ବଡ଼ସାହି/ବେତନଟୀ : ମୟୂରଭଞ୍ଜ ଜିଲା ବୈଶିଙ୍ଗା ବଜାରରେ ଥିବା ବିଶ୍ଵକର୍ମା ଜୁଏଲାରୀ ଦୋକାନରୁ ଶୁକ୍ରବାର ଦୁର୍ବୃତ୍ତମାନେ ଡ଼କାୟତି କରିଛନ୍ତି । ଅପରାହ୍ନ ସମୟରେ ୨ଟି ପଲସର ବାଇକରେ ୬ଜଣ ଡ଼କାୟତ ପହଞ୍ଚି ଦୋକାନୀର ବାପା ଓ ପୁଅଙ୍କୁ ବନ୍ଧୁକ, ମାରଣାସ୍ତ୍ର ଓ ଏସିଡ଼ ଦ୍ବାରା ଆକ୍ରମଣ କରି ସୁନାରୂପା ଗହଣା ଓ ନଗଦ ଟଙ୍କା ନେଇ ପଳାଇଛନ୍ତି । ଡ଼କାୟତ ମାନଙ୍କୁ ପ୍ରତିରୋଧ କରିବାକୁ ଯାଇ ବାପା ଓ ପୁଅ ଗୁରୁତର ଆହତ ହୋଇଛନ୍ତି । ବାପାଙ୍କ ଜଙ୍ଘରେ ଗୁଳିବାଜିଛି ।
ସୂଚନା ଅନୁଯାୟୀ, ଦୁର୍ବୃତ୍ତମାନେ ଡକାୟତି କରି ଖସି ପାଳାଉଥିବା ସମୟରେ ପାଖ ଦୋକାନୀ ମାନେ ଗୋଟିଏ ବାଇକକୁ ଅଟକ ରଖିବାରେ ସକ୍ଷମ ହୋଇଥିବା ଜଣାପଡ଼ିଛି । ଏଥିରେ ଥିବା ୩ଜଣ ଅଣ ଓଡିଆ ଡକାୟତଙ୍କୁ କାବୁ କରି ନିର୍ଧୁମ ମାଡ ମାରିଛନ୍ତି । ପୁଲିସ ପହଞ୍ଚି ଆହତଙ୍କୁ ଡାକ୍ତରଖାନାକୁ ନେଇଛି । ମୟୂରଭଞ୍ଜ ଏସପି ଘଟଣା ସ୍ଥଳରେ ପହଞ୍ଚି ଅଧିକ ତଦନ୍ତ ଜାରିରଖିଛନ୍ତି ।
Comments are closed.