ଆନ୍ତର୍ଜାତିକ କ୍ରିକେଟ୍‌ରୁ ସନ୍ୟାସ ନେବେ ନେହେରା

୪୪ଟି ଟେଷ୍ଟ, ୧୫୭ଟି ଦିନିକିଆ ଓ ୩୪ଟି ଟ୍ୱେଣ୍ଟି-୨୦ ୱିକେଟ ନେଇଛନ୍ତି

Copy Editor AH | Published On: Oct 12, 2017 11:23 PM IST |   57

ଆନ୍ତର୍ଜାତିକ କ୍ରିକେଟ୍‌ରୁ ସନ୍ୟାସ ନେବେ ନେହେରା ନୂଆଦିଲ୍ଲୀ : ବରିଷ୍ଠ ଭାରତୀୟ ବାମହାତି ଫାଷ୍ଟବୋଲର ଆଶିଷ ନେହେରା ଆନ୍ତର୍ଜାତିକ କ୍ରିକେଟ୍‌ରୁ ଅବସର ନେବାର ନିଷ୍ପତ୍ତି ନେଇଛନ୍ତି । ନଭେମ୍ବର ୧ରେ ତାଙ୍କ ନିଜ ପଡ଼ିଆ ନୂଆଦିଲ୍ଲୀର ଫିରୋଜଶାହା କୋଟ୍‌ଲାରେ ଭ୍ରମଣକାରୀ ନ୍ୟୁଜିଲାଣ୍ଡ ବିରୋଧରେ ଟ୍ୱେଣ୍ଟି-୨୦ ମ୍ୟାଚ୍‌ ନେହେରାଙ୍କ ଜୀବନର ଅନ୍ତିମ ଆନ୍ତର୍ଜାତିକ ମ୍ୟାଚ୍‌ ହେବ । ବିସିସିଆଇକୁ ଏହା ଜଣାଇବା ପୂର୍ବରୁ ୩୮ ବର୍ଷ ବୟସ୍କ ନେହେରା ତାଙ୍କ ନିଷ୍ପତ୍ତି ଅଧିନାୟକ ବିରାଟ କୋହଲି ଓ ପ୍ରଶିକ୍ଷକ ରବି ଶାସ୍ତ୍ରୀଙ୍କୁ ଜଣାଇଥିଲେ ବୋଲି ବୋର୍ଡର ଜଣେ କର୍ମକର୍ତ୍ତା କହିଛନ୍ତି । ୨୦୧୮ରେ ଭାରତୀୟ ଦଳ ଅଧିକ ଟ୍ୱେଣ୍ଟି-୨୦ ମ୍ୟାଚ୍‌ ଖେଳିବାର ନଥିବାରୁ ଯୁବ ଖେଳାଳିଙ୍କୁ ସୁଯୋଗଦେବା ଲକ୍ଷ୍ୟରେ ସନ୍ନ୍ୟାସ ନେବାର ନିଷ୍ପତ୍ତି ନେହେରା ନେଇଛନ୍ତି । ନେହେରାଙ୍କ କହିବା ଅନୁସାରେ, ବର୍ତ୍ତମାନ ଭାରତ ପାଇଁ ଟ୍ୱେଣ୍ଟି୨୦ ଖେଳୁଥିବା ଦୁଇ ପେସ୍‌ ବୋଲର ଯଶପ୍ରୀତ୍‌ ବୁମ୍‌ରା ଓ ଭୁବନେଶ୍ୱର କୁମାର ଭଲ ବୋଲିଂ କରୁଥିବାରୁ ସେମାନେ ହିଁ ଖେଳିବା ଉଚିତ । ତେଣୁ ସେ ଆନ୍ତର୍ଜାତିକ କ୍ରିକେଟ୍‌ରୁ ଓହରିଯିବାର ନିଷ୍ପତ୍ତି ନେଇଛନ୍ତି । ଦୀର୍ଘ ୧୮ ବର୍ଷ ହେଲା ଦିଲ୍ଲୀର ଆଶିଷ ନେହେରା ଆନ୍ତର୍ଜାତିକ କ୍ରିକେଟ ଖେଳୁଛନ୍ତି । ୧୯୯୯ରେ ମହମ୍ମଦ ଆଝାରୁଦ୍ଦିନ୍‌ଙ୍କ ନେତୃତ୍ୱରେ ନେହେରା ଶ୍ରୀଲଙ୍କା ବିରୋଧରେ ଟେଷ୍ଟମ୍ୟାଚ୍‌ ଖେଳିଥିଲେ; ଯାହା ତାଙ୍କର ସର୍ବପ୍ରଥମ ଆନ୍ତର୍ଜାତିକ ମ୍ୟାଚ୍‌ ଥିଲା । ଏହି ୧୮ ବର୍ଷରେ ନେହେରା ୧୭ଟି ଟେଷ୍ଟ, ୧୨୦ଟି ଦିନିକିଆ ଓ ୨୬ଟି ଟ୍ୱେଣ୍ଟି୨୦ ମ୍ୟାଚ୍‌ ଖେଳିଛନ୍ତି । ଏଥିରୁ ସେ ୪୪ଟି ଟେଷ୍ଟ, ୧୫୭ଟି ଦିନିକିଆ ଓ ୩୪ଟି ଟ୍ୱେଣ୍ଟି୨୦ ୱିକେଟ ନେଇଛନ୍ତି । ଇଂଲଣ୍ଡ ବିରୋଧରେ ୨୦୦୩ ବିଶ୍ୱକପ୍‌ରେ ମାତ୍ର ୨୩ ରନ୍‌ଦେଇ ୬ଟି ୱିକେଟ ନେହେରାଙ୍କ ଶ୍ରେଷ୍ଠ ବୋଲିଂ ପ୍ରଦର୍ଶନ । ୨୦୧୧ରେ ବିଶ୍ୱ ଚମ୍ପିଆନ୍‌ ହୋଇଥିବା ଭାରତୀୟ ଦଳର ସଦସ୍ୟ ଥିଲେ ଆଶିଷ ନେହେରା । ସେମିଫାଇନାଲରେ ପାକିସ୍ତାନ ବିରୋଧରେ ଚମକ୍ରାର ବୋଲିଂକରି ଦଳକୁ ନେହେରା ଜିତାଇଥିଲେ ହେଁ ଆଙ୍ଗୁଠି ଆଘାତ ଯୋଗୁଁ ଫାଇନାଲ ମ୍ୟାଚ୍‌ ଖେଳି ପାରିନଥିଲେ । ଅଷ୍ଟ୍ରେଲିଆ ବିରୋଧରେ ଚଳିତ ଘରୋଇ ଟ୍ୱେଣ୍ଟି୨୦ ସିରିଜ୍‌ ପାଇଁ ନେହେରାଙ୍କୁ ଭାରତୀୟ ଦଳରେ ସ୍ଥାନ ମିଳିଥିଲେ ହେଁ ପ୍ରଥମ ୨ଟି ଟି-୨୦ରେ ତାଙ୍କୁ ଖେଳିବାର ସୁଯୋଗ ମିଳିନାହିଁ । ସେ ଚେନ୍ନଇ ସୁପର କିଙ୍ଗ୍‌ସ, ଦିଲ୍ଲୀ ଡେୟାରଡେଭିଲ୍‌ସ, ମୁମ୍ବଇ ଇଣ୍ଡିଆନ୍‌ସ, ପୁଣେ ୱାରିଅର୍ସ ଓ ସନ୍‌ରାଇଜର୍ସ ହାଇଦରବାଦ ପାଇଁ ଆଇପିଏଲ୍‌ ଖେଳିଛନ୍ତି ।
Tags:

Like Us

Breaking News

ମୋହାଲି : ଆଜି (ବୁଧବାର) ଭାରତ-ଶ୍ରୀଲଙ୍କା ୨ୟ ଦିନିକିଆ ମ୍ୟାଚ୍‌ ସି ପ୍ଲେନରେ ଯାତ୍ରା କରି  ନିର୍ବାଚନ ପ୍ରଚାର କଲେ ମୋଦି ମନ୍ଦିର ଯିବା କ’ଣ ଭୂଲ: ବିଜେପିକୁ ପ୍ରଶ୍ନ ପଚାରିଲେ ରାହୁଲ ଗାନ୍ଧୀ ପାରିଦୀପ ତୈଳ ବିଶୋଧନାଗାରରେ ଅଗ୍ନିକାଣ୍ଡ