ଜଳନ୍ଧର ..- ଭାଗ୍ୟ ଦେବୀ କେତେବେଳେ କାହାକୁ ସଦୟ ହୁଅନ୍ତି ତାହା ଜଣା ପଡେନି । ଏପରି ଏକ ଘଟଣା ପଞ୍ଜାବର ଜଣେ କନେଷ୍ଟବଳଙ୍କ କ୍ଷେତ୍ରରେ ଘଟିଛି । ସେ ମଜାରେ ଏକ ଲଟେରୀ ଟିକେଟ୍ କିଣିଥିବା ବେଳେ ତାଙ୍କର ୨ କୋଟି ଟଙ୍କା ଉଠିଛି ।
ପଞ୍ଜାବ ପୁଲିସରେ କନେଷ୍ଟବଳ ଥିବା ଅଶୋକ କୁମାର ଲୋହରୀ ଅବସରରେ ୨୦୦ ଟଙ୍କା ଦେଇ ଏକ ଲଟେରୀ ଟିକେଟ କିଣିଥିଲେ । ଲଟେରୀ ବିକୁଥିବା ଲୋକ ଥାନାକୁ ଆସିଥିଲା ଓ ତାଙ୍କୁ ଏକ ଲଟେରୀ କିଣିବା ପାଇଁ ଅନୁରୋଧ କରିଥିଲା । ଅଶୋକ ବିକ୍ରେତାଙ୍କର ଅନୁରୋଧ ରକ୍ଷା କରି ଲଟେରୀଟି କିଣିଥିଲେ । ମାତ୍ର ଏହି ଲଟେରୀରୁ ତାଙ୍କୁ ୨ କୋଟି ଟଙ୍କା ମିଳିଛି । ସମସ୍ତ ଟଙ୍କାକୁ ବ୍ୟାଙ୍କରେ ରଖି ସେ ଚାକିରି କରିବେ ବୋଲି କହିଛନ୍ତି ।