ମୁମ୍ବଇ : କରଣ ଜୋହରଙ୍କ ଧର୍ମା ପ୍ରଡ୍କସନରେ ନିର୍ମିତ ଚଳଚ୍ଚିତ୍ର କଳଙ୍କର ଟିଜର ମଙ୍ଗଳବାର ମୁକ୍ତିଲାଭ କରିସାରିଛି। ଏହି ଚଳଚ୍ଚିତ୍ର ବହୁ ଲୋକପ୍ରିୟ କଳାକାର ଅଭିନୟ କରିଛନ୍ତି। ସଞ୍ଜୟ ଦତ୍ତ, ମାଧୁରି ଦିକ୍ଷୀତ, ଆଲିଆ ଭଟ୍ଟ, ସୋନାକ୍ଷୀ ସିହ୍ନା, ଆଦିତ୍ୟ ରୟ କାପୁର, ବରୁଣ ଧବନ ଭଳି କଳାକାର ରହିଛନ୍ତି। ସମସ୍ତ କଳାକାର ଏହି ଚଳଚ୍ଚିତ୍ର କାହାଣୀ ସହିତ ପ୍ରଭାବିତ ହୋଇଛନ୍ତି। ସେଥିପାଇଁ ଏହି ଚଳଚ୍ଚିତ୍ର ଟିଜର ରିଲିଜ ସମୟରେ ଅଭିନେତ୍ରୀ ଆଲିଆ ଭଟ୍ଟ ଭାବବିହ୍ୱଳ ହୋଇପଡିଥିବା ଦେଖିବାକୁ ମିଳିଥିଲା।
ଆଲିଆ କହିଛନ୍ତି, ଏହି ଚଳଚ୍ଚିତ୍ର ନିର୍ମାଣ ପାଇଁ ନିର୍ଦ୍ଦେଶକ ଅଭିଷେକ ବର୍ମନ ଓ ପ୍ରଯୋଜକ କରଣ ଜୋହର ଦିନରାତି ଏକ କରିଦେଇଛନ୍ତି। ଏହି ଚଳଚ୍ଚିତ୍ର ମୋ କ୍ୟାରିଅରରେ ସବୁଠାରୁ ଲୋକପ୍ରିୟ ଚଳଚ୍ଚିତ୍ର ହେବ ବୋଲି ମୁଁ ଆଶା କରିଛି। ପରେ ଆଲିଆ କହିଥିଲେ ମୁଁ ଅଧିକା କହିବିନି କାରଣ ମୋ ମେକଅପ ଖରାପ ହୋଇଯିବ।
ଏହି ଚଳଚ୍ଚିତ୍ରରେ ଅଭିନେତା ସଞ୍ଜୟ ଦତ୍ତ ଓ ଅଭିନେତ୍ରୀ ମାଧୁରୀ ଦିକ୍ଷୀତ ୨୨ ବର୍ଷ ପରେ ଏକାଠି ନଜର ଆସିବେ। ଚଳଚ୍ଚିତ୍ର କଳଙ୍କ ଏପ୍ରିଲ ୧୭ ତାରିଖରେ ମୁକ୍ତିଲାଭ କରିବାକୁ ଯାଉଛି। ଆଲିଆଙ୍କ ଏହି ଭିଡିଓ ଭାଇରାଲ ହେବାରେ ଲାଗିଛି।
