୫ମାସ ପରେ କାଲିଠୁ ସମ୍ବଲପୁରରେ ଖୋଲିବ ସରକାରୀ କାର୍ଯ୍ୟାଳୟ

0

ସମ୍ବଲପୁର: ଆସନ୍ତା କାଲି ଅର୍ଥାତ ମଙ୍ଗଳବାରଠାରୁ ସମ୍ବଲପୁରରେ ସମସ୍ତ ସରକାରୀ କାର୍ଯ୍ୟାଳୟ ଖୋଲିବ। ସମ୍ବଲପୁର ଓକିଲ ସଂଘ ପକ୍ଷରୁ ସୋମବାର ଅନୁଷ୍ଠିତ ଏକ ଗୁରୁତ୍ଵପୂର୍ଣ୍ଣ ବୈଠକରେ ଏ ନେଇ ନିଷ୍ପତ୍ତି ନିଆଯାଇଛି। ତେବେ ଜିଲାପାଳ ଏବଂ ଉପଜିଲାପାଳଙ୍କ କାର୍ଯ୍ୟାଳୟରେ ଚାଲୁଥିବା କୋର୍ଟ ଏବଂ ତହସିଲ କୋର୍ଟ ବନ୍ଦ ରହିବ। ପଶ୍ଚିମ ଓଡ଼ିଶାରେ ହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିରେ ଓକିଲ ସଂଘର ଆନ୍ଦୋଳନ ଯୋଗୁ ଦୀର୍ଘ ୫ମାସ ଧରି ସରକାରୀ କାର୍ଯ୍ୟାଳୟ ବନ୍ଦ ରହିଥିଲା। ତେବେ ବୈଠକରେ ହୋଇଥିବା ନିଷ୍ପତ୍ତି ଅନୁସାରେ ପୂର୍ବପରି ଆନ୍ଦୋଳନ ଜାରି ରହିବ। ସମସ୍ତ କୋର୍ଟ ବନ୍ଦ ରହିବ। ଓକିଲମାନେ କାର୍ଯ୍ୟବନ୍ଦ ଆନ୍ଦୋଳନ ଜାରି ରଖିବେ ବୋଲି ଓକିଲ ସଂଘ ସଭାପତି ବିଜିତେନ୍ଦ୍ରୀୟ ପ୍ରଧାନ ସୂଚନା ଦେଇଛନ୍ତି।

Leave A Reply