ବଲିଉଡ଼ରେ ଏଣ୍ଟ୍ରି କଲେ ଅମରିସପୁରିଙ୍କ ନାତି : ରିଲିଜ ହେଲା “ୟେ ସାଲି ଆଶିକି”ର ଟ୍ରେଲର

ମୁମ୍ବଇ : ବଲିଉଡ଼ରେ ଖଳନାୟକ ଭାବେ ବେଶ୍ ଜଣାଶୁଣା ସ୍ବର୍ଗତଃ ଅମରିସପୁରିଙ୍କ ନାତି ବର୍ଦ୍ଧନ ପୁରି ବଲିଉଡକୁ ଏଣ୍ଟ୍ରି କରିଛନ୍ତି। ତାଙ୍କ ଅଭିନୀତ ପ୍ରଥମ ଚଳଚ୍ଚିତ୍ର “ୟେ ସାଲି ଆଶିକି”ର ଟ୍ରେଲର ମଙ୍ଗଳବାର ମୁକ୍ତିଲାଭ କରିଛି। ଏନେଇ ଟ୍ରେଡ଼ ଆନାଲିଷ୍ଟ ତରଣ ଆଦର୍ଶ ଟ୍ବିଟ୍ କରି ସୂଚନା ଦେଇଛନ୍ତି।

ଏହି ଟ୍ରେଲରଟି ୨ମିନିଟ ୩୭ସେକେଣ୍ଡର ହୋଇଛି। ଜୟନ୍ତି ଲାଲ ଗାଡ଼ାଙ୍କ ପ୍ରଯୋଜନାରେ ଚଳଚ୍ଚିତ୍ରଟି ନିର୍ମାଣ ହୋଇଥିବାବେଳେ ଏଥିରେ ଚେରାଗ ରୁପାରିଅଲ ନିର୍ଦେଶନା ଦେଇଛନ୍ତି। ହିତେଶ ମୋଡାଙ୍କ ସଙ୍ଗୀତରେ ଚଳଚ୍ଚିତ୍ରର ଗୀତ ଗୁଡିକୁ ସଜାଯାଇଛି। ବର୍ଦ୍ଧନ ପୁରିଙ୍କ ବ୍ୟତୀତ ଶିବଲେକା ଓବେରୟ ଓ ସ୍ବାମି ଓମଙ୍କୁ ଏଥିରେ ମୁଖ୍ୟ ଭୂମିକାରେ ଦେଖିବାକୁ ମିଳିବ। ଏହି ଚଳଚ୍ଚିତ୍ରଟି ନାଭେମ୍ବର ୨୨ତାରିଖରେ ପରଦାକୁ ଆସିବ।