‘୨୦୨୫ ପରେ ପାକିସ୍ତାନ ଭାରତର ଅଂଶ ହେବ’

0
1510
Image courtesy: Indian Express

ମୁମ୍ବଇ: ୨୦୨୫ ମସିହା ପରେ ପାକିସ୍ତାନ ଭାରତର ଅଂଶ ହେବ। ଆରଏସଏସର ବରିଷ୍ଠ ନେତା ଇଂଦ୍ରେଶ କୁମାର ମୁମ୍ବଇରେ ଏକ କାର୍ଯ୍ୟକ୍ରମରେ କାଶ୍ମୀର ପ୍ରସଙ୍ଗରେ ଉଦବୋଧନ ଦେଇ ଏଭଳି ମନ୍ତବ୍ୟ ଦେଇଛନ୍ତି। ସେ ଅଖଣ୍ଡ ଭାରତର ପରିକଳ୍ପନା କରି କହିଥିଲେ, ଆପଣମାନେ ଲେଖି ନିଅନ୍ତୁ, ୫/୭ ବର୍ଷ ପରେ ଆପଣମାନେ କରାଚୀ, ଲାହୋର, ରାୱଲପିଣ୍ଡି, ସିଆଲକୋଟରେ କୋଠାବାଡ଼ି କିଣିବେ ଏବଂ ବ୍ୟବସାୟ କରିବାକୁ ମଧ୍ୟ ସୁଯୋଗ ପାଇବେ। ୧୯୪୭ ପୂର୍ବରୁ ପାକିସ୍ତାନ ନ ଥିଲା। ଲୋକେ କହୁଛନ୍ତି ୧୯୪୫ ପୂର୍ବରୁ ତାହା ହିନ୍ଦୁସ୍ତାନ ଥିଲା। ୨୦୨୫ ପରେ ପୁଣି ପାକିସ୍ତାନ ହିନ୍ଦୁସ୍ତାନ ହୋଇଯିବ।

ସେ ଆହୁରି କହିଥିଲେ, ‘ଭାରତ ସରକାର ପ୍ରଥମ ଥର ପାଇଁ କାଶ୍ମୀର ପ୍ରସଙ୍ଗରେ କଠୋର ନିଷ୍ପତ୍ତି ନେଇଛନ୍ତି। କାରଣ ସେନା ରାଜନୈତିକ ଇଚ୍ଛାଶକ୍ତି ଉପରେ କାମ କରୁଛି। ଏବେ ରାଜନୈତିକ ଇଚ୍ଛାଶକ୍ତି ପରିବର୍ତ୍ତନ ହୋଇଯାଇଛି। ତେଣୁ ମୁଁ ଲାହୋର ଯିବାକୁ ସ୍ବପ୍ନ ଦେଖୁଛି। କୈଳାସ ମନସରୋବର ଯିବା ପାଇଁ ମଧ୍ୟ ଚୀନଠାରୁ ଅନୁମତି ନେବା ଦରକାର ପଡ଼ିବନି। ଢାକାରେ ଆମେ ନିଜ ହାତରେ ସରକାର ତିଆରି କରିଛୁ। ତେଣୁ ଆଗାମୀ ଦିନରେ ୟୁରୋପୀୟ ସଂଘ ଭଳି ଅଖଣ୍ଡ ଭାରତର ଭାରତୀୟ ସଂଘ ଜନ୍ମ ନେବାର ରାସ୍ତା ପ୍ରସ୍ତୁତ ହୋଇପାରେ।’

LEAVE A REPLY

Please enter your comment!
Please enter your name here