ଦୁଇ ବାଇକ୍ ମୁହାଁ ମୁହିଁ ଧକ୍କା, ୪ ଗୁରୁତର

0

ମୋହନା : ଗଜପତି ଜିଲା ମୋହନା ଥାନା ଅନ୍ତର୍ଗତ ଚାପଡପଙ୍କା ନିକଟରେ ୨ ବାଇକ ମୁହାଁ ମୁହିଁ ଧକ୍କା ହେବା ଫଳରେ ୪ଜଣ ଗୁରୁତର ହୋଇଥିବା ଜଣାପଡିଛି । ଗୁରୁତର ମାନେ ହେଲେ ଚିକିଟିର ଚନ୍ଦନ ସାହୁ (୧୭), ବ୍ରହ୍ମପୁରର ବିକାଶ ଦୋରା (୨୩), ଭାଲିଆପଦାର ଅଜିତ ନାୟକ (୫୫) ଓ ଅଡବାର ସମିର ଶୋଭାସୁନ୍ଦର(୨୯)। ସମସ୍ତ ଗୁରୁତରଙ୍କୁ ମୋହନା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ପ୍ରାଥମିକ ଚିକିତ୍ସାପରେ ବ୍ରହ୍ମପୁର ସ୍ତାନାନ୍ତର କରାଯାଇଥିବା ଡାକ୍ତର ନିର୍ଲିପ୍ତା ନାୟକ କହିଛନ୍ତି। ସୂଚନା ମୁତାବକ, ବୁଧବାର ସନ୍ଧ୍ୟା ପ୍ରାୟ ସାଢେ ୬ଟା ସମୟରେ ଗୋଟିଏ ବାଇକରେ ଚନ୍ଦନ ଓ ବିକାଶ ଦାରିଙ୍ଗବାଡିରୁ ଫେରୁଥିବା ସମୟରେ ଅନ୍ୟ ଏକ ବାଇକରେ ସମିର ଓ ଅଜିତ ମୋହନାରୁ ଅଡବା ଯାଉଥିଲେ। ତେବେ ଚାପଡପଙ୍କ ନିକଟସ୍ଥ ଏକ ବୁଲାଣିରେ ଉଭୟଙ୍କ ମଧ୍ୟରେ ମୁହାଁ ମୁହିଁ ଧକ୍କା ହୋଇଥିଲା। ଖବର ପାଇ ୧୦୮ ଆମ୍ବୁଲାନ୍ସ ଯୋଗେ ଗୁରୁତରମାନଙ୍କୁ ଚିକିତ୍ସା ପାଇଁ ମୋହନା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ପୁଲିସ ଘଟଣାର ତଦନ୍ତ କରୁଥିବା ଜଣାପଡିଛି।

Leave A Reply