ହିମାଚଳ ପ୍ରଦେଶ ବିଧାନସଭା ନିର୍ବାଚନ : ନଭେମ୍ବର ୯ରେ ମତଦାନ,ଡିସେମ୍ବର ୧୮ରେ ଭୋଟ ଗଣତି

ସମସ୍ତ ମତଦାନ କେନ୍ଦ୍ରରେ ବ୍ୟବହାର ହେବ ଭିଭିପାଟ୍‌ ମେସିନ

Copy Editor AH | Published On: Oct 12, 2017 04:50 PM IST | Updated On: Oct 12, 2017 05:25 PM IST |   235

ନୂଆଦିଲ୍ଲୀ : ହିମାଚଳ ପ୍ରଦେଶ ବିଧାନସଭା ନିର୍ବାଚନ ଲାଗି ବିଗୁଲ ବାଜିଛି । ନିର୍ବାଚନ କମିଶନ ବିଧାନସଭା ନିର୍ବାଚନ ତାରିଖ ଘୋଷଣା କରିଛନ୍ତି । ନଭେମ୍ବର ୯ ତାରଖରେ ହିମାଚଳ ପ୍ରଦେଶ ବିଧାନସଭା ନିର୍ବାଚନ ଅନୁଷ୍ଠିତ ହେବ । ଗୋଟିଏ ଦିନ ରାଜ୍ୟର ସମସ୍ତ ଆସନରେ ମତଦାନ କରାଯିବ। ଚଳିତ ମାସ ୧୬ ତାରିଖରେ ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇବ। ନିର୍ବାଚନ ତାରିଖ ଘୋଷଣା ସହିତ ଆଜିଠାରୁ ରାଜ୍ୟରେ ଆଦର୍ଶ ଆଚରଣ ବିଧି ଲାଗୁହୋଇଛି । ରାଜ୍ୟର ମୋଟ ୬୮ଟି ବିଧାନସଭା ଆସନ ପାଇଁ ନିର୍ବାଚନ ଅନୁଷ୍ଠିତ ହେବ। ଅକ୍ଟୋବର ୨୬ ତାରିଖକୁ ମନୋନୟନ ପତ୍ର ଦାଖଲର ଶେଷ ଦିନ ଭାବେ ଧାର୍ଯ୍ୟ କରାଯାଇଛି । ପ୍ରଥମ ଥର ପାଇଁ କୌଣସି ରାଜ୍ୟର ସମସ୍ତ ୭୫୨୧ମତଦାନ କେନ୍ଦ୍ରରେ ଭିଭିପାଟ୍‌ ମେସିନ ବ୍ୟବହାର କରାଯିବ । ସମସ୍ତ ବୁଥର ଭିଡିଓଗ୍ରାଫି କରାଯିବ ବୋଲି ନିର୍ବାଚନ କମିଶନ ଘୋଷଣା କରିଛନ୍ତି । ଡିସେମ୍ବର ୧୮ ତାରିଖରେ ଭୋଟ ଗଣତି ହେବ । ପ୍ରାର୍ଥୀମାନଙ୍କର ସର୍ବାଧିକ ନିର୍ବାଚନୀ ଖର୍ଚ୍ଚ ୨୮ ଲକ୍ଷ ଟଙ୍କା ଧାର୍ଯ୍ୟ କରାଯାଇଛି । ୨୦୧୮ ଜାନୁୟାରୀ ୭ ତାରିଖରେ ହିମାଚଳ ପ୍ରଦେଶ ବିଧାନସଭାର କାର୍ଯ୍ୟକାଳ ଶେଷ ହେଉଛି। ଅନ୍ୟ ପକ୍ଷରେ ଡିସେମ୍ବର ୧୮ ତାରିଖ ପୂର୍ବରୁ ଗୁଜରାଟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ ବୋଲି କମିଶନ କହିଛନ୍ତି।
Tags:

Like Us

Breaking News

ସୁନ୍ଦରଗଡ଼: କୁଆରମୁଣ୍ଡା ଫାଣ୍ଡି ଅନ୍ତର୍ଗତ ପଦ୍ମପୁର ବାଲିଘାଟରେ ଦୁର୍ବୃତ୍ତ ପୋଡ଼ି ଦେଇଛନ୍ତି ପୋକଲିନ୍‌ ମେସିନ ବିଜେପୁର ଉପନିର୍ବାଚନ: ଦିନ ୩ଟା ସୁଦ୍ଧା ୫୫ ପ୍ରତିଶତ ମତଦାନ, ସୂଚନା ଦେଲେ ରିଟର୍ଣ୍ଣିଂ ଅଫିସର ତପିରାମ ମାଝି ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୂଆଦିଲ୍ଲୀ ଗସ୍ତ, ସନ୍ଧ୍ୟାରେ ରାଷ୍ଟ୍ରପତିଙ୍କୁ ଭେଟିବେ ମୁମ୍ବଇରୁ ଭୁବନେଶ୍ୱର ଆସୁଥିବା କୋଣାର୍କ ଏକ୍ସପେସରୁ ମିଳିଲା ୨ଟି ସନ୍ଦିଗ୍ଧ ବାକ୍ସ, ଯାଞ୍ଚ କଲା ବୋମା ନିଷ୍କ୍ରିୟକାରୀ ଟିମ୍‌