ଜଳନ୍ଧର .- ପଞ୍ଜାବର ଜଳନ୍ଧରରେ ଥିବା ମାକସୁଦାନ ଥାନାରେ ହୋଇଥିବା ବିସ୍ଫାରଣ ପାଇଁ ଭିନ୍ଦ୍ରାନଓ୍ୱାଲ ଟାଇଗର ଫୋର୍ସ ନାମକ ଆତଙ୍କବାଦୀ ସଙ୍ଗଠନ ନିଜକୁ ଦାୟୀ କରିଛି । ପଞ୍ଜାବକୁ ଅଲଗା ଖଲିସ୍ତାନ ଦେଶ ଗଠନ କରିବା ପାଇଁ ଦାବି କରୁଥିବା ଏହି ଆତଙ୍କବାଦୀ ସଙ୍ଗଠନର ଏକ ଚିଠି ଭାଇରାଲ୍ ହୋଇଛି । ଏହି ବିସ୍ଫୋରଣରେ ଜଣେ ପୁଲିସ କର୍ମୀ ଆହତ ହୋଇଛନ୍ତି ।
ପୁଲିସ ଏହି ଘଟଣାର ତଦନ୍ତ ଆରମ୍ଭ କରିଛି । କାହାକୁ ଏଥିପାଇଁ ହଇରାଣ ନ କରିବାକୁ ଚିଠିରେ ଉଲ୍ଲେଖ ଅଛି। ଏହି ଚିଠିର ସତ୍ୟତାକୁ ନେଇ ତଦନ୍ତ ଆରମ୍ଭ କରାଯାଇଛି ବୋଲି ଜଳନ୍ଧର ପୁଲିସ କମିଶନର ପିକେ ସିହ୍ନା କହିଛନ୍ତି । ପଞ୍ଜାବ ପୁଲିସ ଡିଜି ସୁରେଶ ଆରୋରା ଏହି ଥାନା ପରିଦର୍ଶନ କରିଛନ୍ତି ।
ବିସ୍ଫୋରଣ ହୋଇଥିବା ଥାନାରେ ଏକ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ଅଛି । ଥାନା ପାଚେରୀର ଉଚ୍ଚତା କମ ଥିବା ବେଳେ ଦୁଇପଟୁ ଖୋଲା ଅଛି । ଏଥିପାଇଁ କେହି ବାହାରୁ ବିସ୍ଫୋରକ ଫିଙ୍ଗି ଦେଇଥିବା ପୁଲିସ ସନ୍ଦହ କରୁଛି । ଏନ୍ଏସ୍ଜିର ଏକ ଟିମ୍ ଥାନାରେ ପହଞ୍ଚି ଏଥିରେ କେଉଁ ପ୍ରକାରର ବିସ୍ଫୋରକ ବ୍ୟବହାର କରାଯ।ଇଛି ସେ ବିଷୟରେ ତଦନ୍ତ କରିଛନ୍ତି ।