ସମରକଳା ତାଲିମ ନେଲେ ଜ୍ୟାକଲିନ୍

0

ଆବୁଧାବିରେ ‘ରେସ୍-୩’ ଚଳଚ୍ଚିତ୍ରର ଶେଷ ପର୍ୟ୍ୟାୟ ସୁଟିଂ ଜୋରସୋରରେ ଆଗେଇ ଚାଲିଛି। ରେମୋ ଡିସୁଜା ନିର୍ଦେଶିତ ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ସଲମାନ୍ ଖାନ୍, ଅନିଲ କପୁର, ଜ୍ୟାକଲିନ୍ ଫର୍ଣ୍ଣାଣ୍ଡିଜ୍, ବବିଦେଓଲ ଦେଖାଦେବେ। ଶେଷ ଭାଗର ଆକ୍ସନ୍ ଦୃଶ୍ୟ ସୁଟିଂ ନିମନ୍ତେ ଜ୍ୟାକଲିନ୍ ସମରକଳା ତାଲିମ ନେଇଛନ୍ତି। ମୁମ୍ବଇରେ ପ୍ରଶିକ୍ଷକ କୁଲଦୀପ ୨ ସପ୍ତାହରେ ତାଙ୍କୁ ଏହି ତାଲିମ ଦେଇଥିବାର ପ୍ରକାଶ।

ପ୍ରଥମଥର ଜ୍ୟାକଲିନ୍ ଆକ୍ସନ୍ ଭୂମିକାରେ ଦେଖାଦେବେ। ୧ସପ୍ତାହ ମଧ୍ୟରେ ତାଙ୍କ ଖାଦ୍ୟତାଲିକା ପରିବର୍ତ୍ତନ କରାଗଲା। କାରଣ ଆକ୍ସନ୍ ଦୃଶ୍ୟ ପୂର୍ବରୁ କଳାକାରଙ୍କୁ ଭଲଭାବେ ପ୍ରସ୍ତୁତି କରିବାକୁ ପଡ଼େ। ଏଣୁ ପୋଷକତତ୍ତ୍ବ ଭରପୂର ଖାଦ୍ୟ ଓ ଫଳରସ ସେ ନିୟମିତ ଭାବେ ଖାଇବା ଆରମ୍ଭ କଲେ। ଜ୍ୟାକଲିନଙ୍କ ମତରେ ଏହା ଏତେ ସହଜ ନଥିଲା। ଦିନ ଭିତରେ ୭ ଘଣ୍ଟା ସେ ଅଭ୍ୟାସ କରୁଥିଲେ। ବେଜିଂରୁ ମଧ୍ୟ ଜଣେ ପ୍ରଶିକ୍ଷକ ଆସି ଜ୍ୟାକଲିନଙ୍କୁ ୨ ଦିନ ତାଲିମ ଦେଇଛନ୍ତି। ପୂରା ଚଳଚ୍ଚିତ୍ରରେ ଜ୍ୟାକଲିନଙ୍କ ଆକ୍ସନ୍ ଦୃଶ୍ୟ ୧୦ ମିନିଟର ରହିବ ବୋଲି ଜଣାପଡ଼ିଛି।

Leave A Reply