ଆଇସିସି ଟେଷ୍ଟ ମାନ୍ୟତା; ଅଶ୍ୱିନଙ୍କୁ ପଛରେ ପକାଇଲେ ରାବାଡ଼ା

ଆଇସିସି ଟେଷ୍ଟ ମାନ୍ୟତା; ଅଶ୍ୱିନଙ୍କୁ ପଛରେ ପକାଇଲେ ରାବାଡ଼ା

Copy Editor RKD | Published On: Oct 12, 2017 01:18 AM IST |   405

ଦୁବାଇ : ଆଇସିସି ଟେଷ୍ଟ ବୋଲର ମାନ୍ୟତାରେ ୩ଟି ସ୍ଥାନର ପଦୋନ୍ନତି ପାଇଛନ୍ତି ଦକ୍ଷିଣ ଆଫ୍ରିକାର ଫାଷ୍ଟବୋଲର କାଗିସୋ ରାବାଡ଼ା । ଫଳରେ ୪ର୍ଥ ସ୍ଥାନରେ ଥିବା ଭାରତୀୟ ଅଫ୍‌ସ୍ପିନର ରବିଚନ୍ଦ୍ରନ ଅଶ୍ୱିନଙ୍କୁ ପଛରେ ପକାଇ ରାବାଡ଼ା ୩ୟ ସ୍ଥାନରେ ପହଞ୍ଚିଛନ୍ତି । ସର୍ବାଧିକ ୮୯୬ ପଏଣ୍ଟ ସହ ଇଂଲଣ୍ଡର ଫାଷ୍ଟବୋଲର ଜେମ୍‌ସ ଆଣ୍ଡରସନ୍‌ ତାଲିକାର ଶୀର୍ଷରେ ଥିବା ବେଳେ ୮୮୪ ପଏଣ୍ଟ ସହ ଭାରତୀୟ ବାମହାତି ସ୍ପିନର ରବୀନ୍ଦ୍ର ଜାଡ଼େଜା ୨ୟ ସ୍ଥାନରେ ରହିଛନ୍ତି । ନିକଟରେ ବାଂଲାଦେଶ ବିପକ୍ଷ ୨ୟ ଘରୋଇ ଟେଷ୍ଟମ୍ୟାଚ୍‌ରେ ୬୩ ରନ୍‌ଦେଇ ମୋଟ ୧୦ଟି ୱିକେଟ୍‌୍‌ ନେଇ ଦଳକୁ ସିରିଜ୍‌ ଜିତାଇଥିଲେ କାଗିସୋ ରାବାଡ଼ା । ଫଳରେ ରାବାଡ଼ା ୩ଟି ସ୍ଥାନର ଉନ୍ନତି କରି ପାରିଛନ୍ତି । ୮୩୩ ପଏଣ୍ଟ ସହ ଶ୍ରୀଲଙ୍କାର ବରିଷ୍ଠ ବାମହାତି ସ୍ପିନର ରଙ୍ଗନା ହେରାଥ୍‌ ୫ମ ସ୍ଥାନରେ ରହିଛନ୍ତି । ଏମାନଙ୍କ ପଛକୁ ଅଛନ୍ତି ଅଷ୍ଟ୍ରେଲିଆର ଜୋସ୍‌ ହାଜେଲ୍‌ଉଡ୍‌ ଓ ନାଥାନ୍‌ ଲାୟନ୍‌, ଦକ୍ଷିଣ ଆଫ୍ରିକାର ଡେଲ୍‌୍‌ ଷ୍ଟେନ୍‌, ନୁ୍ୟଜିଲାଣ୍ଡ ନିଲ୍‌ ୱାଗ୍‌ନର ଓ ଇଂଲଣ୍ଡର ଷ୍ଟୁଆର୍ଟ ବ୍ରଡ୍‌ । ଆଇସିସି ଟେଷ୍ଟ ବ୍ୟାଟ୍‌ସମ୍ୟାନ୍‌ ତାଲିକାରେ ଭାରତର ଚେତେଶ୍ୱର ପୂଜାରା ୪ର୍ଥ ସ୍ଥାନରେ ଥିବା ବେଳେ ଅଧିନାୟକ ବିରାଟ କୋହଲି ୬ଷ୍ଠ ସ୍ଥାନରେ ଅଛନ୍ତି । ଶୀର୍ଷ-୧୦ରେ ଥିବା ଅନ୍ୟ ୨ ଭାରତୀୟ ହେଲେ ଲୋକେଶ ରାହୁଲ (୮ମ) ଓ ଅଜିଙ୍କ୍ୟ ରାହାଣେ (୯ମ) । ଦୁହେଁ ଗୋଟିଏ ଲେଖାଏଁ ସ୍ଥାନର ଉନ୍ନତି କରିଛନ୍ତି । ୯୩୬ ପଏଣ୍ଟ ସହ ଅଷ୍ଟ୍ରେଲିଆ ଅଧିନାୟକ ଷ୍ଟିଭେନ୍‌ ସ୍ମିଥ୍‌ ଶୀର୍ଷରେ ଥିବା ବେଳେ ଇଂଲଣ୍ଡ ଅଧିନାୟକ ଜୋ ରୁଟ୍‌ ୨ୟ, ନୁ୍ୟଜିଲାଣ୍ଡ ଅଧିନାୟକ କେନ୍‌ ୱିଲିୟମ୍‌ସନ ୩ୟ ଏବଂ ଅଷ୍ଟ୍ରେଲିଆ ଓପ୍‌ନର ଡେଭିଡ୍‌ ୱାର୍ଣ୍ଣର ୫ମ ସ୍ଥାନରେ ରହିଛନ୍ତି ।
Tags:

Like Us

Breaking News

ସୁନ୍ଦରଗଡ଼: କୁଆରମୁଣ୍ଡା ଫାଣ୍ଡି ଅନ୍ତର୍ଗତ ପଦ୍ମପୁର ବାଲିଘାଟରେ ଦୁର୍ବୃତ୍ତ ପୋଡ଼ି ଦେଇଛନ୍ତି ପୋକଲିନ୍‌ ମେସିନ ବିଜେପୁର ଉପନିର୍ବାଚନ: ଦିନ ୩ଟା ସୁଦ୍ଧା ୫୫ ପ୍ରତିଶତ ମତଦାନ, ସୂଚନା ଦେଲେ ରିଟର୍ଣ୍ଣିଂ ଅଫିସର ତପିରାମ ମାଝି ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୂଆଦିଲ୍ଲୀ ଗସ୍ତ, ସନ୍ଧ୍ୟାରେ ରାଷ୍ଟ୍ରପତିଙ୍କୁ ଭେଟିବେ ମୁମ୍ବଇରୁ ଭୁବନେଶ୍ୱର ଆସୁଥିବା କୋଣାର୍କ ଏକ୍ସପେସରୁ ମିଳିଲା ୨ଟି ସନ୍ଦିଗ୍ଧ ବାକ୍ସ, ଯାଞ୍ଚ କଲା ବୋମା ନିଷ୍କ୍ରିୟକାରୀ ଟିମ୍‌