ତୈଳ ଉତ୍ପାଦନ ହ୍ରାସ କରିବ ’ଓପେକ୍‍’

0
116

ଭିଏନା : ପେଟ୍ରୋଲିୟମ୍‍ ଉତ୍ପାଦନକାରୀ ରାଷ୍ଟ୍ର ସଂଗଠନ ’ଓପେକ୍‍’ ଏବଂ ଏହାର ମେଣ୍ଟ ରାଷ୍ଟ୍ର ଦୈନିକ ତୈଳ ଉତ୍ପାଦନ ୧୨ଲକ୍ଷ ବ୍ୟାରେଲ୍‍ ହ୍ରାସ କରାଇବା ପାଇଁ ସହମତ ହୋଇଛନ୍ତି । ବିଶ୍ୱ ତୈଳ ବଜାର ଚାହିଦାକୁ ଦୃଷ୍ଟିରେ ରଖି ଏହା କରାଯାଇଛି। ୧୪ଟି ଦେଶକୁ ନେଇ ଗଠିତ ଓପେକ୍‍, ଅଶୋଧିତ ତୈଳ ଉତ୍ପାଦନ ଦିନକୁ ୮ଲକ୍ଷ ବ୍ୟାରେଲ୍‍ ହ୍ରାସ କରିବାକୁ ଥିବା ବେଳେ ରୁଷ ଏବଂ ଏହାର ସହଯୋଗୀ ରାଷ୍ଟ୍ର ୪ ଲକ୍ଷ ବ୍ୟାରେଲ୍‍ ହ୍ରାସ କରିବେ। ଏହା ଆସନ୍ତା ମାସଠାରୁ ଆରମ୍ଭ ହେବ ଏବଂ ୬ ମାସ ପର୍ଯ୍ୟନ୍ତ ବଳବତ୍ତର ରହିବ।

ତେବେ ଏହି ବୈଠକ ପୂର୍ବରୁ ସାଉଦି ଆରବ କହିଛି ଯେ, ବିଶ୍ୱର ଅଶୋଧିତ ତୈଳ ହ୍ରାସ ନେଇ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମତାମତ ଉପରେ ଗଭୀର ଭାବରେ ଆଲୋଚନା କରାଯିବ।
ଓପେକ୍‍ ଏବଂ ଏହାର ସହଯୋଗୀ କହିଛନ୍ତି ଯେ ସମଗ୍ର ବିଶ୍ୱର ଅଶୋଧିତ ତୈଳ ଉତ୍ପାଦନରେ ସେମାନଙ୍କର ଭାଗିଦାରୀ ପ୍ରାୟ ଅର୍ଦ୍ଧାଧିକ ଥିଲାବେଳେ ଦୁଇମାସ ଭିତରେ ତୈଳ ଦର ୩୦ ପ୍ରତିଶତ ହ୍ରାସ ଘଟିଛି।

LEAVE A REPLY

Please enter your comment!
Please enter your name here