ବାଚସ୍ପତି ପଦ ପାଇଁ ପ୍ରାର୍ଥୀ ପତ୍ର ଦାଖଲ କଲେ ଓମ୍ ବିର୍ଲା : ବୁଧବାର ଭୋଟ୍
ନୂଆଦିଲ୍ଲୀ : ରାଜସ୍ଥାନ କୋଟାର ଦୁଇଥର ବିଜେପି ସାଂସଦ ଓମ୍ ବିର୍ଲା ଲୋକସଭା ବାଚସ୍ପତି ପାଇଁ ଏନ୍ଡିଏ ପ୍ରାର୍ଥୀ ଭାବେ ମଙ୍ଗଳବାର ମନୋନୟପତ୍ର ଦାଖଲ କରିଛନ୍ତି । ଆସନ୍ତାକାଲି ଏଥିପାଇଁ ଭୋଟ୍ ଗ୍ରହଣ କରାଯିବ ।
ସଂସଦୀୟ ବ୍ୟାପାର ମନ୍ତ୍ରୀ ପ୍ରହଲାଦ ଯୋଶୀ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, କେନ୍ଦ୍ରମନ୍ତ୍ରୀ ରାଜନାଥ ସିଂହ, ଅମିତ ଶାହା ଓ ନୀତିନ ଗଡ଼କରୀ ତାଙ୍କ ନାମ ପ୍ରସ୍ତାବ ଦେଇଥିଲେ। ସେ କହିଛନ୍ତି, ବିଜେଡ଼ି, ଶିବସେନା,ଅକାଳୀଦଳ, ଏଲଜେପି, ୱାଇଏସ୍ଆର୍ କଂଗ୍ରେସ, ଜେଡିୟୁ ଏବଂ ଏଆଇଏଡି ଏମକେ ଏହି ପ୍ରସ୍ତାବରେ ସ୍ୱାକ୍ଷର କରିଛନ୍ତି । କଂଗ୍ରେସ ଏହି ପ୍ରସ୍ତାବରେ ସ୍ୱାକ୍ଷର କରିନଥିଲେ ମଧ୍ୟ ଶ୍ରୀ ବିର୍ଲାଙ୍କ ପ୍ରାର୍ଥୀତ୍ୱକୁ ବିରୋଧ କରିବ ନାହିଁ ବୋଲି ସେ କହିଛନ୍ତି ।
ଅନ୍ୟପକ୍ଷରେ ବାଚସ୍ପତି ପଦ ପାଇଁ ଶାସକ ଦଳ ପ୍ରାର୍ଥୀଙ୍କୁ ସମର୍ଥନ କରିବାନେଇ କଂଗ୍ରେସ ନେତୃତ୍ବାଧୀନ ୟୁପିଏ ପକ୍ଷରୁ ଅନୁଷ୍ଠିତ ଏକ ବୈଠକରେ ସ୍ଥିର ହୋଇଛି । ତେଣୁ ଶ୍ରୀ ବିର୍ଲା ସର୍ବସମ୍ମତି କ୍ରମେ ବାଚସ୍ପତି ଭାବେ ନିର୍ବାଚିତ ହେବା ସ୍ପଷ୍ଟ ହୋଇଛି।
Comments are closed.