ସୁନ୍ଦରତା ବଜାୟ ରଖିବା ପାଇଁ ଶୋଇବା ପୂର୍ବରୁ ଆପଣାନ୍ତୁ ଏସବୁ ଉପାୟ

0
266
image courtesy-StyleCraze

ସାଧାରଣତଃ ଏକ ସୁନ୍ଦର ରୂପ ପାଇବା ପାଇଁ ସମସ୍ତଙ୍କର ଇଛା ଥାଏ। ଏଥିପାଇଁ ଲୋକେ ଭିନ୍ନ ଭିନ୍ନ ଉପାୟ ଆପଣାଇ ଥାଆନ୍ତି। ହେଲେ ଏପରି କିଛି ସାଧାରଣ ଟିପ୍ସ ଅଛି ଯାହାକୁ ଆପଣାଇବା ଦ୍ବାରା ଆପଣ ସୁସ୍ଥ ଓ ସୁନ୍ଦର ରୂପ ପାଇପାରିବେ। ରାତିରେ ଶୋଇବା ପୂର୍ବରୁ ମାତ୍ର ଏହି ୬ଟି ଉପାୟ ଅବଲମ୍ବନ କରିବା ଦ୍ବାରା ଆପଣ ନିଜକୁ ସର୍ବଦା ସୁନ୍ଦର ରଖିପାରିବେ। ଚାଲନ୍ତୁ ଜାଣିବା ସେହ ଟିପ୍ସଗୁଡ଼ିକ ବିଷୟରେ –

-ରାତିରେ ଶୋଇବା ପୂର୍ବରୂ ନିଶ୍ଚୟ ଗାଧୋଇବା ଉଚିତ୍। ଏହା କରିବା ଦ୍ବାରା ଶରୀରରୁ ସାରା ଦିନର ସମସ୍ତ ଧୂଳି ମଇଳା ସଫା ହୋଇଥାଏ ଏବଂ ଆପଣଙ୍କ ତ୍ବଚା ଶାନ୍ତିରେ ନିଶ୍ବାସ ନେଇଥାଏ।
-ରାତିରେ ଶୋଇବା ପୂର୍ବରୁ ଦାନ୍ତ ଘଷିବା ବହୁତ ଜରୁରୀ ହୋଇଥାଏ। ରତିରେ ଖାଇସାରିବା ପରେ ଦାନ୍ତ ନ ଘଷିଲେ ଦାନ୍ତରେ ଜୀବାଣୁମାନେ ବସା କରିଥାନ୍ତି। ଏହା ଦ୍ବାରା ଆପଣଙ୍କର ଦାନ୍ତ ଧିରେ ଧିରେ ନଷ୍ଟ ହୋଇଯାଏ।
-ଶୋଇବା ପୂର୍ବରୁ ହଳଦୀ ମିଶ୍ରିତ କ୍ଷୀର ପିଇବା ଉଚିତ। ଏହା ଦ୍ବାରା ଆପଣଙ୍କ ଶରୀରରୁ ବିଶାକ୍ତ ପଦାର୍ଥ ନଷ୍ଟ ହୋଇଯାଇଥାଏ । ଯାହା ଦ୍ବାରା ରକ୍ତ ପରିଷ୍କାର ହୋଇଥାଏ। ଏହା ସହିତ ହଳଦୀ କ୍ଷୀର ନିୟମିତ ପିଇବା ଦ୍ବାରା ତ୍ବଚାରେ ଚମକ ଆସିଥାଏ।
-ପୂରା ଦିନ ଆଖି ମଧ୍ୟ ବହୁତ କାମ କରିଥାଏ। ତେଣୁ ଆଖିର ଯତ୍ନ ନେବା ନିହାତି ଜରୁରୀ ହୋଇଥାଏ। ଶୋଇବା ପୂର୍ବରୁ ଆପଣଙ୍କ ଆଖିର ଚାରି ପାଖକୁ କ୍ରିମ୍ ସାହାଯ୍ୟରେ ଧିରେଧିରେ ମାଲିସ କରନ୍ତୁ।
-ଶୋଇବା ପୂର୍ବରୁ ସମ୍ପୂର୍ଣ୍ଣ ଶରୀରରେ ମଶ୍ଚରାଇଜର ଲଗାଇବା ଆବଶ୍ୟକ। ଏହା ଦ୍ବାରା ତ୍ବଚାର କୋମଳତା ବଜାୟ ରହିଥାଏ ଏବଂ ସକାଳୁ ଉଠିବା ପରେ ତ୍ବଚା ଶୁଷ୍କ ବା ରୁକ୍ଷ ଲାଗିନଥାଏ।
-ଶୋଇବା ପୂର୍ବରୁ କେଶକୁ କୁଣ୍ଡାଇ ଶୁଅନ୍ତୁ। ଏହାଦ୍ବାରା ଆପଣଙ୍କ କେଶ ଛନ୍ଦି ହୋଇ ନଥାଏ ଓ ଝଡ଼ିବା କମ୍ ହୋଇଥାଏ।