ଭୁବନେଶ୍ୱର : ଚଳିତ ବର୍ଷ ସାଧାରଣ ନିର୍ବାଚନରେ ଓଡ଼ିଶାରେ ବିଜେପି ଓ ବିଜେଡି ବରୋଧରେ ମହାମେଣ୍ଟ ଗଠନ ହେବ। ସିପିଆଇ କେନ୍ଦ୍ରୀୟ ସମ୍ପାଦକ ଡି. ରାଜା ରବିବାର ଭୁବନେଶ୍ୱର ଏକ ଦଳୀୟ କାର୍ଯ୍ୟକ୍ରମରେ ଏହି ସୂଚନା ଦେଇଛନ୍ତି। ସେ କହିଛନ୍ତି ସିପିଆଇ, ସିପିଏମ୍, ଜେଏମଏମ ଓ କଂଗ୍ରେସକୁ ନେଇ ଏହି ମହାମେଣ୍ଟ ଗଠନ କରାଯିବ।
ସୂଚନାଯୋଗ୍ୟ ଯେ ବିଜେଡି ଓ ବିଜେପିକୁ ଶାସନ ଗାଦିଠାରୁ ଦୂରେଇ ରଖିବା ପାଇଁ ଆସନ୍ତା ସାଧାରଣ ନିର୍ବାଚନରେ କଂଗ୍ରେସ ରାଜ୍ୟରେ ସମଭାବାପନ୍ନ ରାଜନୈତିକ ଦଳ ଓ ନେତାଙ୍କ ସହ ମିଶି ରାଜନୈତିକ ମୈଦାନକୁ ଓହ୍ଲାଇବ ବୋଲି ପିସିସି ସଭାପତି ନିରଞ୍ଜନ ପଟ୍ଟନାୟକ ପୂର୍ବରୁ କହିଥିଲେ। କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧିଙ୍କ ସମ୍ମତି ପରେ ଓଡ଼ିଶାରେ ଏଭଳି ମେଣ୍ଟ କରାଯିବ ବୋଲି ନିରଞ୍ଜନ କହିଛନ୍ତି।
