ପୁରୀରେ ଏନକାଉଣ୍ଟର; ଦୁର୍ଦ୍ଦାନ୍ତ ଅପରାଧୀ ରଶ୍ମିରଞ୍ଜନ ଗୁରୁତର

0
869
courtesy : news4masses.com

ପୁରୀ: ସୋମବାର ରାତିରେ ପୁରୀ ପୁଲିସର ଏନକାଉଣ୍ଟରରେ ଦୁର୍ଦ୍ଦାନ୍ତ ଅପରାଧୀ ରଶ୍ମିରଞ୍ଜନ ପଣ୍ଡା ଗୁରୁତର ଆହତ ହୋଇଛି। ରଶ୍ମିରଞ୍ଜନଙ୍କୁ ପୁଲିସ ତାଳବଣିଆ ଅଞ୍ଚଳରେ ଏନକାଉଣ୍ଟର କରିଛି। ତାଙ୍କ ବାମ ଗୋଡ଼ରେ ଗୁଳି ବାଜିଥିବାବେଳେ ଚିକିତ୍ସା ପାଇଁ ପୁଲିସ ତାଙ୍କୁ କଟକ ବଡ଼ ଡାକ୍ତରଖାନାକୁ ପଠାଇଛି। ସୋମବାର ରାତିରେ ସିଦ୍ଧମହାବୀର ଅଞ୍ଚଳରେ ଘଟିଥିବା ଏକ ଗୁଳିକାଣ୍ଡରେ ରଶ୍ମିରଞ୍ଜନ ସମ୍ପୃକ୍ତ ଥିବା ଜଣାପଡ଼ିଛି। ତାଙ୍କ ନାଁରେ ବିଭିନ୍ନ ଥାନାରେ ଏକାଧିକ ମାମଲା ରହିଛି।

ସୂଚନାଯୋଗ୍ୟ, ସୋମବାର ରାତିରେ ତାଳବଣିଆ ଥାନା ଅନ୍ତର୍ଗତ ସିଦ୍ଧମହାବୀର ଅଞ୍ଚଳରେ ରାକେଶ ନାୟକ ନାମକ ଯୁବକଙ୍କୁ ଗୁଳିମାଡ଼ କରାଯାଇଥିଲା। ରାକେଶ ପୂର୍ବରୁ ବେଙ୍ଗାଲୁରୁରେ ଏକ ହୋଟେଲରେ କାମ କରୁଥିଲେ। କିଛି ଦିନ ତଳେ ପୁରୀ ଆସିଥିଲେ। ରାକେଶ ଗତକାଲି ରାତି ପ୍ରାୟ ୮ଟାରେ ସିଦ୍ଧମହାବୀର ଅଞ୍ଚଳ ଦେଇ ଘରକୁ ଫେରୁଥିବା ବେଳେ ୨ଜଣ ଦୁର୍ବୃତ୍ତ ତାଙ୍କୁ ଗୁଳିମାଡ଼ କରିଥିଲେ। ତାଙ୍କ ଡାହାଣ ଗୋଡ଼ରେ ୪ଟି ଏବଂ ବାମଗୋଡ଼ରେ ୨ଟି ଗୁଳି ବାଜିଥିଲା। ପୂର୍ବ ଶତ୍ରୁତାରୁ ଏହି ଗୁଳିକାଣ୍ଡ ଘଟିଥିବା ସୂଚନା ମିଳିଛି। ଏଥିରେ ରଶ୍ମିରଞ୍ଜନଙ୍କ ସମ୍ପୃକ୍ତ ଥିଲେ। ପୁଲିସ ଏହା ଜାଣିବା ପରେ ରାତାରାତି ରଶ୍ମିରଞ୍ଜନଙ୍କୁ ଧରିବାକୁ ଚଢ଼ାଉ ଆରମ୍ଭ କରିଥିଲା। ତାଳବଣିଆ ନିକଟରେ ରଶ୍ମିରଞ୍ଜନଙ୍କୁ ପୁଲିସ ଦେଖି ଧରିବାକୁ ଗୋଡ଼ାଇବା ବେଳେ ସେ ପୁଲିସ ଉପରକୁ ଗୁଳି କରିଥିଲେ। ଜବାବରେ ପୁଲିସ ତାଙ୍କୁ ଗୁଳି କରିଥିଲା। ତାଙ୍କ ବାମ​‌ଗୋଡ଼ରେ ଗୁଳି ବାଜିଥିଲା।