ଏଣିକି ୧୫୩ ଟଙ୍କାରେ ୧୦୦ ଚ୍ୟାନେଲ୍‍

0
268

ନୂଆଦିଲ୍ଳୀ: ଟିଭି ଦର୍ଶକଙ୍କ ପାଇଁ ଏକ ଖୁସି ଖବର। କେବୁଲ୍‍ ଓ ଡିଟିଏଚ୍‍ ଗ୍ରାହକମାନେ ଏଣିକି ମାସକୁ ମାତ୍ର ୧୫୩.୪୦ ଟଙ୍କା ଦେଇ ଦେୟଯୁକ୍ତ କିମ୍ବା ଦେୟମୁକ୍ତ ୧୦୦ଟି ଚ୍ୟାନେଲ୍‍ ଦେଖିପାରିବେ। ସେମାନେ କେଉଁ କେଉଁ ଚ୍ୟାନେଲ୍‍ ଦେଖିବାକୁ ଚାହୁଁଛନ୍ତି ତାହା ଫେବୃଆରୀ ୧ ତାରିଖ ପୂର୍ବରୁ ସ୍ଥିର କରିବେ। ଭାରତୀୟ ଟେଲିକମ୍‍ ନିୟାମକ ପ୍ରାଧିକରଣ(ଟ୍ରାଇ) ପକ୍ଷରୁ ଏହି ସୂଚନା ଦିଆଯାଇଛି।
ଉପରୋକ୍ତ ୧୦୦ଚ୍ୟାନେଲ୍‍ ମଧ୍ୟରେ ଏଚ୍‍ଡି ଚ୍ୟାନେଲ୍‍ ରହିବ କି ନାହିଁ ତାହା ସ୍ପଷ୍ଟ ହୋଇପାରିନାହିଁ। କେତେକ ସମ୍ବାଦ ସରବରାହ ସଂସ୍ଥାର ରିପୋର୍ଟ ଅନୁଯାୟୀ ଏହି ୧୦୦ ଚ୍ୟାନେଲ୍‍ ମଧ୍ୟରେ ଏଚ୍‍ଡି ଚ୍ୟାନେଲ୍‍ ସାମିଲ୍‍ ହୋଇପାରିବ। ତେବେ ପ୍ରତି ଏଚ୍‍ଡି ଚ୍ୟାନେଲ୍‍ ଦୁଇଟି ଅଣଏଚ୍‍ଡି ଚ୍ୟାନେଲ ସହିତ ସମାନ ହେବ। ଅର୍ଥାତ୍‍ ଯେଉଁ ଗ୍ରାହକ ଯେତୋଟି ଏଚ୍‍ଡି ଚ୍ୟାନେଲ୍‍ ଦେଖିବାକୁ ଚାହିଁବେ ତାର ଦୁଇଗୁଣା ଅଣଏଚ୍‍ଡି ଚ୍ୟାନେଲ୍‍ ସଂଖ୍ୟା ହରାଇବାକୁ ପଡ଼ିବ। ଯଦି ଜଣେ ଗ୍ରାହକ ୨ଟି ଏଚ୍‍ଡି ଚ୍ୟାନେଲ୍‍ ଦେଖିବାକୁ ଚାହିଁବେ ତେବେ ତାଙ୍କୁ ବାକି ୯୬ଟି ଅଣ ଏଚ୍‍ଡି ଚ୍ୟାନେଲ୍‍ ଦେଖିବାର ସୁଯୋଗ ମିଳିବ। ଏ କ୍ଷେତ୍ରରେ ସେବା ପ୍ରଦାନକାରୀ ସଂସ୍ଥାର ନିଷ୍ପତ୍ତି ଚୂଡ଼ାନ୍ତ ହେବ। ଟ୍ରାଇର ଅନ୍ୟ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଅନୁଯାୟୀ ଗୋଟିଏ ଚ୍ୟାନେଲ୍‍ ପାଇଁ ମାସିକ ଦେୟ ୧୯ ଟଙ୍କାରୁ ଅଧିକ ହେବ ନାହିଁ।

LEAVE A REPLY

Please enter your comment!
Please enter your name here