ସର୍ବଦଳୀୟ ବୈଠକରେ ଯୋଗଦେବାକୁ ଆସନ୍ତାକାଲି ମୁଖ୍ୟମନ୍ତ୍ରୀଙ୍କ ଦିଲ୍ଲୀ ଗସ୍ତ

ଭୁବନେଶ୍ବର : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ବାରା ଆହୁତ ସର୍ବଦଳୀୟ ବୈଠକରେ ଯୋଗଦେବାକୁ  ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବୁଧବାର (ଆସନ୍ତାକାଲି)ଦିଲ୍ଲୀ ଗସ୍ତରେ ଯିବାର କାର୍ଯ୍ୟକ୍ରମ ରହିଛି । ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ୨୦ତାରିଖରେ ଓଡ଼ିଶା ପ୍ରତ୍ୟାବର୍ତ୍ତନ କରିବେ । ପାର୍ଲାମେଣ୍ଟ କାର୍ଯ୍ୟ ପରିଚାଳନାକୁ ଅଧିକ ରୁଦ୍ଧିମନ୍ତ ତଥା ଶୃଙ୍ଖଳିତ କରିବାର ଲକ୍ଷ୍ୟ ରଖି ପ୍ରଧାନମନ୍ତ୍ରୀ ବିଭିନ୍ନ ଦଳର ସହଯୋଗ ଲୋଡ଼ିବା ସହିତ ବୈଠକରେ ଯୋଗଦେବାକୁ ସବୁ ଦଳର ସଭାପତିଙ୍କୁ ଆମନ୍ତ୍ରଣ କରିଛନ୍ତି।
ଏହି ବୈଠକରେ ‘ଏକ ରାଷ୍ଟ୍ର ଓ ଗୋଟିଏ ନିର୍ବାଚନ’ ପ୍ରସଙ୍ଗ ‌ସହିତ ଅନ୍ୟାନ୍ୟ ଗୁରୁତ୍ବପୂର୍ଣ୍ଣ ବିଷୟରେ ଆଲୋଚନା ହେବାର କାର୍ଯ୍ୟକ୍ରମ ରହିଛି । ଲୋକସଭା ଓ ରାଜ୍ୟସଭାକୁ ଯେଉଁସବୁ ରାଜନୈତିକ ଦଳର ପ୍ରତିନିଧି ନିର୍ବାଚିତ ହୋଇଛନ୍ତି ସେସବୁ ଦଳର  ଅଧ୍ୟକ୍ଷଙ୍କୁ ଏହି ବୈଠକକୁ ଡକାଯାଇଛି।