ନିଜର ସମସ୍ତ ଶକ୍ତି ପ୍ରୟୋଗ କରି କଂଗ୍ରେସ ୟୁପିରେ ନିର୍ବାଚନ ଲଢ଼ିବ : ରାହୁଲ

0

ନୂଆଦିଲ୍ଲୀ : ଉତ୍ତର ପ୍ରଦେଶରେ ସମସ୍ତ ଶକ୍ତି ପ୍ରୟୋଗ କରି କଂଗ୍ରେସ ଦଳ ନିର୍ବାଚନ ଲଢ଼ିବ ବୋଲି ଦଳର ଅଧ୍ୟକ୍ଷ ରାହୁଲ୍‍ ଗାନ୍ଧୀ କହିଛନ୍ତି। ୨୦୧୯ ଲୋକସଭା ନିର୍ବାଚନରେ କଂଗ୍ରେସକୁ ବାଦ ଦେଇ ଉତ୍ତର ପ୍ରଦେଶରେ ସପା ଓ ବସପା ମେଣ୍ଟ ଗଠନ କରିବା ପରେ ଦୁବାଇରେ ଥିବା ରାହୁଲ ଗାନ୍ଧୀ ଏକ ପ୍ରତିକ୍ରିୟାରେ ଏହା କହିଛନ୍ତି।
ଏକ ସାମ୍ବାଦିକ ସମ୍ମିଳନୀରେ ସେ କହିଛନ୍ତି, ଏସ୍‍ପି ଓ ବିଏସ୍‍ପିର ଦୁଇ ନେତାଙ୍କ ପ୍ରତି ତାଙ୍କର ଯଥେଷ୍ଟ ସମ୍ମାନ ରହିଛି ଏବଂ ସେମାନେ ଯେଉଁ ନିଷ୍ପତ୍ତି ନେଇଛନ୍ତି ତାହା ବାଧ୍ୟ ବାଧକତାରେ ସେମାନଙ୍କ ଦଳ ପାଇଁ ନେଇଛନ୍ତି। ତେବେ କଂଗ୍ରେସ ଏହି ନିର୍ବାଚନରେ ନିଜର ସମସ୍ତ ଶକ୍ତି ଖଟାଇ ଲଢ଼ିବ ଏବଂ ଭଲ ପ୍ରଦର୍ଶନ କରିବ ବୋଲି ସେ ଆଶା ବ୍ୟକ୍ତ କରିଛନ୍ତି।
ସୂଚନାଯୋଗ୍ୟ, ଉତ୍ତର ପ୍ରଦେଶରେ ଦୁଇ ପ୍ରତିଦ୍ୱନ୍ଦ୍ୱୀ ଦଳ ମାୟାବତୀଙ୍କ ନେତୃତ୍ୱରେ ପରିଚାଳିତ ବହୁଜନ ସମାଜବାଦୀ ପାର୍ଟି ଏବଂ ଅଖିଲେଶ ଯାଦବଙ୍କ ସମାଜବାଦୀ ପାର୍ଟି ୩୮ଟି ଲେଖାଏଁ ଆସନରେ ପ୍ରତିଦ୍ୱନ୍ଦ୍ୱିତା କରିବାପାଇଁ ମେଣ୍ଟ ଗଠନ କରିଛନ୍ତି। ପୂର୍ବରୁ ଏମାନେ କଂଗ୍ରେସ ନେତୃତ୍ୱରେ ଗଠନ ହେବାକୁଥିବା ମହାମେଣ୍ଟରେ ସାମିଲ ହେବା ନେଇ ସମହତ ହୋଇଥିଲେ ମଧ୍ୟ ଶେଷରେ ପରସ୍ପର ମଧ୍ୟରେ ମେଣ୍ଟ କରିଛନ୍ତି।

Leave A Reply