ଡେରାଡୁନ୍ .- ଉତ୍ତରାଖଣ୍ଡର ପୌଡି ଅଞ୍ଚଳରେ ଏକ ରୋଷେଇ ଘରୁ ଦୁଇ ଜଣ ଯୁବକଙ୍କର ମୃତ ଦେହ ଜବତ କରାଯାଇଛି । ପୌଡି ଅଞ୍ଚଳରେ ଥିବା ଚାରକଣ୍ଡି ଗ୍ରାମରେ ସନ୍ଦେହଜନକ ଅବସ୍ଥାରେ ଦୁଇଜଣ ଯୁବକଙ୍କର ମୃତଦେହ ଉଦ୍ଧାର କରାଯାଇଥିଲା । ଏହାପରେ ମୃତ ଯୁବକଙ୍କର ପତ୍ନୀ ଥାନାରେ ଅଭିଯୋଗକରିଥିଲେ । ପରେ ପୁଲିସ ଏହି ଦୁଇଜଣଙ୍କର ଆଉଜଣେ ସାଙ୍ଗକୁ ହତ୍ୟା ଅଭିଯୋଗରେ ଗିରଫ କରିଛି ।
ଦୁଇ ଜଣ ଗୋଟିଏ ଭଡା ଘରେ ରହୁଥିଲେ । ଘର ମାଲିକ ସହ ଭଡା ଘରର ରୋଷାଇ ଘରେ ବସି ରାତିସାରା ମଦ୍ୟପାନ କରିଥିଲେ । ସକାଳେ ଘର ମାଲିକଙ୍କ ସ୍ତ୍ରୀ ଘର ବାହାରୁ ଦିଆଯାଇଥିବା ଦେଖିଥିଲେ । ସେ ଘର କବାଟ ଖୋଲିବା ମାତ୍ରେ ତା ଭିତରେ ତାଙ୍କ ସ୍ୱାମୀଙ୍କ ସହ ଅନ୍ୟଜଣେ ଯୁବକ ଅଧାଜଳା ଅବସ୍ଥାରେ ପଡିଥିବା ଦେଖିଥିଲେ । ସେ ଭୟରେ ପାଟି କରିଥିଲେ ପରେ ଅନ୍ୟମାନେ ଘଟଣାସ୍ଥଳରେ ପହଁଚିଥିଲେ ।
ପରେ ପୁଲିସ ଘଟଣାସ୍ଥଳ ପହଞ୍ଚି ତଦନ୍ତ ଆରମ୍ଭ କରିଥିଲା । ଘଟଣା ବେଳେ ଏମାନେ ତିନିଜଣ ରାତିରେ ମଦ ପିଉଥିବା ପୁଲିସକୁ ସୂଚନା ମିଳିଥିଲା । ଅନ୍ୟ ଜଣେ ୧୯ ବର୍ଷିୟ ଯୁବକ ଘଟଣାସ୍ଥଳରେ ନଥିଲା । ପୁଲିସ ତୁରନ୍ତ ସେହି ଯୁବକକୁ ଅଟକ ରଖିଥିଲା । ମଦ୍ୟପାନ ପରେ ତିନି ଜଣଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ଏହାରରେ ଦୁଇଜଣଙ୍କୁ ହତ୍ୟା କରି ସେ ନିଆଁ ଲଗାଇଦେଇଥିବା ପୁଲିସ ଆଗରେ ସ୍ୱୀକାର କରିଛି । ପୁଲିସ ହତ୍ୟା ଅଭିଯୋଗରେ ତାକୁ କୋର୍ଟ ଚାଲାଣ କରିଛି ।
