ଖରା ଛୁଟି ଆରମ୍ଭ ହୋଇଗଲାଣି । ଛୁଟିରେ ବୁଲି ଯିବାକୁ ସମସ୍ତେ ପସନ୍ଦ କରନ୍ତି । ଗ୍ରୀଷ୍ମ ଛୁଟିରେ ହିଲ ଷ୍ଟେଶନ ବୁଲି ଯିବାର ମଜା ନିଆରା । ପରିବାର ଓ ସାଙ୍ଗ ସାଥୀ ସହ ବୁଲିବା ପାଇଁ କିଛି ଲୋକ ଏବେଠାରୁ ଯୋଜନା ଆରମ୍ଭ କରି ସାରିଲେଣି । କିନ୍ତୁ ଯାତ୍ରା ସମୟରେ କିଛି ଲୋକଙ୍କର ବାନ୍ତି ଓ ମୁଣ୍ଡ ବୁଲାଇବା ଭଳି ସମସ୍ୟା ଦେଖାଯାଏ । ଏହା ଦ୍ବାରା ଯାତ୍ରାର ମଜା ପୁରା ଫିକା ହୋଇ ଯାଏ । ତେବେ ଆସନ୍ତୁ ଜାଣିବା ଯାତ୍ରା ପୂର୍ବରୁ କେଉଁ ଖାଦ୍ୟ ସେବନ କରିବା ଶରୀର ପାଇଁ ଲାଭଦାୟକ ହୋଇଥାଏ ।
ଜୀରା : ଯାତ୍ରାରେ ବାହାରିବା ପୂର୍ବରୁ ଏକ ଚାମଚ ଭଜା ଜୀରା ପାଉଡର ପାଣିରେ ମିଶାଇ ପିଅନ୍ତୁ । ଏହା ଦ୍ବାରା ଯାତ୍ରା ସମୟରେ ବାନ୍ତି ସମସ୍ୟା ଦୂର ହୋଇଥାଏ । ଯାତ୍ରା ସମୟରେ ମଧ୍ୟ ଏହାକୁ ଆପଣ ନେଇ ପାରିବେ ।
ଗୋଲମରିଚ : ଯାତ୍ରା କରିବା ପୂର୍ବରୁ ଏକ ଗ୍ଲାସ ନଖ ଉଷୁମ ପାଣିରେ ଲେମ୍ବୁ ରସ ଓ ଗୋଲମରିଚ ପାଉଡର ମିଶାଇ ପିଅନ୍ତୁ । ଯାତ୍ରା ସମୟରେ ଥକ୍କାପଣକୁ ଦୂର ହୋଇଥାଏ ।
ଲେମ୍ବୁ ପାଣି : ଗ୍ରୀଷ୍ମ ଋତୁରେ ସବୁଠାରୁ ଉତ୍ତମ ହେଉଛି ଲେମ୍ବୁ ପାଣି । ଯାତ୍ରାରୁ ବାହାରିବା ସମୟ ଲେମ୍ବୁ ପାଣି ପିଇ ବାହାରନ୍ତୁ । ଏହା ଦ୍ବାରା ବାନ୍ତି ସମସ୍ୟା ଦୂର ହୋଇଥାଏ । ଯାତ୍ରା ସମୟରେ ଥରେ ବା ଦୁଇ ଥର ଲେମ୍ବୁ ପାଣି ପିଇ ପାରିବେ ।
ପାନମହୁରୀ : ଖାଦ୍ୟ ହଜମପ୍ରକ୍ରିୟା ପାଇଁ ପାନମହୁରୀ ସବୁଠାରୁ ଉତ୍ତମ । ଏହାକୁ ଆପଣ ଯାତ୍ରା କରିବା ପୂର୍ବରୁ ଖାଇ ପାରିବେ । ଏହା ଦ୍ବାରା ଖାଦ୍ୟ ହଜମ ହେବା ସହ ବାନ୍ତି ହୋଇନଥାଏ ।
ଅଦା ଚା’ : ଯାତ୍ରା ସମୟରେ ଶାରୀରିକ ଶକ୍ତି ବା ଉର୍ଜ ବଜାୟ ରଖିବା ପାଇଁ ଚା’ ଅତ୍ୟନ୍ତ ଉପଯୋଗୀ । ତେଣୁ ଯାତ୍ରା ସମୟରେ ଅଦା ଚା’ ପିଅନ୍ତୁ । ଏହା ଦ୍ବାରା ବାନ୍ତି ହୋଇନଥାଏ ।
ପୁଦିନା : ଯାତ୍ରା ସମୟରେ ଯଦି ଆପଣଙ୍କୁ ବାନ୍ତି ଲାଗୁଛି ତେବେ ଆପଣ ପୁଦିନ ପତ୍ର ଖାଇପାରିବେ ।
ଯଦି ଏହି ଉପାୟ କରିବା ପରେ ମଧ୍ୟ ଯାତ୍ରା ସମୟରେ ଆପଣଙ୍କୁ ବାନ୍ତି ଲାଗୁଛି ତେବେ ପାଟିରେ ଲବଙ୍ଗ ରଖିବା ଉତ୍ତମ ହେବ ।