ବଡବିଲ: ବଡବିଲ ଥାନା ଅନ୍ତର୍ଗତ ଭଦ୍ରାସାହିସ୍ଥିତ ବିଆରପିଏଲ୍ ପ୍ଲାଣ୍ଟର କର୍ମଚାରୀମାନେ ବୁଧବାର ଦିନ ମୁଖ୍ୟ ଫାଟକକୁ ବନ୍ଦ କରି ଆନ୍ଦୋଳନ କରିଛନ୍ତି। କର୍ମଚାରୀଙ୍କର ସର୍ବନିମ୍ନ ମଜୁରୀ ବୃଦ୍ଧି,ଠିକା ଶ୍ରମିକଙ୍କୁ ସ୍ଥାୟୀ ନିଯୁକ୍ତି,ମାଗଣା ସ୍ୱାସ୍ଥ୍ୟ ସେବା,ଘର ଭଡା ଓ ଡଷ୍ଟ ଆଲାଉନ୍ସ ଆଦି ଦାବି କରି ଶ୍ରମିକମାନେ ଆନ୍ଦୋଳନ କରିଛନ୍ତି। ଦାବି ପୂରଣ ପାଇଁ ଦୀର୍ଘ ଦିନ ଧରି ଅନୁରୋଧ କରି ଆସୁଥିଲେ ମଧ୍ୟ କର୍ତ୍ତୃପକ୍ଷ ଉଦାସୀନ ରହିଥିବାରୁ ଆନ୍ଦୋଳନ କରିବାକୁ ବାଧ୍ୟ ହେଲେ ବୋଲି କର୍ମଚାରୀ ସଙ୍ଘ ପକ୍ଷରୁ କୁହାଯାଇଛି।
