ଯଦି ଆପଣଙ୍କ ପିଲା ସବୁବେଳେ ଚୁପଚାପ ଓ ଉଦାସ ରହୁଥାଏ ତେବେ ସାବଧାନ ହୋଇ ଯାଆନ୍ତୁ। ଏହା ଅବସାଦ ହେବାର ପ୍ରାରମ୍ଭିକ ଲକ୍ଷଣ ଅଟେ। ଆଧୁନିକ ଜୀବନଶୈଳୀରୁ ଆମ ଜୀବନରେ ଅନେକ କିଛି ପରିବର୍ତ୍ତନ ହୋଇଥାଏ। ତେଣୁ ପିଲାଙ୍କ ମଧ୍ୟରେ ବର୍ତ୍ତମାନ ଅବସାଦର ଲକ୍ଷଣ ଅଧିକ ଦେଖିବାକୁ ମିଳୁଛି। ବାପା-ମାଆ ଉଭୟ କର୍ମଜୀବୀ ହୋଇଥିଲେ ଏହି ସମସ୍ୟା ଅଧିକ ଦେଖା ଯାଇଥାଏ। ପିତା-ମାତା ପିଲାଙ୍କୁ ଉପଯୁକ୍ତ ସମୟ ନ ଦେବାରୁ ସେମାନେ ନିଜକୁ ଏକୁଟିଆ ମନେ କରନ୍ତି। ପିଲାମାନେ ଏକୁଟିଆ ରହିବାରେ ଅଭ୍ୟସ୍ତ ହୋଇ ଯାଆନ୍ତି ଯାହା ପରବର୍ତ୍ତୀ ସମୟରେ ଅବସାଦ ରୂପେ ଦେଖା ଦେଇଥାଏ। ଏହାଦ୍ୱାରା ପିଲାମାନଙ୍କ ଖେଳବୁଲା ସମୟ ମଧ୍ୟ ନଷ୍ଟ ହୋଇଯାଏ।
ପିଲାମାନଙ୍କ ଅବସାଦର କାରଣ ସର୍ବଦା ଚିନ୍ତିତ ରହିବା। ମନୋଚିକିତ୍ସକଙ୍କ ମତରେ ୧୨ବର୍ଷ ପର୍ଯ୍ୟନ୍ତ ପିଲାଙ୍କ ମଧ୍ୟରେ ୩ ପ୍ରତିଶତ ପିଲା ଅବସାଦର ଶିକାର ହୋଇଥାନ୍ତି। ପିଲାମାନେ ଅବସାଦ ହେଉଥିବା କଥା ପିତାମାତା ଓ ଶିକ୍ଷକ କେହି ଜାଣି ପାରି ନଥାନ୍ତି।
ପିଲାଙ୍କ ମଧ୍ୟରେ ଅବସାଦର ଲକ୍ଷଣ :
ଚିଡଚିଡା ହେବା
ସର୍ବଦା ଦୁଃଖୀ ରହିବା ଓ ଚିନ୍ତିତ ରହିବା
ସାଙ୍ଗଙ୍କ ମେଳରେ ଚୁପଚାପ ରହିବା
ବ୍ୟବହାରରେ ହଠାତ ପରିବର୍ତ୍ତନ ହେବା
ଛୋଟ ଛୋଟ କଥାରେ ରାଗି ଯିବା
ଖାଇବା ପିଇବାରେ ବାରମ୍ବାର ମନା କରିବା
ପାଠପଢା ଓ ଖେଳକୁଦରେ ମନ ନ ଲାଗିବା
ସବୁବେଳେ ବ୍ୟସ୍ତ, ବିବ୍ରତ ରହିବା
ସବୁବେଳେ ନକରାତ୍ମକ କଥା କହିବା
ଏକୁଟିଆ ରହିବାକୁ ପସନ୍ଦ କରିବା