ପାଖେଇ ଆସୁଛି ଶୀତ ଦିନ, ଉତ୍ତମ ସ୍ୱାସ୍ଥ୍ୟ ପାଇଁ ଖାଦ୍ୟରେ ସାମିଲ କରନ୍ତୁ ଏହି ଖାଦ୍ୟ

ଶୀତ ଦିନକୁ କିଛି ଦିନ ବାକି ରହିଥିବା ବେଳେ ଥଣ୍ଡା ଅନୁଭବ ହେଲାଣି। ଏହି ଦିନରେ ସ୍ୱାସ୍ଥ୍ୟ ପ୍ରତି ଅଧିକ ଯତ୍ନ ଦେବା ନିତ୍ୟାନ୍ତ ଆବଶ୍ୟକ। ନଚେତ ଥଣ୍ଡା ଜନିତ ସମସ୍ୟା ଲାଗି ରହିଥାଏ। ଏପରି କେତେକ ଖାଦ୍ୟ ରହିଛି, ଯାହାକୁ ଏହି ଦିନରେ ଖାଇବା ଦ୍ୱାରା ଶରୀର ସୁସ୍ଥ ରହିବା ସହ ଥଣ୍ଡା ଜନିତ ସମସ୍ୟା ଦୂର ହୁଏ । ଜାଣନ୍ତୁ ଏହା ବିଷୟରେ….
ବାଜରା –
ବାଜରା ଖାଇବା ଦ୍ୱାରା  ଶରୀରରକୁ ଉପଯୁକ୍ତ ପରିମାଣରେ କ୍ୟାଲସିୟମ ଓ ଫାଇବର ମିଳିଥାଏ। ଯାହା ଥଣ୍ଡା କାରଣରୁ ହେଉଥିବା ଶରୀରର ବିଭିନ୍ନ ଯନ୍ତ୍ରଣା ଯେପରି ଆଣ୍ଠୁ, ଗଣ୍ଠି ବ୍ୟଥା ଦୂର କରିଥାଏ। ଏହା କୋଲେଷ୍ଟେରୋଲ୍‍ ର ସ୍ତରକୁ ନିୟନ୍ତ୍ରଣ କରିଥାଏ। ପାଚନ ତନ୍ତ୍ରକୁ ମଧ୍ୟ ସୁସ୍ଥ ରଖିଥାଏ। 
ଖଜୁରୀ –

ଖଜୁରୀରେ ଭିଟାମିନ ଏ, ଫାଇବର, ଆଇରନ ଓ ଅନ୍ୟାନ୍ୟ ପୋଷକ ତତ୍ତ୍ୱ ରହିଛି। କ୍ଷୀର ସହ ଖଜୁରୀର ସେବନ କଲେ ଶରୀର ସୁସ୍ଥ ରହିବା ସହ ହାଡ଼ଗଣ୍ଠି ଯନ୍ତ୍ରଣା ଦୂର ହୋଇଥାଏ।
ଗୁଡ଼ –
ଗୁଡ଼ରେ କ୍ୟାଲସିୟମ, ମ୍ୟାଗ୍ନେସିୟମ ଓ ଅନ୍ୟାନ୍ୟ ପୋଷକ ତତ୍ତ୍ୱ ରହିଛି। ଥଣ୍ଡା ଦିନରେ ଏହାର ସେବନ କରିବା ଦ୍ୱାରା ଥଣ୍ଡା, କାଶରୁ ଏହା ଶରୀରକୁ ଦୂରେଇ ରଖେ। ରୋଗ ପ୍ରତିରୋଧକ ଶକ୍ତି ବୃଦ୍ଧି କରିଥାଏ। ଉଷୁମ କ୍ଷୀରରେ ଏହାର ସେବନ କଲେ ଓଜନ ହ୍ରାସ ହୋଇଥାଏ। ପାଚନ ତନ୍ତ୍ର ସୁସ୍ଥ ରହିଥାଏ।
ରାଶି –
ରାଶିରେ ଆଣ୍ଟି-ବ୍ୟାକ୍ଟେରିୟଲ ତତ୍ତ୍ୱ ରହିଛି। ହୃଦୟ ଜନିତ ବିଭିନ୍ନ ସମସ୍ୟାରୁ ଶରୀରକୁ ଦୂରରେ ରଖିବା ସହ ଥଣ୍ଡାରୁ ମଧ୍ୟ ରକ୍ଷା କରେ। କୋଲେଷ୍ଟେରୋଲ୍‍ ର ସ୍ତରକୁ ନିୟନ୍ତ୍ରଣ କରିଥାଏ।
ହଳଦୀ –
ହଳଦୀରେ ବହୁ ଔଷଧୀୟ ଗୁଣ ଭରି ରହିଛି। ଥଣ୍ଡା ସମୟରେ କ୍ଷୀରରେ ହଳଦୀ ମିଶାଇ ପିଇବା ଦ୍ୱାରା ଥଣ୍ଡା ସମସ୍ୟା ଦୂର ହେବା ସହ ଥଣ୍ଡାରୁ ମୁକ୍ତି ମିଳିଥାଏ। ହାଡ଼ ଶକ୍ତ ହୋଇଥାଏ। 
ଗାଜର –
ଗାଜରରେ ପୋଟାସିୟମ, ଭିଟାମିନ ଏ, ଆଇରନ ଭରପୁର ମାତ୍ରାରେ ରହିଥାଏ। ଏହାକୁ ଖାଇବା ଦ୍ୱାରା ରକ୍ତ ପରିଷ୍କାର ହୋଇଥାଏ। ଶରୀରକୁ ବିଭିନ୍ନ ସକ୍ରମଣରୁ ରକ୍ଷା କରିବା ସହ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିଥାଏ।
ବିଟ୍‍ –
ବିଟ୍ ରେ ଭିଟାମିନ ଏ, ବି, ବି-୧୨, ଭଳି ବହୁ ପୋଷକ ତତ୍ତ୍ୱ ରହିଛି। ଏହାର ନିମୟିତ ସେବନ କରିବା ଦ୍ୱାରା ଶରୀର ବିଭିନ୍ନ ରୋଗରୁ ଦୂରେଇ ରହିବା ସହ ହିମୋଗ୍ଲୋବିନ ମାତ୍ରା ବୃଦ୍ଧି କରିଥାଏ।

Comments are closed.