ଚହଲାରେ ବୁଡି ଭାଇ ଭଉଣୀ ମୃତ

ଚହଲାରେ ବୁଡି ଭାଇ ଭଉଣୀ ମୃତ

Sr. Copy Editor2 | Published On: Oct 12, 2017 12:47 PM IST |   239

ନୂଆପଡା : ଜମିକ୍ଷେତରେ ଥିବା ଏକ ପାଣି ଚହଲାରେ ବୁଡି ଦୁଇ ଭାଇ ଭଉଣୀଙ୍କ ମୃତ୍ୟୁ ଘଟିଛି । ନୂଆପଡା ଜିଲ୍ଲା ସଦର ବ୍ଲକ ଅନ୍ତର୍ଗତ ମହୁଲଭଟା ଗ୍ରାମରେ ଘଟିଛି ଏହି ହୃଦୟ ବିଦାରକ ଦୃଶ୍ୟ । ପ୍ରାପ୍ତସୂଚନା ମୁତାବକ ମହୁଲଭଟା ଗ୍ରାମକ ଉମାଶଙ୍କର ରଣାଙ୍କ ପୁଅ ଦୌଲତ ରଣା(୧୨) ଏବଂ ଝିଅ ତେଜନ ବାଇ ରଣା(୧୫) ଘର ପାଖରେ ଥିବା ଚହଲାକୁ ଶୌ÷÷ଚ ପାଇଁ ଯାଇଥିଲେ । ତେବେ ସେଠାରେ ଭାରସାମ୍ୟ ହରାଇ ଦୌଲତ ତହଲା ପାଣିରେ ପଡି ଯାଇଥିଲେ । ତାକୁ ଉଦ୍ଧାର କରିବା ପାଇଁ ଭଉଣୀ ତେଜନବାଇ ପାଣିକୁ ଡେଇଁ ପଡିଥିଲେ ମଧ୍ୟ ତାକୁ ଉଦ୍ଧାର କରି ପାରିନଥିଲେ ଏବଂ ଦୁଇ ଜଣ ଚହଲା ପାଣିରେ ବୁଡି ଯାଇଥିଲେ ବୋଲି ଅନୁମାନ କରାଯାଉଛି ବୋଲି ସେମାନଙ୍କ ବାପା ଉମାଶଙ୍କର କହିଛନ୍ତି । ତେବେ ସେମାନଙ୍କ ବାପା ମା’ ଘରକୁ ଫେରିବା ପରେ ଦୁଇ ଭାଇ ଭଉଣୀଙ୍କୁ ନ ପାଇ ଆଖପାଖରେ ଖୋଜିଥିଲେ । ଏହାପରେ ଘର ପାଖରେ ନିକଟ କ୍ଷେତରେ ଥିବା ଚହଲା ପାଣିରେ ଦୁଇ ଜଣଙ୍କ ମୃତଦେହ ଦେଖିଥିଲେ ବୋଲି ସେ କହିଛନ୍ତି । ତାପରେ ତୁରନ୍ତ ସେମାନଙ୍କୁ ସେଠାରୁ ଉଦ୍ଧାର କରି ବାହାରକୁ ଆଣିବା ସହ ପୁଲିସକୁ ଖବର କରିଥିଲେ । ପୁଲିସ ସେଠାରେ ପହଞ୍ଚି ଦୁଇ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇବା ସହ ଘଟଣା ସମ୍ପର୍କରେ ତଦନ୍ତ ଆରମ୍ଭ କରିଛି ।
Tags:

Like Us

Breaking News

୧୭ ବର୍ଷରୁ କମ୍‌ ଫିଫା ବିଶ୍ୱକପ୍‌ ଫୁଟବଲ, ପ୍ରଥମ ଦଳ ଭାବେ ସେମିଫାଇନାଲରେ ପ୍ରବେଶ କଲା ମାଲି , କ୍ୱାର୍ଟରଫାଇନାଲରେ ମାଲି ୨-୧ରେ ଘାନାକୁ ପରାସ୍ତ କରି ସେମିଫାଇନାଲରେ ପ୍ରବେଶ କରିଛି । ଏସିଆ କପ୍‌ ହକି ଫାଇନାଲରେ ଭାରତ, ପାକିସ୍ତାନକୁ ୪-୦ ଗୋଲରେ ପରାସ୍ତ କରି ଭାରତ ଫାଇନାଲରେ ପ୍ରବେଶ କରିଛି । ସୁୂର୍ଣ୍ଣପୁର: ଅଜଣା ଗାଡି ଧକ୍କାରେ ସପ୍ତମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ବନ୍ଦ ଡାକରା ସମୟରେ ଜଣଙ୍କୁ ମାଓବାଦୀ ହତ୍ୟା କରିଥିବା ଅଭିଯୋଗ