୨୦ରୁ ପୁରୀରେ ଅନ୍ତର୍ଜାତୀୟ ଗୋ ନବରାତ୍ର ମହୋତ୍ସବ

୨୦ରୁ ପୁରୀରେ ଅନ୍ତର୍ଜାତୀୟ ଗୋ ନବରାତ୍ର ମହୋତ୍ସବ

Copy Editor AH | Published On: Oct 10, 2017 05:51 AM IST |   226

ଭୁବନେଶ୍ୱର : ଦେଶର ନାଗରିକଙ୍କ ମଧ୍ୟରେ ଗୋମାତା ପ୍ରତି ସଚେତନା ସୃଷ୍ଟି ଏବଂ ବିଶ୍ୱରେ ଗୋମାତାର ପ୍ରଚାର ପ୍ରସାର ପାଇଁ ଅନ୍ତର୍ଜାତୀୟ ଗୋ ନବରାତ୍ର ମହୋତ୍ସବ ପାଳିତ ହୋଇ ଆସୁଛି । ପ୍ରଥମ ଥର ପାଇଁ ପୁରୀଠାରେ ଚଳିତ ମାସ ୨୦ରୁ ୨୮ ତାରିଖ ମଧ୍ୟରେ ଏହି ମହୋତ୍ସବ ପାଳିତ ହେବାକୁ ଯାଉଛି । ସୋମବାର ଏଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ପୁରୀସ୍ଥିତ କ୍ରିୟାଯୋଗ ଆଧ୍ୟାତ୍ମିକ ମୁଖ୍ୟ ଗୁରୁ ପ୍ରଜ୍ଞାନାନନ୍ଦ ମହାରାଜ ଗୁରୁଜୀ କହିଛନ୍ତି, ଗୋମାତାଙ୍କ ସୁରକ୍ଷା ଏବଂ ବେଆଇନ ହତ୍ୟା ରୋକିବା ଏହି ମହୋତ୍ସବର ଉଦେ୍ଦଶ୍ୟ । ପୁରୀ ଗୋବର୍ଦ୍ଧନ ପୀଠ ଶଙ୍କରାଚାର୍ଯ୍ୟ ସ୍ୱାମୀ ଶ୍ରୀ ନିଶ୍ଚଳାନନ୍ଦ ସରସ୍ୱତୀ ଏହାକୁ ଉଦ୍‌ଘାଟନ କରିବେ । ଏହି ଗୋମାତା ନବରାତ୍ର ମହୋତ୍ସବରେ ଦେଶ ବିଦେଶରୁ ହଜାରେରୁ ଊଦ୍ଧ୍ୱର୍ ସାଧୁସନ୍ଥ ଯୋଗଦେବେ । ଏହି ୯ ଦିନର ମଧ୍ୟରେ ଲୋକଙ୍କୁ ଗୋମାତାର ମହତ୍ତ୍ୱ ବିଷୟରେ ଅବଗତ କରାଯିବା ସହ ଗୋ ଭାଗବତ କଥା କାର୍ଯ୍ୟକ୍ରମ ରହିଛି । ଏହା ସହିତ ୫ ପ୍ରକାର ଯଜ୍ଞ ତଥା ସୁରଭି ମହାମନ୍ତ୍ର ସାମୂହିକ ଯଜ୍ଞ, ସୁରଭି ଘୃତ ଯଜ୍ଞ, ନାମ ଯଜ୍ଞ , ଜ୍ଞାନ ଯଜ୍ଞ ଏବଂ ଅନ୍ନ ଯଜ୍ଞ ଆୟୋଜିତ ହେବ । ଏହା ପୂର୍ବରୁ ବୃନ୍ଦାବନ ଏବଂ ପାଠମେଡ଼ା ଠାରେ ଏହି ମହୋତ୍ସବ ଅନୁଷ୍ଠିତ ହୋଇଥିଲା । ଗୁରୁଜୀ କହିଛନ୍ତି ଯେ ୯ ଦିନ ଧରି ଗୋମାତାଙ୍କ ମହିମା ବିକ୍ଷୟରେ ଲୋକଙ୍କୁ ଅବଗତ କରିବା ପାଇଁ କର୍ମଶାଳା ଅନୁଷ୍ଠିତ ହେବ, ଯେଉଁଠାରେ ବିଶିଷ୍ଟ ବୈଜ୍ଞାନିକମାନେ ଗୋରୁଗାଈଙ୍କୁ ହେଉଥିବା ମୁଖ୍ୟ ରୋଗ ଓ ଏହାର ଚିକିତ୍ସା, ଗୋମାଂସ ଭକ୍ଷଣର ଅପକାରିତା ତଥା ଗୋଶାଳା, ଗୋପୂଜନ, ଆରତି ସମ୍ପର୍କରେ ଆଲୋଚନା କରାଯିବ ।
Tags:

Like Us

Breaking News

ସୁନ୍ଦରଗଡ଼: କୁଆରମୁଣ୍ଡା ଫାଣ୍ଡି ଅନ୍ତର୍ଗତ ପଦ୍ମପୁର ବାଲିଘାଟରେ ଦୁର୍ବୃତ୍ତ ପୋଡ଼ି ଦେଇଛନ୍ତି ପୋକଲିନ୍‌ ମେସିନ ବିଜେପୁର ଉପନିର୍ବାଚନ: ଦିନ ୩ଟା ସୁଦ୍ଧା ୫୫ ପ୍ରତିଶତ ମତଦାନ, ସୂଚନା ଦେଲେ ରିଟର୍ଣ୍ଣିଂ ଅଫିସର ତପିରାମ ମାଝି ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୂଆଦିଲ୍ଲୀ ଗସ୍ତ, ସନ୍ଧ୍ୟାରେ ରାଷ୍ଟ୍ରପତିଙ୍କୁ ଭେଟିବେ ମୁମ୍ବଇରୁ ଭୁବନେଶ୍ୱର ଆସୁଥିବା କୋଣାର୍କ ଏକ୍ସପେସରୁ ମିଳିଲା ୨ଟି ସନ୍ଦିଗ୍ଧ ବାକ୍ସ, ଯାଞ୍ଚ କଲା ବୋମା ନିଷ୍କ୍ରିୟକାରୀ ଟିମ୍‌