ମୁଣ୍ଡ କୁଣ୍ଡାଇ ହେଉଛି କି? ଆପଣାନ୍ତୁ ଏହି ଘରୋଇ ଉପାୟ

0
768
Pic courtesy : Best Health Magazine Canada

ମୁଣ୍ଡ କୁଣ୍ଡାଇ ହେଲେ କୌଣସି କାମରେ ମନ ଲାଗି ନ ଥାଏ। ଖରା ଦିନେ ହେଉ କି ବର୍ଷା ଦିନ ହେଉ ସବୁ ଋତୁରେ ମୁଣ୍ଡ ଭିନ୍ନ ଭିନ୍ନ କାରଣରୁ କୁଣ୍ଡାଇ ହୋଇଥାଏ। ବେଳେବେଳେ ମୁଣ୍ଡରେ ଊକୁଣୀ ଥିବାରୁ କୁଣ୍ଡାଇ ହୁଏ। ଏହା ବ୍ୟତୀତ କେଶରେ ଧୂଳି ଓ ଅନେକ କାରଣରୁ ମୁଣ୍ଡ କୁଣ୍ଡାଇ ହୋଇଥାଏ। ବାରମ୍ବାର ମୁଣ୍ଡ କୁଣ୍ଡାଇ ହେବା ଦ୍ବାରା କେଶ ରୁକ୍ଷ ହୋଇଥାଏ। କେଶ ଝଡିବା ଓ ରୂପି ହେବାର ସମସ୍ୟା ମଧ୍ୟ ଦେଖା ଯାଇଥାଏ।

ତେବେ ଆସନ୍ତୁ ଜାଣିବା ଏହି ସମସ୍ୟାରୁ କିପରି ରକ୍ଷା ପାଇପାରିବା ….

ମୁଣ୍ଡ କୁଣ୍ଡାଇ ହେବା ସମସ୍ୟାରୁ ରକ୍ଷା ପାଇବା ପାଇଁ କିଛି ଘରୋଇ ଉପାୟ ରହିଛି। ତାହାକୁ ବ୍ୟବହାର କଲେ କେଶର କୌଣସି କ୍ଷତି ହୋଇ ନ ଥାଏ।

ଲେମ୍ବୁ ଓ ମହୁ :

ଲେମ୍ବୁରେ ଆଣ୍ଟି-ବ୍ୟାକ୍ଟେରିୟଲ, ଆଣ୍ଟି-ଫଙ୍ଗଲ ଗୁଣ ରହିଛି। ତେଣୁ ମହୁରେ ଲେମ୍ବୁ ରସ ମିଶାନ୍ତୁ। ତାହାକୁ କେଶର ମୂଳରେ ମିଶ୍ରଣଟିକୁ ଭଲ ଭାବେ ମାଲିସ କରନ୍ତୁ। ତାପରେ ୧୫ମିନିଟ ପରେ ଥଣ୍ଡା ପାଣିରେ କେଶକୁ ଧୋଇ ଦିଅନ୍ତୁ। ଏପରି କରିବା ଦ୍ବାରା ମୁଣ୍ଡ କୁଣ୍ଡାଇ ହେବା ସମସ୍ୟା ଓ ରୂପି ସମସ୍ୟା ଦୂର ହୋଇଥାଏ।

ଘିକୁଆଁରୀ :

ଘିକୁଆଁରୀର ଅନେକ ଔଷଧୀୟ ଗୁଣ ରହିଛି। ଘିକୁଆଁରୀର ବ୍ୟବହାର ଦ୍ବାରା କେଶ ସୁନ୍ଦର, ମଜଭୂତ ଓ ରୂପି ମୁକ୍ତ ରହିଥାଏ।। ଘିକୁଆଁରୀର ଜେଲକୁ କେଶର ମୂଳରେ କିଛି ସମୟ ମାଲିସ କରି ୧୫ମିନିଟ ପର୍ଯ୍ୟନ୍ତ ଛାଡି ଦିଅନ୍ତୁ। ତାପରେ କେଶକୁ ସାମ୍ପୁ କରି ଧୋଇ ଦିଅନ୍ତୁ। ଏପରି କରିବା ଦ୍ବାରା ମୁଣ୍ଡ କୁଣ୍ଡାଇ ହେବା ସମସ୍ୟା ଦୂର ହୋଇଥାଏ।

ଟି ଟ୍ରି ତେଲ :

ଏହି ତେଲକୁ କେଶରେ ଲଗାଇବା ଦ୍ବାରା ତାହା ସୁନ୍ଦର ଓ ଘନ ହୋଇଥାଏ। ଏହା କେଶ ମୂଳକୁ ଶକ୍ତ କରିଥାଏ। ତେଣୁ ୨ଚାମଚ ଟି ଟ୍ରି ତେଲ ଓ ୧ଚାମଚ ଅଲିଭ ତେଲକୁ ମିଶାଇ ସେଥିରେ ତୂଳା ବୁଡାଇ ରଖନ୍ତୁ। ତାପରେ ସେହି ତୂଳା ସାହାର୍ଯ୍ୟରେ ମିଶ୍ରଣକୁ ଆଣି କେଶରେ ଲଗାନ୍ତୁ। ଏକ ମାସ ପର୍ଯ୍ୟନ୍ତ ଏପରି କରିବା ଦ୍ବାରା ମୁଣ୍ଡ କୁଣ୍ଡାଇ ହେବା ସମସ୍ୟାରୁ ମୁକ୍ତି ମିଳିଥାଏ।

ସେଓର ସିରକା :

ଏହାକୁ କେଶରେ ଲଗାଇବା ଦ୍ବାରା ସେଠାରୁ ମଇଳା ସଫା କରିଥାଏ। ତେଣୁ ଏକ ଚତୁର୍ଥାଂଶ ସିରକାକୁ ତିନି ଚତୁର୍ଥାଂଶ ପାଣିରେ ପକାଇ ଦିଅନ୍ତୁ। ତାକୁ ପ୍ରତିଦିନ କେଶରେ ମାଲିସ କରନ୍ତୁ। ଏପରି କରିବା ଦ୍ବାରା ମୁଣ୍ଡ କୁଣ୍ଡାଇ ହେବା ସମସ୍ୟା ଦୂର ହୋଇଥାଏ।