୨୦୧୯ ନିର୍ବାଚନ ଲଢିବା ରିପୋର୍ଟକୁ ମାଧୁରୀଙ୍କ ଖଣ୍ଡନ

0
228

ମୁମ୍ବଇ : ଆଗାମୀ ଲୋକସଭା ନିର୍ବାଚନରେ ବିଜେପି ଟିକଟରେ ପୁଣେରୁ ନିର୍ବାଚନ ଲଢିବା ନେଇ ତାଙ୍କ ସମ୍ପର୍କରେ ପ୍ରକାଶିତ ରିପୋର୍ଟକୁ ବଲିଉଡ ଅଭିନେତ୍ରୀ ମାଧୁରୀ ଦୀକ୍ଷିତ ଖଣ୍ଡନ କରିଛନ୍ତି। ଶନିବାର ମାଧୁରୀ କହିଛନ୍ତି ଯେ ତାଙ୍କର ନିର୍ବାଚନ ଲଢିବା ନେଇ ପ୍ରକାଶିତ ରିପୋର୍ଟ ମିଥ୍ୟା ଓ କପୋଳକଳ୍ପିତ। ନିର୍ବାଚନ ଲଢିବା ନେଇ ତାଙ୍କର କୌଣସି ଯୋଜନା ନାହିଁ। ଏବେ ସେ ଅଭିନୟ ଉପରେ ମନୋନିବେଶ କରିଛନ୍ତି। ନିକଟରେ ଗଣମାଧ୍ୟମରେ ପ୍ରକାଶିତ ଏକ ରିପୋର୍ଟରେ ଉଲ୍ଲେଖ କରାଯାଇଥିଲା ଯେ ମାଧୁରୀ ୨୦୧୯ ଲୋକସଭା ନିର୍ବାଚନରେ ପ୍ରତିଦ୍ବନ୍ଦ୍ବିତା କରିବେ। ବିଜେପି ତାଙ୍କୁ ମହାରାଷ୍ଟ୍ରର ପୁଣେରୁ ପ୍ରାର୍ଥୀ କରିବାକୁ ସ୍ଥିର କରିଥିବା ଦଳର ଜଣେ ବରିଷ୍ଠ ନେତା କହିଥିଲେ। ଗତ ଜୁନ୍‌ରେ ବିଜେପି ଅଧ୍ୟକ୍ଷ ଅମିତ ଶାହା ଓ ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବିସ ବଲିଉଡର ଏହି ଅଭିନେତ୍ରୀଙ୍କୁ ମୁମ୍ବଇସ୍ଥିତ ତାଙ୍କ ବାସଭବନରେ ଭେଟିଥିଲେ। ବିଜେପିର ‘ସମର୍ଥନ ପାଇଁ ସମ୍ପର୍କ’ ଅଭିଯାନ କ୍ରମରେ ଦଳର ଦୁଇ ନେତା ମାଧୁରୀଙ୍କୁ ଭେଟିଥିଲେ। ପରେ ମହାରାଷ୍ଟ୍ର ବିଜେପିର ଜଣେ ବରିଷ୍ଠ ନେତା ମାଧୁରୀଙ୍କୁ ଦଳ ପକ୍ଷରୁ ଲୋକସଭା ନିର୍ବାଚନ ପାଇଁ ପ୍ରାର୍ଥୀ କରିବାକୁ ସ୍ଥିର କରାଯାଇଥିବା କହିଥିଲେ।