ରସୁଣ ଓ ମହୁର ମିଶ୍ରଣ, ଆପଣଙ୍କ ପାଇଁ ସାଜିବ ରାମବାଣ

ମହୁ ଏବଂ ରସୁଣ ଉଭୟ ଅନେକ ଔଷଧୀୟ ଗୁଣରେ ଭରପୁର। ଦୁହିଁଙ୍କ ଉପକାରୀ ଗୁଣ ବିଷୟରେ ମଧ୍ୟ ଆମେ ପୂର୍ବରୁ ଅନେକ ଥର ଆପଣଙ୍କୁ ଅବଗତ କରାଇଛୁ। ହେଲେ କ’ଣ ଆପଣ ଜାଣନ୍ତି, ରସୁଣ ରସ ସହ ମହୁ ମିଶାଇ ସେବନ କରିବା‌ ଦ୍ବାରା ଆମକୁ ଅଦ୍ଭୁତ ଲାଭ ମିଳିଥାଏ। ଏହା ଶରୀରର ଅନେକ ରୋଗ ଦୂର କରି ଶରୀରକୁ ସୁସ୍ଥ ରଖିଥାଏ। ତେବେ ଆସନ୍ତୁ ଜାଣିବା ଏହି ଦ୍ବୟର ମିଶ୍ରଣ ସେବନ ଦ୍ବାରା ଆମର କି ଉପକାର ହୋଇଥାଏ –

-ରସୁଣ ରସ ସହ ମହୁ ମିଶାଇ ଦୈନିକ ସେବନ କଲେ ଶରୀର ସୁସ୍ଥସବଳ ରହିବା ସହ ସଂକ୍ରମଣ ଭୟ ହ୍ରାସ ହୋଇଥାଏ।
-ରସୁଣରେ ଆଲିସିନ୍ ରହିଛି। ଯାହା କୋଲେଷ୍ଟ୍ରଲ୍ ହ୍ରାସ କରିବାରେ ମଧ୍ୟ ସହାୟକ ହୁଏ।
-ରସୁଣ ମହୁର ମିଶ୍ରଣ ସେବନ ରକ୍ତ ଜମାଟ ବାନ୍ଧିବାରୁ ମଧ୍ୟ ରକ୍ଷାକରେ।
-ଏଥିରେ କର୍କଟ ନିରୋଧୀ ଗୁଣ ମଧ୍ୟ ରହିଛି।
-ଏଥିରେ ଭିଟାମିନ୍-ବି୬, ଭିଟାମିନ୍-ସି, ସେଲେନିୟମ୍ ଏବଂ ଫାଇବର୍ ଆଦି ଥିବା ଯୋଗୁଁ ଏହାର ସେବନ ଦ୍ବାରା ଶରୀରର ରୋଗ ପ୍ରତିରୋଧକ କ୍ଷମତା ବୃଦ୍ଧି ପାଇଥାଏ।
-ଏହା ହଜମ ଶକ୍ତି ବୃଦ୍ଧି କରିବାରେ ସାହାଯ୍ୟ କରିଥାଏ।
-ଥଣ୍ଡା ରୋଗୀଙ୍କ ପାଇଁ ଏହା ଲାଭଦାୟକ ସାବ୍ୟସ୍ତ ହୋଇଥାଏ। ଦୈନିକ ମହୁ ଓ ରସୁଣ ରସ ମିଶାଇ ପିଇଲେ ଅନେକ ସ୍ବାସ୍ଥ୍ୟଗତ ଲାଭ ମିଳିଥାଏ।
-ଏହାର ସେବନ ମସ୍ତିଷ୍କକୁ ମଧ୍ୟ ସୁସ୍ଥ ରଖେ।
-ହୃଦରୋଗୀଙ୍କ ପାଇଁ ଏହି ମିଶ୍ରଣ ଖୁବ୍ ଲାଭଦାୟକ ସାବ୍ୟସ୍ତ ହୋଇଥାଏ।