କ୍ରିକେଟ୍ ବିଶ୍ୱକପ୍ : ୱାର୍ଣ୍ଣରଙ୍କ ଶତକ ବଳରେ ରନ୍ର ପାହାଡ଼ ଛିଡ଼ାକଲା ଅଷ୍ଟ୍ରେଲିଆ, ବାଂଲାଦେଶ ପାଇଁ ୩୮୨ ରନର ବିଜୟ ଲକ୍ଷ୍ୟ
ଟ୍ରେଣ୍ଟବ୍ରିଜ୍ : କ୍ରିକେଟ୍ ବିଶ୍ଵକପ୍-୨୦୧୯ର ୨୬ତମ ମ୍ୟାଚ୍ ଗୁରୁବାର ଇଂଲଣ୍ଡ ଟ୍ରେଣ୍ଟବ୍ରିଜ୍ କ୍ରିକେଟ ଗ୍ରାଉଣ୍ଡରେ ଅଷ୍ଟ୍ରେଲିଆ- ବାଂଲାଦେଶ ମଧ୍ୟରେ ଖେଳାଯାଉଛି। ଏହି ମ୍ୟାଚରେ ଅଷ୍ଟ୍ରେଲିଆ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। କଙ୍ଗାରୁ ଦଳ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୫୦ ଓଭରରେ ୫ ୱିକେଟ୍ ହରାଇ ୩୮୧ ରନ ସଂଗ୍ରହ କରିଛି। ଅଷ୍ଟ୍ରେଲିଆର ବିଶାଳ ସ୍କୋର ପଛରେ ଡ଼େଭିଡ଼୍ ୱାର୍ଣ୍ଣରଙ୍କ ବିଶେଷ ଅବଦାନ ରହିଛି। ଡ଼େଭିଡ଼୍ ୱାର୍ଣ୍ଣର ୧୪୭ଟି ବଲ ଖେଳି ୧୪ଟି ଚୌକା ଓ ୫ଟି ଛକା ସହାୟତାରେ ୧୬୬ ରନ୍ କରିଛନ୍ତି। ସେହିଭଳି ଉସମାନ ଖ୍ବାଜା ୭୨ ବଲରୁ ୧୦ଟି ଚୌକା ସହାୟତାରେ ୮୯ ରନ୍, ଅଧିନାୟକ ଆରୋନ ଫିଞ୍ଚ ୫୧ ବଲରୁ ୫୩ ରନ୍( ୫ ଚୌକା, ୨ ଛକା), ମାକ୍ସୱେଲ ୧୦ଟି ବଲରୁ ତିନୋଟି ଛକା ୨ଟି ଚୌକା ସହାୟତାରେ ଦ୍ରୁତ ୩୨ ରନ କରିଛନ୍ତି।
ବାଂଲଦେଶ ପକ୍ଷରୁ ସୋମ୍ୟ ସରକାର ସର୍ବାଧିକ ତିନୋଟି ୱିକେଟ ନେଇଛନ୍ତି।
ବର୍ଷା ଯୋଗୁଁ ଏହି ମ୍ୟାଚକୁ ୪୯ ଓଭରରେ କିଛି ସମୟ ପାଇଁ ସ୍ଥଗିତ ରଖାଯାଇଥିଲା। କିଛି ସମୟ ପରେ ବର୍ଷା ଛାଡ଼ିଯିବାରୁ ବାକି ଥିବା ଆଉ ଏକ ଓଭର ଖେଳାଯାଇଥିଲା।
Comments are closed.