ନବରଙ୍ଗପୁର: ନବରଙ୍ଗପୁର ଅବକାରୀ ବିଭାଗ ପକ୍ଷରୁ କୋଡିଙ୍ଗା, କୋଷାଗୁମୁଡା ଏବଂ ନବରଙ୍ଗପୁର ଥାନା ଅଞ୍ଚଳର ବିଭିନ୍ନ ଗ୍ରାମରେ ଚଢ଼ାଉ କରି ୭ ଜଣଙ୍କୁ ଗିରଫ କରାଯିବା ସହ ଦେଶୀ ମଦ ଜବତ କରଯାଇଛି। କୋଷାଗୁମୁଡା ଥାନା ଅନ୍ତର୍ଗତ ସିରାଗୁଡା ଗ୍ରାମର ଅର୍ଜୁନ ଭତ୍ରାଙ୍କ ଘରେ ଚଢଉ କରାଯାଇ ୯ ଲିଟର ଦେଶୀ ମଦ, କୋଡିଙ୍ଗା ଥାନା ଅନ୍ତର୍ଗତ ମୁଦିନାୟକଗୁଡା ଗ୍ରାମର ଧନଞ୍ଜୟ ପରଜାଙ୍କ ଠାରୁ ୭ ଲିଟର, ଗାଦବାଗୁଡା ଗ୍ରାମର ଲଳିତା ଗୌଡଙ୍କ ଠାରୁ ୮ ଲିଟର ଦେଶୀ ମଦ, ବାଟିଗୁଡା ଗ୍ରାମର ବାଇଦି ବିଶୋଇ ଠାରୁ ୮ ଲିଟର, ନବରଙ୍ଗପୁର ଥାନା ଅନ୍ତର୍ଗତ ଗୁମାଗୁଡା ଗ୍ରାମର ଜଗବନ୍ଧୁ ଭତ୍ରାଙ୍କ ଠାରୁ ୫ ଲିଟର, ବୁଲି ନାୟକଙ୍କ ଠାରୁ ୫ ଲିଟର ଓ ଦନାଗୁଡା ଗ୍ରାମର ମାମା ଭତରାଙ୍କ ଠାରୁ ୨୦ ଲିଟର ଦେଶୀ ମଦ ଜବତ କରାଯାଇଛି। ସେମାନଙ୍କ ଠାରୁ ମୋଟ ୬୨ଲିଟର ଦେଶୀମଦ ଜବତ ହୋଇଛି। ଅବକାରୀ ଅଧୀକ୍ଷକ ଡମ୍ବୁରୁଧର ଖଣ୍ଡଙ୍କ ନିର୍ଦେଶକ୍ରମେ ନବରଙ୍ଗପୁର ଅବକାରୀ ନିରୀକ୍ଷକ ବିପ୍ରଚରଣ ମଣ୍ଡଳ, ଏସ୍ଆଇ ବୃନ୍ଦାବନ ମଣ୍ଡଳ, ପ୍ରତ୍ୟୁଷ କଛପ, ମହେନ୍ଦ୍ର ଭତ୍ରା, ସଦାଶିବ ଭତ୍ରା, ରୀନା ବଡନାୟକ, ଉମେଶ ହରିଜନ, ରଂଜି ଜାନୀ, ସୁଧାଂଶୁ ବାଗ ପ୍ରମୁଖ ଏହି ଚଢଉ କରିଥିଲେ। ଏ ନେଇ ଅବକାରୀ ବିଭାଗ ପକ୍ଷରୁ ୭ଟି ମାମଲା ରୁଜୁ କରାଯାଇଛି। ଗିରଫ ପରେ ସମସ୍ତଙ୍କୁ କୋର୍ଟ ଚାଲାଣ କରାଯାଇଛି।
