ପିସିସି ସଭାପତି ବାଛିବେ ହାଇକମାଣ୍ଡ

ରାହୁଲ ଗାନ୍ଧିଙ୍କୁ କଂଗ୍ରେସ ସଭାପତି କରିବା ନେଇ ପ୍ରସ୍ତାବ ପାରିତ

Copy Editor | Published On: Oct 11, 2017 10:44 PM IST | Updated On: Oct 11, 2017 10:47 PM IST |   469

ଭୁବନେଶ୍ୱର : ଓଡ଼ିଶା ପ୍ରଦେଶ କଂଗ୍ରେସର ନବନିର୍ବାଚିତ ସଭ୍ୟମାନଙ୍କର ଏକ ବୈଠକ ଆଜି ପ୍ରଦେଶ କଂଗ୍ରେସ ସଭାପତି ପ୍ରସାଦ ହରିଚନ୍ଦନଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ଗତ କିଛି ଦିନଧରି ଦଳର ବରିଷ୍ଠ ନେତାଙ୍କୁ ମଧ୍ୟରେ ମତାନ୍ତର ଓ ଗୋଷ୍ଠୀ ବିବାଦ ଚାଲିଥିବାବେଳେ ବୁଧବାର ବରିଷ୍ଠ ନେତାଙ୍କୁ ଏକାଠି ବୈଠକରେ ଉପସ୍ଥିତ ରହିଥିବା ଦେଖିବାକୁ ମିଳିଥିଲା । ରାଜ୍ୟର ୪୦୨ ଜଣଙ୍କୁ ପିସିସି ସଦସ୍ୟଭାବେ ନିର୍ବାଚିତ କରାଯାଇଛି । ଏହି ବୈଠକରେ ପିସିସି ସଦସ୍ୟମାନଙ୍କ ସହିତ ଦଳର ବରିଷ୍ଠ ନେତାମାନେ ରାହୁଲ ଗାନ୍ଧିଙ୍କୁ ଅଖିଳ ଭାରତ କଂଗ୍ରେସ କମିଟିର ସଭାପତି କରିବା ନେଇ ଏକ ପ୍ରସ୍ତାବ ସର୍ବସମ୍ମତ ଭାବରେ ପାରିତ ହୋଇଥିଲା । ଏହାଛଡ଼ା ଦ୍ୱିତୀୟ ପ୍ରସ୍ତାବ ଭାବରେ ପିସିସି ସଭାପତି ବାଛିବା ଦାୟିତ୍ୱ ହାଇକମାଣ୍ଡଙ୍କ ଉପରେ ନ୍ୟସ୍ତ କରାଯାଇଥିଲା । ଏହାକୁ ଉପସ୍ଥିତ ସମସ୍ତ ସଦସ୍ୟ ସମର୍ଥନ କରିବା ପରେ ବୈଠକରେ ଗୃହିତ ହୋଇଥିଲା । ଶ୍ରୀ ହରିଚନ୍ଦନ ଏହି ପ୍ରସ୍ତାବ ଆଗତ କରିଥିଲାବେଳେ ବିରୋଧୀ ଦଳ ନେତା ନରସିଂହ ମିଶ୍ର ଏହାକୁ ସମର୍ଥନ କରିଥିଲେ । ଉପସ୍ଥିତ ସମସ୍ତ ସଭ୍ୟ ଏହି ପ୍ରସ୍ତାବକୁ ହାତଟେକି ସମର୍ଥନ କରିଥିଲେ । ବୈଠକରେ ଅଖିଳ ଭାରତ କଂଗ୍ରେସ କମିଟିର ସାଧାରଣ ସଂପାଦକ ବି କେ ହରିପ୍ରସାଦ, ପ୍ରଦେଶ ନିର୍ବାଚନ ଅଧିକାରୀ ସୋମେନ ମିିତ୍ର, ଅତିରିକ୍ତ ନିର୍ବାଚନ ଅଧିକାରୀ ଜୟଶଙ୍କର ପାଠକ ଏବଂ ରାମଜୀ ଆନେପ୍ପୁ ଯୋଗଦେଇଥିଲେ । ଅନ୍ୟମାନଙ୍କ ମଧ୍ୟରେ ଭକ୍ତ ଚରଣ ଦାସ,ନିରଞ୍ଜନ ପଟ୍ଟନାୟକ, ଜୟଦେବ ଜେନା, ଶରତ ପଟ୍ଟନାୟକ, କାହ୍ନୁ ଲେଙ୍କା, ଶ୍ରୀକାନ୍ତ ଜେନା, ହେମାନନ୍ଦ ବିଶ୍ୱାଳ, ତାରାପ୍ରସାଦ ବାହିନୀପତି, ମହମ୍ମଦ ମୁକିମ୍‌, ଶରତ ରାଉତ ପ୍ରମୁଖ ଉପସ୍ଥିତ ରହିଥିଲେ । ଏହି ବୈଠକ ଶେଷ ହେବାପରେ ପ୍ରସାଦ ହରିଚନ୍ଦନଙ୍କ ନେତୃତ୍ୱରେ ହଜାରରୁ ଅଧିକ କଂଗ୍ରେସ କର୍ମୀ ଓ ନେତା ବିଜେପି ରାଷ୍ଟ୍ରୀୟ ସଭାପତି ଅମିତ ଶାହାଙ୍କ ପୁଅ ଜୟ ଶାହାଙ୍କ କମ୍ପାନୀ ଦୁର୍ନୀତିକୁ ବିରୋଧ କରି ଏକ ଶୋଭାଯାତ୍ରାରେ ମାଷ୍ଟର କ୍ୟାଣ୍ଟିନ ଛକ ପର୍ଯ୍ୟନ୍ତ ଯାଇଥିଲେ । କଂଗ୍ରେସ ନେତା ଓ କର୍ମୀମାନେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି ଏବଂ ଅମିତ୍ ଶାହାଙ୍କ ବିରୁଦ୍ଧରେ ବ୍ୟାନର ଓ ପ୍ଲାକାର୍ଡ଼ ଧରି ସ୍ଳୋଗାନ ଦେଇଥିଲେ । ଉପସ୍ଥିତ କର୍ମୀମାନଙ୍କୁ ଉଦ୍ବୋଧନ ଦେଇ ଶ୍ରୀ ହରିଚନ୍ଦନ କହିଥିଲେ ଯେ ନରେନ୍ଦ୍ର ମୋଦିଙ୍କ ନେତୃତ୍ୱରେ ଦେଶରେ ଫାସିବାଦ ସରକାର ଚାଲିଛି । ପ୍ରଧାନମନ୍ତ୍ରୀ ମୋଦି ଓ ଅମିତ ଶାହା ମିଶି ଦେଶରେ ଆତଙ୍କରାଜ ଚଳାଇଛନ୍ତି । ଅମିତ୍ ଶାହା ସିବିଆଇ, ପ୍ରବର୍ତ୍ତନ ନିର୍ଦେଶାଳୟ ଏବଂ ଆୟକର ବିଭାଗକୁ ନିଜ ପୁଅର ଦୁର୍ନୀତି ଘୋଡ଼ାଇବାକୁ ଯାଇ ଆଖି ଦେଖାଇ ଚୁପ୍ କରିଦେଇଛନ୍ତି । ପ୍ରଦେଶ କଂଗ୍ରେସ ଏହି ଦୁର୍ନୀତି ବିଷୟରେ ଆଗାମୀ ଦିନରେ ରାଜ୍ୟବ୍ୟାପୀ ଆନ୍ଦୋଳନ କରିବ ବୋଲି ଶ୍ରୀ ହରିଚନ୍ଦନ ଚେତାବନୀ ଦେଇଥିଲେ । ଏହି ବେଠକରେ ଅନ୍ୟମାନଙ୍କ ମଧ୍ୟରେ ରାଜ୍ୟର ବହୁ ତୁଙ୍ଗନେତା ଯୋଗ ଦେଇଥିଲେ । କଂଗ୍ରେସ କର୍ମୀମାନେ ଅମିତ୍ ଶାହା ଏବଂ ନରେନ୍ଦ୍ର ମୋଦିଙ୍କର କୁଶପୁତ୍ତଳିକା ଦାହ କରିଥିଲେ ଏବଂ ଆନ୍ଦୋଳନ ବେଳେ ପୋଲିସ୍ ସହ ସେମାନଙ୍କର ମୁହାଁମୁହିଁ ହୋଇଥିଲା । ପୋଲିସ୍ ପିସିିସି ସଭାପତିଙ୍କ ସମେତ ଦଳର ଅନେକ ନେତା ଗିରଫ ହୋଇଥିଲେ ।
Tags:

Like Us

Breaking News

୧୭ ବର୍ଷରୁ କମ୍‌ ଫିଫା ବିଶ୍ୱକପ୍‌ ଫୁଟବଲ, ପ୍ରଥମ ଦଳ ଭାବେ ସେମିଫାଇନାଲରେ ପ୍ରବେଶ କଲା ମାଲି , କ୍ୱାର୍ଟରଫାଇନାଲରେ ମାଲି ୨-୧ରେ ଘାନାକୁ ପରାସ୍ତ କରି ସେମିଫାଇନାଲରେ ପ୍ରବେଶ କରିଛି । ଏସିଆ କପ୍‌ ହକି ଫାଇନାଲରେ ଭାରତ, ପାକିସ୍ତାନକୁ ୪-୦ ଗୋଲରେ ପରାସ୍ତ କରି ଭାରତ ଫାଇନାଲରେ ପ୍ରବେଶ କରିଛି । ସୁୂର୍ଣ୍ଣପୁର: ଅଜଣା ଗାଡି ଧକ୍କାରେ ସପ୍ତମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ବନ୍ଦ ଡାକରା ସମୟରେ ଜଣଙ୍କୁ ମାଓବାଦୀ ହତ୍ୟା କରିଥିବା ଅଭିଯୋଗ