୋଣାର୍କ ଏକ୍ସପେସରୁ ମିଳିଲା ୨ଟି ସନ୍ଦିଗ୍ଧ ବାକ୍ସ, ଯାଞ୍ଚ କଲା ବୋମା ନିଷ୍କ୍ରିୟକାରୀ ଟିମ୍‌