ଦୀର୍ଘଦିନ ପରେ ଏକାଠି ନଜର ଆସିବେ ଅକ୍ଷୟ-କ୍ୟାଟ୍ରିନା

0
364
image courtesy-AajTak

ମୁମ୍ବଇ : ଦୀର୍ଘଦିନ ପରେ ପରଦାରେ ଅକ୍ଷୟ କୁମାର ଓ କ୍ୟାଟ୍ରିନା କୈଫ୍‍ଙ୍କ ଯୋଡ଼ି ନଜର ଆସିବ। ରୋହିତ୍‍ ଶେଟ୍ଟୀଙ୍କ ନିର୍ଦ୍ଦେଶିତ ଆଗାମୀ ଚଳଚ୍ଚିତ୍ର ‘ସୂର୍ଯ୍ୟବଂଶୀ’ରେ କ୍ୟାଟ୍ରିନାଙ୍କୁ ଅକ୍ଷୟଙ୍କ ବିପକ୍ଷରେ ନାୟିକା ଭାବେ ଦେଖିବାକୁ ମିଳିବ। ସୋମବାର ନିଜେ ଅକ୍ଷୟ ଏହି ସୂଚନା ଦେଇଛନ୍ତି। ଚଳଚ୍ଚିତ୍ରର ନାୟିକା କିଏ ହେବେ ଏନେଇ ଅନେକ ଦିନ ଧରି ଆଲୋଚନା ପର୍ଯ୍ୟାଲୋଚନା ଜାରି ରହିଥିଲା। କିନ୍ତୁ ଏବେ କ୍ୟାଟ୍ରିନା ଏହି ଚଳଚ୍ଚିତ୍ରର ନାୟିକା ଭୂମିକାରେ ନଜର ଆସିବେ ବୋଲି ଅକ୍ଷୟ ସାମାଜିକ ଗଣମାଧ୍ୟମରେ ଏକ ଫଟୋ ଶେୟାର କରି ସ୍ପଷ୍ଟ କରିଛନ୍ତି। ଫଟୋରେ ଅକ୍ଷୟଙ୍କୁ କ୍ୟାଟ୍ରିନା କୈଫ୍‍, ରୋହିତ୍‍ ଶେଟ୍ଟୀ ଓ କରଣ ଜୋହରଙ୍କ ସହ ଦେଖିବାକୁ ମିଳିଛି। କ୍ୟାପ୍ସନରେ ଅକ୍ଷୟ ‘ସୂର୍ଯ୍ୟବଂଶୀ ଗର୍ଲଙ୍କୁ ସ୍ୱାଗତ’ ବୋଲି ଲେଖିଛନ୍ତି।

ପ୍ରକାଶଯୋଗ୍ୟ, ଏହା ପୂର୍ବରୁ ମଧ୍ୟ ଅକ୍ଷୟ ଓ କ୍ୟାଟ୍ରିନା ଅନେକ ଚଳଚ୍ଚିତ୍ରରେ ଏକାଠି ଅଭିନୟ କରିଛନ୍ତି। ଦୁହିଁଙ୍କ ଯୋଡ଼ିକୁ ପରଦାରେ ଲୋକେ ଖୁବ୍‍ ପସନ୍ଦ କରିଥିଲେ। ଏବେ ଦୀର୍ଘଦିନ ପରେ ଦୁହେଁ ପୁଣି ପରଦାକୁ ଏକାଠି ପ୍ରତ୍ୟାବର୍ତ୍ତନ କରୁଛନ୍ତି। ‘ସୂର୍ଯ୍ୟବଂଶୀ’ ଆସନ୍ତା ବର୍ଷ ଇଦ୍‍ ଅବସରରେ ମୁକ୍ତିଲାଭ କରିବ।