ମକର ସଂକ୍ରାନ୍ତିରେ ଗୁଡ ଓ ରାଶି ଲଡ୍ଡୁ ଖାଇବାର ବୈଜ୍ଞାନିକ କାରଣ

0

ଭାରତୀୟଙ୍କ ପ୍ରତିଟି ପର୍ବରେ କିଛି ନା କିଛି ନୂଆ ବ୍ୟଞ୍ଜନ ପ୍ରସ୍ତୁତ କରିବାର ପରମ୍ପରା ରହିଛି । ସେହିପରି ମକର ସଂକ୍ରାନ୍ତିରେ ମକର ଚାଉଳ, ଖେଚୁଡି ସହ ଗୁଡ ଓ ରାଶିରେ ଲଡ୍ଡୁ ପ୍ରସ୍ତୁତ କରାଯାଏ । ତେବେ ଆସନ୍ତୁ ଜାଣିବା ମକର ସଂକ୍ରାନ୍ତି ଦିନ ଗୁଡ ଓ ରାଶି ଲଡୁ ପ୍ରସ୍ତୁତ ପଛରେ କ’ଣ ରହିଛି ବୈଜ୍ଞାନିକ କାରଣ ।

ମକର ସଂକ୍ରନ୍ତି ପୌଷ ମାସ ଶୁକ୍ଳ ପକ୍ଷରେ ପାଳନରେ କରାଯାଏ । ଏହି ସମୟରେ ଥଣ୍ଡା ପ୍ରକୋପ ଅଧିକ ରହିଥାଏ । ତେଣୁ ଏହି ସମୟରେ ଏପରି ଖାଦ୍ୟ ଖାଇବା ଉଚିତ୍ ଯାହା ଶରୀରକୁ ଉଷ୍ମତା ପ୍ରଦାନ କରିଥାଏ । ରାଶିରେ ଥିବା ତେଲ ଶରୀରର ତାପମାତ୍ରାକୁ ସଠିକ ରଖିବାରେ ସାହାଯ୍ୟ କରେ । ସେହିପରି ଗୁଡ ଉଷ୍ମ ଖାଦ୍ୟ ପଦାର୍ଥ ମଧ୍ୟରୁ ଗୋଟିଏ ହୋଇ ଥିବାରୁ ଏଥିରେ ଥିବା ଆୟରନ ଓ ଭିଟାମିନ ସି ଗଳା ଓ ନିଶ୍ବାସପ୍ରଶ୍ବାସ ଜନିତ ସମସ୍ୟା ଦୂର କରେ ।

ଆୟୁର୍ବେଦରେ ମଧ୍ୟ ଉଲ୍ଲେଖ ରହିଛି ଯେ, ଥଣ୍ଡା ପାଗରେ ବା ଶୀତ ଋତୁରେ ରାଶି ଓ ଗୁଡ ଶରୀର ପାଇଁ ଉତ୍ତମ । ଏହା ଶରୀରକୁ ଉଷ୍ମ ରଖିବା ସହ ରୋଗ ପ୍ରତିରୋଧକ ପ୍ରକ୍ରିୟାକୁ ସୁଦୃଢ କରିଥାଏ । ଏହି କାରଣରୁ ମକର ସଂକ୍ରାନ୍ତିରେ ରାଶି ଓ ଗୁଡରେ ବ୍ୟଞ୍ଜନ ଖିଆଯାଏ ।

ରାଶି ଓ ଗୁଡର ପ୍ରସ୍ତୁତ ଲଡୁ ଅଧିକ ଖାଇବା ଦ୍ବାରା ଶରୀରକୁ ଉଷ୍ମତା ମିଳିବା ସହ କାର୍ଯ୍ୟ କରିବା କ୍ଷମତା ବୃଦ୍ଧି ହୋଇଥାଏ । ସଂକ୍ରାନ୍ତି କିଛି ଦିନ ପୂର୍ବରୁ ଲୋକମାନେ ରାଶି ଓ ଗୁଡରେ ବିଭିନ୍ନ ବ୍ୟଞ୍ଜନ ପ୍ରସ୍ତୁତ କରିଥାନ୍ତି । ସେଥି ମଧ୍ୟରୁ ଗଜକ, ଚିକ୍କି, ରାଶି ଲଡ୍ଡୁ ଇତ୍ୟାଦି । ଏହି ବ୍ୟଞ୍ଜନ ଗୁଡିକୁ ଅନେକ ଦିନ ପର୍ଯ୍ୟନ୍ତ ସାଇତି ରଖିହେବ ।

ମରାଠି ସମ୍ପ୍ରଦାୟର ଲୋକମାନେ ମକର ସଂକ୍ରାନ୍ତିକୁ ବହୁତ ଉତ୍ସାହର ସହ ପାଳନ କରିଥାନ୍ତି । ଘରକୁ ଆସୁଥିବା ଅତିଥୀଙ୍କୁ ରାଶି ଓ ଗୁଡରେ ପ୍ରସ୍ତୁତ ବ୍ୟଞ୍ଜନ ପରଶିଥାନ୍ତି ।

ଆଲେଖ୍ୟ: ବୈଜୟନ୍ତୀ ନାୟକ