ପିଜା ବାଣ୍ଟିଲେ ଜର୍ଜ ବୁଶ୍
ୱାଶିଂଟନ୍: ଆମେରିକାର ପୂର୍ବତନ ରାଷ୍ଟ୍ରପତି ଜର୍ଜ ବୁଶ୍ ଆମେରିକାର ଗୁଇନ୍ଦା ବିଭାଗ କର୍ମଚାରୀଙ୍କୁ ପିଜା ବାଣ୍ଟୁଥିବା ଦୃଶ୍ୟ ଦେଖିବାକୁ ମିଳିଛି। ଜର୍ଜ ବୁଶ୍ ଏହି ଫେଟୋକୁ ନିଜ ଇନ୍ଷ୍ଟାଗ୍ରାମ୍ ଆକାଉଣ୍ଟରେ ସେୟାର କରିଛନ୍ତି। ଜର୍ଜ ବୁଶ୍ଙ୍କ ସହିତ ତାଙ୍କ ପତ୍ନୀ ଲୋରା ଡବ୍ଲ୍ୟୁ ବୁଶ୍ ମଧ୍ୟ ନଜର ଆସିଛନ୍ତି। ବିନା ଦରମାରେ ଦିନ ରାତି କାମ କରୁଥିବା ଆମେରିକାର କର୍ମଚାରୀଙ୍କୁ ପିଜା ବାଣ୍ଟି ଖୁସି ଅନୁଭବ କରୁଛନ୍ତି ବୋଲି ବୁଶ୍ ଦମ୍ପତି କହିଛନ୍ତି।
ସୂଚନାଯୋଗ୍ୟ, ଆମେରକା ସୀମାନ୍ତରେ ପ୍ରାଚୀର ନିର୍ମାଣ କରିବା ପାଇଁ ୫ ବିଲିୟନ ଡଲାର ମଞ୍ଜୁର କରିବା ଦାବିରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଅଟଳ ରହିବାରୁ ଆମେରିକାର ଏକାଧିକ ସରକାରୀ ବିଭାଗରେ ଏକପ୍ରକାର ଅଚଳାବସ୍ଥା ସୃଷ୍ଟି ହୋଇଛି। ସିନେଟ୍ରେ ବଜେଟ୍ ପ୍ରସ୍ତାବ ପାରିତ ହୋଇ ନ ପାରିବା କାରଣରୁ ଅନେକ ବିଭାଗ ଅର୍ଥଶୂନ୍ୟ ହୋଇଯାଇଛନ୍ତି। ତେଣୁ ସରକାରୀ କର୍ମଚାରୀଙ୍କୁ ଛୁଟିରେ ଚାଲିଯିବା ପାଇଁ ନିର୍ଦେଶ ଦିଆଯାଇଛି। କେତେକ ଗୁରୁତ୍ୱପୂର୍ଣ୍ଣ ବିଭାଗର ଅଧିକାରୀମାନେ ଗତ ୨୭ ଦିନ ଧରି ବିନା ବେତନରେ କାମ କରୁଛନ୍ତି। ସେହି କର୍ମଚାରୀଙ୍କ ପାଇଁ ବୁଶ ଦମ୍ପତି ୬ଟି ଲେଖାଏଁ ପିଜା ବାଣ୍ଟିଛନ୍ତି।