ମୋଦୀ-ଶାହାଙ୍କ ‘ଚାଟୁକାର’ ହେଉଛନ୍ତି ଶିବରାଜ ଚୌହାନ : ମଧ୍ୟପ୍ରଦେଶ ଶିକ୍ଷା ମନ୍ତ୍ରୀ

ଭୋପାଳ : ଜାମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦକୁ ନେଇ ମଧ୍ୟପ୍ରଦେଶର ଶାସକ ଦଳ କଂଗ୍ରେସ ଏବଂ ମୁଖ୍ୟ ବିରୋଧୀ ଦଳ ବିଜେପି ମଧ୍ୟରେ ବାକ ଯୁଦ୍ଧ ଜାରି ରହିଛି। ଏହି କ୍ରମରେ ମଧ୍ୟପ୍ରଦେଶ କଂଗ୍ରେସର ବରିଷ୍ଠ ନେତା ତଥା ଉଚ୍ଚ ଶିକ୍ଷା ମନ୍ତ୍ରୀ ଜିତୁ ପଟୱାରୀ ମଙ୍ଗଳବାର ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନଙ୍କୁ କଡ଼ା ସମାଲୋଚନା କରିଛନ୍ତି।

କ୍ଷମତାରୁ ବାହାରିବା ପରେ ଶିବରାଜ ସଂହ ଚୌହାନ ବିଜେପିରେ ନିଜ ଅସ୍ଥିତ୍ୱକୁ ବଞ୍ଚାଇବା ପାଇଁ ମୋଦୀ ଏବଂ ଶାହାଙ୍କ ଚାଟୁକାର କାର୍ଯ୍ୟରେ ବ୍ୟସ୍ତ ଅଛନ୍ତି ବୋଲି ଜିତୁ ଟ୍ୱିଟ୍‍ କରିଛନ୍ତି। ସେ ଟ୍ୱିଟରେ ଲେଖିଛନ୍ତି ଯେ ଆପଣ ୧୩ ବର୍ଷ ମଧ୍ୟପ୍ରଦେଶର ମୁଖ୍ୟମନ୍ତ୍ରୀ ରହିଲ। ଏବେ ମଧ୍ୟପ୍ରଦେଶର ମର୍ଯ୍ୟାଦା ପ୍ରତି ଧ୍ୟାନ ଦିଅନ୍ତୁ। ମଧ୍ୟପ୍ରଦେଶ ଜନତା ଜଣେ ମୁଖ୍ୟମନ୍ତ୍ରୀ ନୁହେଁ ଜଣେ ଚାଟୁକାରକୁ ନିର୍ବାଚିତ କରିଥିଲେ ବୋଲି ଜାଣିପାରିନଥିଲେ।
ପ୍ରକାଶ ଯେ ଶିବରାଜ ସିଂହ ଚୌହାନ ଜାମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଗୃହ ମନ୍ତ୍ରୀ ଅମିତ ଶାହାଙ୍କ ଖୁବ ପ୍ରଶଂସା କରିଥିଲେ। ସେ କହିଥିଲେ ଯେ ପ୍ରଥମେ ତାଙ୍କୁ (ମୋଦୀ-ଶାହା) ନେତା ଭାବୁଥିଲି ଏବେ ଏହି କାର୍ଯ୍ୟ ପାଇଁ ମୁଁ ତାଙ୍କ ପୂଜା କରୁଛି। ଶିବରାଜଙ୍କ ଏହି ଟିପ୍ପଣୀକୁ ଜିତୁ ସମାଲୋଚନା କରିବା ସହ ଉପରୋକ୍ତ ମନ୍ତବ୍ୟ ଦେଇଛନ୍ତି।