ଚେନ୍ନାଇର ଯୁବକଙ୍କୁ ୨୧ ଲକ୍ଷ ଟଙ୍କା ଦେଲା ଇନଷ୍ଟାଗ୍ରାମ
ଚେନ୍ନାଇ .- ଚେନ୍ନାଇର ଜଣେ ଯୁବକଙ୍କୁ ଇନଷ୍ଟାଗ୍ରାମ ପକ୍ଷରୁ ୩୦,୦୦୦ ଡଲାର ୨୧ ଲକ୍ଷ ଟଙ୍କାର ଚେକ୍ ପ୍ରଦାନ କରାଯାଇଛି । ଫେସ୍ବୁକ୍ ଅଧିକୃତ ଇନଷ୍ଟାଗ୍ରାମରେ ଏକ ବଗ୍ ବିଷୟରେ ସେ ଇନଷ୍ଟାଗ୍ରାମକୁ ଜଣାଇଥିବାରୁ ତାଙ୍କୁ ଏହି ପୁରସ୍କାର ଦିଆଯାଇଛି । ଲକ୍ଷ୍ମଣ ମୁଥେୟା ଇନଷ୍ଟାଗ୍ରାମ ବ୍ୟବହାର କରିବା ସମୟରେ ଏହି ବଗ୍ ବିଷୟରେ ଜାଣିଥିଲେ । ଏହା ଦ୍ୱାରା ଅନ୍ୟଜଣଙ୍କର ଅନୁମତି କିମ୍ବା ପାସଓ୍ୱାର୍ଡ ଦେବାର ଆବଶ୍ୟକତା ନଥିଲା । ଏବିଷୟରେ ସେ ଇନ୍ଷ୍ଟାଗ୍ରାକୁ ସୂଚନା ଦେଇଥିଲେ । ଏହି ବଗ୍ ଯୋଗୁଁ ଜଣଙ୍କର ଆକାଉଣ୍ଟ ହାକ୍ କରିବା ଅତି ସହଜ ।
ଏକ ରିକଭରି କୋଡ୍ ଅନୁରୋଧ କରି ପାସଓ୍ୱାର୍ଡ ମଧ୍ୟ ବଦଳାଯାଇ ପାରିଥାଆନ୍ତା । ଫେସ୍ବୁକ୍ ଟିମ୍ ଏ ବିଷୟରେ ଜାଣିବା ପରେ ବଗ୍କୁ ହଟାଇବା ପାଇଁ କାମ ଆରମ୍ଭ କରିଥିଲେ । ଫେସ୍ବୁକ୍ ଟିମ୍କୁ ଏ ବିଷୟରେ ଜଣାଇବା ପାଇଁ ସେ ଅନେକ ଭିଡିଓ ପ୍ରମାଣ ପ୍ରଦାନ କରିଥିଲେ । ତଥ୍ୟ ପ୍ରମାଣ ପାଇବାପରେ ଫେସ୍ବୁକ୍ ପକ୍ଷରୁ ମୁଥୟାଙ୍କୁ ୨୧ ଲକ୍ଷ ଟଙ୍କା ପୁରସ୍କାର ଭାବେ ପ୍ରଦାନ କରାଯାଇଛି ।
Comments are closed.