୬ ରାଜ୍ୟର ୪୮ ଆସନ ପାଇଁ ବିଜେପିର ପ୍ରାର୍ଥୀ ଘୋଷଣା; ହିମାଚଳର ହମିରପୁର ଆସନରୁ ଲଢ଼ିବେ ଅନୁରାଗ ଠାକୁର
ନୂଆଦିଲ୍ଲୀ: ୬ଟି ରାଜ୍ୟର ୪୮ଟି ଅସାନ ପାଇଁ ବିଜେପି ଶନିବାର ରାତିରେ ପ୍ରାର୍ଥୀ ଘୋଷଣା କରିଛି। ଦଳର ମହାସଚିବ ଜେ.ପି ନଡ୍ଡା ଘୋଷଣା କରିଥିବା ଏହି ପ୍ରାର୍ଥୀ ତାଲିକାରେ ମଧ୍ୟପ୍ରଦେଶର ୧୫ଟି ଆସନ, ଝାଡ଼ଖଣ୍ଡର ୧୦, ଗୁଜରାଟର ୧୫, ହିମାଚଳ ପ୍ରଦେଶ ୪ ଏବଂ କର୍ନାଟକ ଓ ଗୋଆର ୨ଟି ଲେଖାଏ ଆସନ ପାଇଁ ଆଶାୟୀଙ୍କ ନାମ ରହିଛି। ମଧ୍ୟପ୍ରଦେଶର ମୁରୈନାରୁ ନରେନ୍ଦ୍ର ତୋମାର, ଜବଲପୁରରୁ ରାକେଶ ସିଂହଙ୍କୁ ଦଳ ପ୍ରାର୍ଥୀ କରିଥିବାବେଳେ ଝାଡ଼ଖଣ୍ଡର ଦୁମକାରୁ ସୁନୀଲ ସୋରେନ, ଖୁଣ୍ଟିରୁ ଅର୍ଜୁନ ମୁଣ୍ଡା, ହଜାରିବାରରୁ ଜୟନ୍ତ ସିହ୍ନା ଏବଂ ଗୁଜରାଟର ଜାମନଗରରୁ ପୁନମ ବେନ୍ ଓ ଭରୁଚରୁ ମନସୁଖ ଭାଇ ବସାୱା ପ୍ରାର୍ଥୀ ହୋଇଛନ୍ତି। ସେହିଭଳି ହିମାଚଳ ପ୍ରଦେଶର ହମିରପୁରରୁ ଅନୁରାଗ ଠାକୁର, ସିମଲାରୁ ସୁରେଶ କଶ୍ୟପ, କର୍ନାଟକର କୋଲାରରୁ ମୁନି ସ୍ବାମୀ ଏବଂ ଗୋଆର ଉତ୍ତର ଗୋଆରୁ ଶ୍ରୀପଦ ନାଏକ ଓ ଦକ୍ଷିଣ ଗୋଆରୁ ନରେନ୍ଦ୍ର କେଶବ ସୱାରିକରଙ୍କୁ ବିଜେପି ପ୍ରାର୍ଥୀ କରିଛି।