ଆରଡିପୀଠରେ ଶହଶହ ବର୍ଷର ପରମ୍ପରା ,ଆମିଷଭୋଗ ଲାଗି ପରେ କରାଯାଏ ମାକାଳୀଙ୍କ ଘଟ ବିସର୍ଜନ

ଆରଡି: ପ୍ରସିଦ୍ଧ ଶୈବକ୍ଷେତ୍ର ଆରଡିପୀଠରେ ପବିତ୍ର ଦୀପାବଳୀ ଠାରୁ ୫ଦିନ ବ୍ୟାପି ଆରମ୍ଭ ହୋଇଥିବା ମାକାଳୀଙ୍କ ପୂଜା ଶହଶହ ବର୍ଷର ପରମ୍ପରା ଓ ରୀତିନୀତି ଅନୁଯାୟୀ ପୂଜାର୍ଚ୍ଚନା କରାଯିବା ସହିତ ଗତ ବୁଧବାର ମଧ୍ୟରାତ୍ରରେ କୁସୁମାଣ୍ଡ ବଳୀ ସହ ଆମିଷ ଭୋଗ ଲାଗି ହେବା ପରେ ମାଙ୍କ ଘଟ ବିସର୍ଜନ କରାଯାଇଛି। ପୀଠରେ ଧୃବ ମହାପାତ୍ରସାହିରେ ପଥରେ ନିର୍ମିତ ମାକାଳୀଙ୍କ ପୂଜା ସ୍ୱତନ୍ତ୍ର ଭାବେ କରାଯିବା ସହିତ ପ୍ରଥମ ଦିନରେ ଘଟ ଉତ୍ତୋଳନ, ଚଣ୍ଡିପାଠ, ଦ୍ୱାରପାଳ ପୂଜା, ପଞ୍ଚ ଉପଚାର ପୂଜା ସରିବା ପରେ ମାଙ୍କୁ ରାତ୍ର ନିଶାର୍ଦ୍ଧରେ ଆମିଷ ଭୋଗ ଲାଗି କରାଯିବାର ପରମ୍ପରା ରହିଥିବା ମହାପାତ୍ର ବଂଶଧରମାନେ ପ୍ରକାଶ କରିଛନ୍ତି। ସେହିପରି ପ୍ରତିଦିନ ମାଙ୍କ ପୂଜା ମଣ୍ଡପରେ କିସୁମାଣ୍ଡ ବଳୀ ଲାଗି ହେବା ସହ ହୋମଯଜ୍ଞ ଆଦି ଅନୁଷ୍ଠିତ ହୋଇଥାଏ।

Comments are closed.