ଅଟଳ ବିହାରୀ ବାଜପେୟୀଙ୍କୁ ଶ୍ରଦ୍ଧାଞ୍ଜଳି : ଅର୍ଦ୍ଧନମିତ ହେଲା ମରିସସ୍‍ ଜାତୀୟ ପତାକା

0

ନୂଆଦିଲ୍ଲୀ : ଭାରତର ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ ପୂର୍ବକ ମରିସସ ସରକାର ଦେଶର ଜାତୀୟ ପତାକାକୁ ଅର୍ଦ୍ଧନମିତ କରିଛନ୍ତି। ଶୁକ୍ରବାର ମରିସସ୍‍ରେ ଦେଶବ୍ୟାପୀ ସମସ୍ତ ସରକାରୀ କାର୍ଯ୍ୟାଳୟରେ ଭାରତର ଜାତୀୟ ପତାକା ସହିତ ମରିସସ୍‍ର ଜାତୀୟ ପତାକାକୁ ଅର୍ଦ୍ଧନମିତ କରି ଉଡାଯାଇଥିଲା। ଏପରି କି ଦେଶର ଘରୋଇ କ୍ଷେତ୍ରରେ ମଧ୍ୟ ଅନୁରୂପ ନିଷ୍ପତ୍ତି ପାଳନ କରିବା ଲାଗି ମରିସସ୍‍ ପ୍ରଧାନମନ୍ତ୍ରୀ ପ୍ରବୀନ୍ଦ କୁମାର ନିବେଦନ କରିଥିଲେ। ବାଜପେୟୀଙ୍କ ପରଲୋକ ପାଇଁ ମରିସସ୍‍ ପ୍ରଧାନମନ୍ତ୍ରୀ ତାଙ୍କ ଭାରତ ପ୍ରତିପକ୍ଷ ନରେନ୍ଦ୍ର ମୋଦୀଙ୍କ ପତ୍ର ଲେଖି ସମବେଦନା ଜଣାଇଛନ୍ତି। ବାଜପେୟୀଙ୍କ ପ୍ରଶଂସା ଗାନ କରି ପ୍ରବୀନ୍ଦ କୁମାର ଲେଖିଛନ୍ତି ଯେ ‘ ଏହି ବ୍ୟକ୍ତି କେବଳ ଭାରତ ପାଇଁ ନୁହେଁ ମରିସସ୍‍ ପାଇଁ ମଧ୍ୟ ଅନେକ କାର୍ଯ୍ୟ କରିଯାଇଛନ୍ତି।’ ମରିସସ୍‍ ସରକାରଙ୍କ ଏପରି କାର୍ଯ୍ୟକୁ ଭାରତର ବୈଦେଶିକ ମନ୍ତ୍ରଣାଳୟ ଏକ ବିରଳ ନିଷ୍ପତ୍ତି ବୋଲି ଦର୍ଶାଇଛନ୍ତି।

Leave A Reply