ସିରିଜ୍‌ ବିଜୟ ଲକ୍ଷ୍ୟରେ ଉଭୟ ଦଳ

୩ୟ ଟି -୨୦ ମ୍ୟାଚ୍‌

Copy Editor AH | Published On: Oct 12, 2017 09:19 PM IST |   581

ହାଇଦରାବାଦ : ଭାରତ-ଅଷ୍ଟ୍ରେଲିଆ ମଧ୍ୟରେ ଟ୍ୱେଣ୍ଟି-୨୦ ସିରିଜର ୩ୟ ତଥା ନିର୍ଣ୍ଣାୟକ ଟି -୨୦ ମ୍ୟାଚ୍‌ ଶୁକ୍ରବାର ହାଇଦରାବାଦରେ ଖେଳାଯିବାକୁ ଥିବା ବେଳେ ଉଭୟ ଦଳ ସିରିଜ ବିଜୟୀ ହେବା ପାଇଁ ଲକ୍ଷ୍ୟ ରଖିଛନ୍ତି । ଭଲ ପ୍ରଦର୍ଶନ କରି ଭାରତକୁ ପରାସ୍ତକରି ସିରିଜ୍‌ ଜିତିବା ସହ ଦିନିକିଆ ସିରିଜ୍‌ ପରାଜୟର ପ୍ରତିଶୋଧ ନେବା ଲକ୍ଷ୍ୟରେ ରହିଛି ଅଷ୍ଟ୍ରେଲିଆ । ଅନ୍ୟପକ୍ଷରେ ପ୍ରଦର୍ଶନରେ ଉନ୍ନତି କରି ସିରିଜ୍‌ ଜିତିବା ଲକ୍ଷ୍ୟ ରଖିଛି ବିରାଟ ବାହିନୀ । ଅଷ୍ଟ୍ରେଲିଆ ବିରୋଧରେ ପ୍ରଥମ ଟ୍ୱେଣ୍ଟି-୨୦କୁ ଅତି ସହଜରେ ଜିତିବା ପରେ ୨ୟ ଦିନିକିଆ ମ୍ୟାଚ୍‌ରେ ଯେପରି ଭାବେ ଲଢ଼ୁଆ ପ୍ରଦର୍ଶନ କରି ଭାରତକୁ ଅଷ୍ଟ୍ରେଲିଆ ପରାସ୍ତକଲା; ତାହା କଙ୍ଗାରୁଦଳକୁ ବେଶ୍‌ ଉତ୍ସାହିତ କରିଛି । ପ୍ରଥମ ଟି-୨୦ରେ ଅଷ୍ଟ୍ରେଲିଆର ବ୍ୟାଟିଂ ବିଫଳ ହୋଇଥିବା ବେଳେ ୨ୟ ଟ୍ୱେଣ୍ଟି୨୦ରେ ଏହାର ଫାଷ୍ଟବୋଲର ଚମତ୍କାର ପ୍ରଦର୍ଶନ କରି ବ୍ୟାଟ୍‌ସମ୍ୟାନ୍‌ଙ୍କ କାମ ସହଜ କରି ଦେଇଥିଲେ । ତେଣୁ ଫାଷ୍ଟବୋଲରଙ୍କଠାରୁ ଅନୁରୂପ ପ୍ରଦର୍ଶନର ଆଶାରଖିଛି ଡେଭିଡ୍‌ ୱାର୍ଣ୍ଣରଙ୍କ ଦଳ । ଅନ୍ୟପକ୍ଷରେ ଏହି ମ୍ୟାଚ୍‌ ଜିତି ତା’ର ଟ୍ୱେଣ୍ଟି-୨୦ ପ୍ରଦର୍ଶନରେ ଉନ୍ନତି ଆଣିବା ଲକ୍ଷ୍ୟରେ ରହିଛି ବିରାଟଙ୍କ ନେତୃତ୍ୱାଧୀନ ଟିମ୍‌ ଇଣ୍ଡିଆ । ଗୁଆହାଟୀ ଟ୍ୱେଣ୍ଟି-୨୦ରେ ବାମହାତି ଫାଷ୍ଟବୋଲର ଜେସନ୍‌ ବେହେରନ୍‌ଡର୍ଫ ତାଙ୍କ ପ୍ରଥମ ୩ ଓଭରରେ ଭାରତର ପ୍ରଥମ ୪ ପ୍ରମୁଖ ବ୍ୟାଟ୍‌ସମ୍ୟାନ୍‌ଙ୍କୁ ଆଉଟ୍‌ କରି ବିପର୍ଯ୍ୟୟ ସୃଷ୍ଟି କରିଥିଲେ । ସେହିପରି ୩ନଂ ସ୍ଥାନରେ ବ୍ୟାଟିଂ କରିଥିବା ମୋଇଜେସ୍‌ ହେନ୍‌ରିକ୍‌ସଙ୍କ ପ୍ରଦର୍ଶନ ମଧ୍ୟ ଅଷ୍ଟ୍ରେଲିଆକୁ ଉତ୍ସାହିତ କରିଛି । ଛୋଟ ବିଜୟଲକ୍ଷ୍ୟ ଥିବା ସତ୍ତ୍ୱେ ହେନ୍‌ରିକ୍‌ସ ଆକ୍ରମଣାତ୍ମକ ବ୍ୟାଟିଂ କରିଥିଲେ । ହେନ୍‌ରିକ୍‌ସ ୪୬ ବଲ୍‌ରୁ ୪ଟି ଲେଖାଏଁ ଛକା ଓ ଚୌକା ସହ ୬୨ ରନ୍‌କରି ଅପରାଜିତ ଥିଲେ । ଅନ୍ୟ ପକ୍ଷରେ ଭାରତୀୟ ପେସ୍‌ ବୋଲର ଭଲ ପ୍ରଦର୍ଶନ କରିଥିଲେ ହେଁ ଦୁଇ ରିଷ୍ଟ ସ୍ପିନର କୁଲଦୀପ ଯାଦବ ଓ ୟୁଜୁବେନ୍ଦ୍ର ଚହଲଙ୍କୁ ଆକ୍ରମଣ କରିଥିଲେ ହେଡ୍‌ ଓ ହେନ୍‌ରିକ୍‌ସ । ତେବେ ୩ୟ ମ୍ୟାଚରେ ଉପରେ ଉଭୟ ଦଳର ଚୂଡ଼ାନ୍ତ ଏକାଦଶରେ ପରିବର୍ତ୍ତନର ସମ୍ଭାବନା କମ୍‌ । ପିଚ୍‌ ବ୍ୟାଟିଂ ଉପଯୋଗୀ ହେବ ବୋଲି ଆଶା କରାଯାଉଛି । ତେବେ ଆଉଟ୍‌ଫିଲଡ ଓଦା ରହିଛି । ଗୁରୁବାର ଦିନସାରା ପଡ଼ିଆ ଶୁଖାଯାଉଛି । ଗତ ସପ୍ତାହେ ହେଲା ହାଇଦରାବାଦରେ ପ୍ରତିଦିନ ବର୍ଷା ହେଉଛି । ଶୁକ୍ରବାର ମଧ୍ୟ ବର୍ଷାର ଆଶଙ୍କା ରହିଛି । ତେଣୁ ମ୍ୟାଚ୍‌ ପ୍ରଭାବିତ ହୋବାର ସମ୍ଭାବନାକୁ ଏହାଇ ଦିଆଯାଇ ନ ପାରେ ।
Tags:

Like Us

Breaking News

ସୁନ୍ଦରଗଡ଼: କୁଆରମୁଣ୍ଡା ଫାଣ୍ଡି ଅନ୍ତର୍ଗତ ପଦ୍ମପୁର ବାଲିଘାଟରେ ଦୁର୍ବୃତ୍ତ ପୋଡ଼ି ଦେଇଛନ୍ତି ପୋକଲିନ୍‌ ମେସିନ ବିଜେପୁର ଉପନିର୍ବାଚନ: ଦିନ ୩ଟା ସୁଦ୍ଧା ୫୫ ପ୍ରତିଶତ ମତଦାନ, ସୂଚନା ଦେଲେ ରିଟର୍ଣ୍ଣିଂ ଅଫିସର ତପିରାମ ମାଝି ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୂଆଦିଲ୍ଲୀ ଗସ୍ତ, ସନ୍ଧ୍ୟାରେ ରାଷ୍ଟ୍ରପତିଙ୍କୁ ଭେଟିବେ ମୁମ୍ବଇରୁ ଭୁବନେଶ୍ୱର ଆସୁଥିବା କୋଣାର୍କ ଏକ୍ସପେସରୁ ମିଳିଲା ୨ଟି ସନ୍ଦିଗ୍ଧ ବାକ୍ସ, ଯାଞ୍ଚ କଲା ବୋମା ନିଷ୍କ୍ରିୟକାରୀ ଟିମ୍‌