ଡ.କୃଷ୍ଣମୂର୍ତ୍ତି ହେଲେ ମୁଖ୍ୟ ଅର୍ଥନୈତିକ ପରାମର୍ଶଦାତା

0
198

ନୂଆଦିଲ୍ଲୀ : ଡ. କୃଷ୍ଣମୂର୍ତ୍ତି ସୁବ୍ରମଣ୍ୟମଙ୍କୁ ଶୁକ୍ରବାର ଭାରତ ସରକାରଙ୍କ ନୂଆ ମୁଖ୍ୟ ଅର୍ଥନୈତିକ ପରାମର୍ଶଦାତା (ସିଇଏ) ପଦରେ ନିଯୁକ୍ତି ମିଳିଛି। ସେ ଏହି ପଦରେ ୩ ବର୍ଷ ପାଇଁ କାର୍ଯ୍ୟ କରିବେ। ବର୍ତ୍ତମାନ ଡ. କୃଷ୍ଣମୂର୍ତ୍ତି ହାଇଦରାବାଦସ୍ଥିତ ଇଣ୍ଡିଆନ ସ୍କୁଲ ଅଫ୍‍ ବିଜନେସର ପ୍ରଧ୍ୟାପକ ଭାବେ କାର୍ଯ୍ୟ କରୁଛନ୍ତି।
ପ୍ରକାଶ ଯେ ଡ. କୂଷ୍ଣମୂର୍ତ୍ତି ୟୁନଭିରସିଟି ଅଫ ଚିକାଗୋ ବୁଥ୍‍ ସ୍କୁଲ ଅଫ୍‍ ବିଜନେସରୁ ପିଏଚ୍‍ଡି କରିଛନ୍ତି। ଇଣ୍ଡିଆନ୍‍ ସ୍କୁଲ ଅଫ ବିଜନେସ୍‍ ୱେବସାଇଟର ଦିଆଯାଇଥିବା ସୂଚନା ଅନୁସାରେ କୃଷ୍ଣମୂର୍ତ୍ତି ହେଉଛନ୍ତି ବ୍ୟାକିଂ, କର୍ପୋରେଟ୍‍ ଏବଂ ଆର୍ଥିକ ନୀତିର ବିଶେଷଜ୍ଞ।
ସରକାରୀ ଅଧିସୂଚନାରେ କୁହାଯାଇଛି ଯେ ମୁଖ୍ୟ ଆର୍ଥିକ ପରାମର୍ଶଦାତା ଭାବେ ଡ. କୂଷ୍ଣମୂର୍ତ୍ତିଙ୍କୁ ନିଯୁକ୍ତିକୁ ମନ୍ତ୍ରିମଣ୍ଡଳ କମିଟି ମଞ୍ଜୁରି ପ୍ରଦାନ କରିଛି।
ଉଲ୍ଲେଖଯୋଗ୍ୟ ଯେ ଚଳିତ ବର୍ଷ ଜୁନ୍‍ ମାସରେ ଭାରତ ସରକାରଙ୍କ ମୁଖ୍ୟ ଅର୍ଥନୈତିକ ପରାମର୍ଶଦାତା (ସିଇଏ) ପଦରୁ ଅରବିନ୍ଦ ସୁବ୍ରମଣ୍ୟମ ଇସ୍ତଫା ଦେଇଥିଲେ। ୪ ବର୍ଷ ଧରି ସେ ମୁଖ୍ୟ ଅର୍ଥନୈତିକ ପରାମର୍ଶଦାତା ଭାବେ କାର୍ଯ୍ୟ କରିବା ପରେ ସେ ଆମେରିକା ଫେରିଯାଇଥିଲେ। ସେବେଠାରୁ ଏହି ପଦ ଖାଲି ପଡ଼ିଥିଲା।