ଶେଷ ନିଶ୍ୱାସ ପର୍ଯ୍ୟନ୍ତ ଆପଣଙ୍କ ସ୍ୱାର୍ଥ ପାଇଁ ଲଢେଇ କରିବି; ନବୀନ
ରାୟଗଡ଼ା : ରାୟଗଡ଼ା ଜିଲା ଗୁଣପୁରଠାରେ ରବିବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରଚାର କରିଛନ୍ତି। ଏଠାରେ ଆୟୋଜିତ ଏକ ପ୍ରଚାର ସଭାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ରକୁ ଟାର୍ଗେଟ କରି କହିଛନ୍ତି , ଗରୀବଙ୍କ ପାଇଁ ରାଜ୍ୟ ସରକାର ଆହାର ଯୋଜନା ଜାରି ରଖିଥିଲେ ମଧ୍ୟ କେନ୍ଦ୍ର ସରକାରଙ୍କର ଏଥିପ୍ରତି ଆନ୍ତରିକତା ନାହିଁ। ଟଙ୍କିକିଆ ଚାଉଳ ରାଜ୍ୟ ସରକାର ନିଜ ଉଦ୍ୟମରେ ଦେଉଥିବା ବେଳେ କେନ୍ଦ୍ର ସରକାର ଟଙ୍କିକିଆ ଚାଉଳ ପାଇଁ ମନା କରିଛନ୍ତି। କେନ୍ଦ୍ରର ଆୟୁଷ୍ମାନ ଯୋଜନାକୁ କାଉଣ୍ଟର କରି ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ମହିଳାଙ୍କୁ ୭ ଲକ୍ଷ ଟଙ୍କା ଦେଉଛୁ । ପିଇବା ପାଣି ପାଇଁ କେନ୍ଦ୍ର ୧ ହଜାର କୋଟି ଦେଇଥିବା ବେଳେ ରାଜ୍ୟ ସରକାର ୧୨ ହଜାର କୋଟି ଖର୍ଚ୍ଚ କରିଛନ୍ତି। ପ୍ରାକୃତିକ ବିପର୍ଯ୍ୟୟ ସମୟରେ କେନ୍ଦ୍ର ଓଡ଼ିଶା ପ୍ରତି ଧ୍ୟାନ ଦେଇ ନଥିବା ବେଳେ ମୁଁ ଆପଣଙ୍କ ସହିତ ଥିଲି। ଶେଷ ନିଶ୍ୱାସ ପର୍ଯ୍ୟନ୍ତ ଆପଣଙ୍କ ସ୍ୱାର୍ଥ ପାଇଁ ଲଢେଇ କରିବି। ତେଣୁ ଆପଣ ମତେ ଆଶୀର୍ବାଦ କରନ୍ତୁ ବୋଲି ମୁଖ୍ୟମନ୍ତ୍ରୀ କହିଛନ୍ତି।
Comments are closed.