ମୁଁ ଏକୁଟିଆ ତୁମକୁ ଜିତାଇ ପାରିବି ନାହିଁ: ମୋଦୀ

ନୂଆଦିଲ୍ଲୀ: କେବଳ ମୋ ଉପରେ ଭରସା କରି ନିଶ୍ଚିନ୍ତ ହୋଇଯାଅନାହିଁ। ମୁଁ ଏକୁଟିଆ ତୁମକୁ ନିର୍ବାଚନରେ ଜୟଯୁକ୍ତ କରିପାରିବି ନାହିଁ। ଜାତୀୟ କାର୍ଯ୍ୟକାରିଣୀ ବୈଠକ ଅବସରରେ ଦଳୀୟ ନେତା ଓ କର୍ମକର୍ତ୍ତାଙ୍କୁ ଏଭଳି ଚରମ ବାଣୀ ଶୁଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ।
‘ମଜବୁର ନୁହେଁ ମଜବୁତ୍‍ ସରକାର’ର ନାରା ଦେଇଥିବା ମୋଦୀ କର୍ମକର୍ତ୍ତାଙ୍କ ଉଦ୍ଦେଶ୍ୟରେ କହିଛନ୍ତି ଯେ ଧରି ନିଆଯାଉ ଭଲ ବର୍ଷା ହେବ। ଶସ୍ୟ ମଧ୍ୟ ଉତ୍ତମ ଥିବ। କିନ୍ତୁ ଚାଷୀ ଯଦି ଚାଷ ନ କରିବ ତେବେ ସେଥିରୁ କିଛି ଲାଭ ମିଳିବ କି? ସେହିପରି ନିର୍ବାଚନ ପାଇଁ ନିଜ କ୍ଷେତ୍ର ନିଜେ ପ୍ରସ୍ତୁତ କରିବା ଆବଶ୍ୟକ। ଆସନ୍ତା ନିର୍ବାଚନରେ କଡ଼ା ମୁକାବିଲା ହେବ। ଜିତିବାକୁ ହେଲେ ‘ମୋ ବୁଥ୍‍ ମଜବୁତ୍‍’ ମନ୍ତ୍ରକୁ ଗ୍ରହଣ କରିବାକୁ ପଡ଼ିବ। ବିଜେପି ବିରୋଧରେ ମହାମେଣ୍ଟ ଗଠନ ଉଦ୍ୟମ କରୁଥିବା ଦଳମାନଙ୍କ ଉଦ୍ଦେଶ୍ୟରେ ମୋଦୀ କହିଛନ୍ତି ଯେ ଯେତେବେଳେ କଂଗ୍ରେସ ଶକ୍ତିଶାଳୀ ଥିଲା ସେତେବେଳେ ସେମାନେ ଦଳର ସହଯୋଗ ଲୋଡ଼ୁଥିଲେ। କଂଗ୍ରେସର ସ୍ଥିତି ଏବେ ଦୁର୍ବଳ ହେଉଥିବାରୁ ସହଯୋଗୀମାନେ ହାତ ଛାଡ଼ୁଛନ୍ତି। ତେଣୁ ସେଭଳି ଦଳମାନଙ୍କୁ ଉପରେ ବିଶ୍ୱାସ ଓ ଭରସା କରାଯାଇପାରିବନି।

Comments
Loading...